連續幾日辛苦之下 琴晚終於病了 可能做公司野又用神
返到屋企又忙搞埋生日派對既野 仲要落街被風吹去拍段片 可能因為咁樣而病了
今日一定要睇醫生 叫醫生幫我打針先得 我最驚就係打針了 為左明天冇辦法了

願主祝明天一切順利 帶一個開開心心的生日派對俾我女朋友
 

早幾日 應該話早幾個月岩 我一早睇左一個dip想讀的
不過之前因為太多野搞而冇再跟進落去 終於上星期開始又繼續了
早兩日打電話問清楚報名事宜 而今日就問老細肯唔肯幫手寫推薦信
我老細一口答應 下星期一俾我 太開心了 或者主又幫我了

之後就影印好所有資料去報名 希望成功入讀喇 咁就可以為將來邁進一步了
未來老婆就可以唔駛咁辛苦同擔心了
我地一齊努力~~~~~

2008年10月1日本應為我國國慶理應係屋企un un腳休息下 但係早幾日約左個化妝師試妝 所以就要監督一下  而我地搵呢間鋪係係金都搵到的 但係都唔知係咪命運安排定係其他因素 呢間野係美麗佳人前美術總監開的 整鬼理咩 有冇咁岩呀 不過都算喇 都係去試妝 唔岩咪算囉 冇左都係幾百蚊姐 我就由下午2:00坐到下午6:00 一直陪住我女朋友 做個廿四孝男友喇

咁我就每一個妝都睇下 留意下個化......

(閱讀全文)

今日係二零零九年九月九日 好難得有咁多個"九"字係同一日 再加埋九時九分零九秒
嘩......有成六個九字 俗語話 六六無窮 長長久久
如果我揀今日結婚 咁咪好好意頭 好可惜當日冇考慮呢個問題
不過唔緊要 係開心 幸福 其實邊一日都得 冇所謂 最緊要同自己最愛既人一齊嘛

我祝今日結婚的人 個個都幸福快樂 長長久久 永遠都咁開心
願主保佑大家

我諗我EQ真係有問題 要諗下點樣加強先得
因為結婚既野 已經同女友吵鬧了不知多少次
究竟係我太過緊要定係女友未ready結婚呢?
我都唔知 我都唔識答 唉......

我都唔知自己想點樣 好迷茫 我每一日都係諗有咩未做 有咩未搞
冇停過 我諗我想停一下

我想我需要一個好好的休息