哈哈! 分班LU~

一朝早入到去，得幾個人，因為其他人番晒學。我9點4先到，仲要食完麥當當，不過食得好趕。

Carrick早過我番，佢睇完打電話比我，話比我知，我入左B班。

仲係同佢同一社，義社，我最鐘意o既藍色。

識左個新同學叫黃倍x(因為保障個人私隱)，望張名單o既時候，見到有Jenny，

Tony同埋Tommy，都有幾個舊同學同我一班，仲有一個郭x豪(因為保障個人私隱)。

佢地全部都係全級頭十名o既同學。 

A.B班係精英班，總算都入到，我地學校只有5個人入到精英班，都算多掛!

記得今年有2次去旅行，一次去燒烤，我好開心，但係冇同學肯同我玩，所以到最後，

我就冇去。後來知道佢地因為落雨，要回校煮熟佢地o既食物。

第二次畢業營，為免同學又唔願意同我玩，結果我冇參加。最後佢地因為流感爆發提前番黎，

兩次我都冇去，有d事就好似注定咁。 

小學畢業啦!但冇野唔捨得，但有好多人我係好感激o既。

多謝我三年班o既班主任文彩玲老師，王麗賢主任同埋楊美絲老師。多謝你地比左好多機會比我，

擴闊我o既眼光。

多謝校工，玲姐，燕姐，不時關心同支持我。

再一次多謝你地。