今日星期四 8點49分打卡 公司8點54分
都一樣啦 上網 做野 同老公傾FB
原本佢要同ms 阿麟去踩單車 所以我話返屋企
但老公今次唔俾 叫我放工去搵佢
我問佢去邊搵佢 但佢話踩大圍 太遠 我唔想去-.-"
但老公又係死都要我去 
跟住Lunch食壽司 4點去銀行入數
放工搵老公 原來老公仲係屋企 返到去先見Pakco係到
老公話阿麟唔聽電話 搞到又冇得去^^"
跟住落去啦 好彩Pakco唔係留係到
跟住老公同我去買送~
初時老公諗住買豆腐 煮飯~但我就話不如唔好煮 飲湯算啦?
哈哈 老公真愛我 我話都咩得
咁就去買肉 蕃茄 薯仔 跟住就返屋企啦~
點知志媽係屋企
好彩志媽今日心情好 冇發脾氣屌阿志唔返工
因為志媽要煮麵 所以俾佢用左先~跟住到我開始整啦
突然阿志同志媽傾傾下計 志媽叫佢落去買野 仲死都要而家
咁冇計啦 老公叫我陪佢落 點知買其他野多 哈哈~
買完返上去一陣志媽就走啦 1個鐘煲好個湯啦 係房飲^^"
一齊睇戲一齊飲湯一齊傾下計 都好開心呀^^"
搞下搞下成1點幾先訓^^"留左兩碗湯聽日返工飲 正呀!!
p.s.今日老公突然放左個台灣既行程出黎 我俾阿歡佢地睇
但二寶話呢個唔好 又唔俾我地跟團
所以就開心傾去台灣既野啦 好開心呀^^"
今日問老公(台灣個到仲去唔去?)老公答(去 緊係去啦)
開心死啦 希望今次唔好失望啦~
今日大約傾左咁多~
第一日 星期四
西門町-五分埔-士林夜市-住江子翠民宿
第二日 星期五
木柵動物園-饒河夜市-住江子翠民宿
第三日 星期六
九分-十分-平溪天燈-烏來溫泉-同住溫泉
第四天 星期日
深坑老街
星期六同星期日歡台灣朋友來車黎我地去玩~
星期日之後行程睇下有冇野加~可以叫佢帶~
