今日真係好LUCKY  我好想要既一對波鞋 居然俾我抽中買到 實在太開心了

呢份真係我最好既聖誕禮物 加上係老婆送 所以係最好的 我愛老婆

琴日公司放早 我第一時間落閘走人 跟住即刻去公司註冊處改返好個公司名 太開心了

之後就跟人傾合作 傾談過程氣氛都唔錯 大家都有一些共識  知道將來點樣合作

而我亦開始重組我個公司 累積了一些經驗而去慢慢改改變生意方針

我相信一定可以成功

願主祝福及給我啟示

「風流才子我輩出 俏麗佳人他方來」

 以上呢兩句可以代表我前半生 我要搵日得閒諗埋我下半生先得

相見好 同住難呢句說話 我真係深深體會到

琴日同老婆買完濾水器返屋企之後 老婆就清洗水壺諗住再煲水 點知佢搞到成個水塘咁樣 我就發晒老脾

之後佢唔多like走左 我就繼續執手尾

琴晚約左阿公阿婆成班人做冬 咁樣我就問老婆去唔去 佢又唔出聲 之後問左幾次都唔出聲 我就一氣之下走人

跟住打電話俾佢問佢去唔去 佢就唔聽電話 最後搞左好多次先聽 問左好多次先話黎

最後要成班人等我地兩個 我就話因為我病食左藥......

(閱讀全文)

點解我會識黎呢度開BLOG呢? 其實真係好多得「了了」呢個朋友仔 佢介紹我黎呢度 仲話好過「阿苦」個邊

我玩左一陣都覺得係喎 真係好過「阿苦」個邊 所以我都決定搬竇了

「阿苦」再咁樣不思進取 好快會被人取代 咁就玩完了~~~~