經過左多日爭議之後, 之後呢兩日實在好難令人取舍....

不過總算有一個流程(未完善版)

首先會早起身到原宿明治神宮+周圍觀光

差唔多10點,開始出發去池袋,

跟住去排開10點半ge無敵家拉面~~~

如果都係太多人的話就排大勝軒....

跟手去參觀Animate總行,SEGA,

四周圍觀光,

差唔多2點,就去新宿

一直狂奔,買野,食野,睇野(由於仲未有詳盡計劃....)

一定去的有哥舞伎町,二町目^^

玩完之後時間許可的話,

會追加六本目睇夜景,完~

1998

其實第一日應該係最行得最小地方,

首先又機場飛到成田,連埋過關,搭新幹線到上野,

應該當地時間16:00到17:00,

所以呢一日會全程行上野,

不過抽起Ame橫,等最尾一日先行佢,

到左上野會有咩做呢?除左了解自己住宿附近有咩地方之外,

上野恩賜公園(夠玩兩粒鐘)

跟住可能食晚餐,

首選一蘭拉面, 或者 蓬萊屋食炸豬扖飯

然後會去藥房買一d備用品,

如果以上流程都唔超過20:30的話,

就會出淺草影Skytree, 一直留到22:00左右,

番黎記得去M記買個宵夜,

呢個就係第一日行程~~~~~

近排更新頻率好多密左好多,

鬼叫自己得閒咩......

因為直至尋日已經番完學,

最後上課日,雖然冇比到D驚喜我,

但就有好大感觸, 畢竟係學校度過ge左好多個年頭,

就好似我半個屋企咁, 相信到畢業禮歌日先會有少少衝擊~~~

不過有一樣野就你首先努力埋個畢業試先~~~

其次,又係6月旅遊事宜,

由今日開始準備Plan行程了,

拎住本旅遊書,人地ge旅遊日誌,

真係有好多地方想行, 但係又行唔哂咁多地方,

加上有時間限制, 確實好傷腦筋~~~~

想食ge野又好多,但又食唔哂咁多........

買ge野仲多,金錢上限制~~~

煩惱實在太多啦~

2010

潛左兩個幾月水,

今次上水重要係記番兩件重要事情~

一係恐怖ge海外聯招考試終於都過左啦,

由上年驚驚下驚到歌陣,依家總算放下心頭大石,

至於考成點呢個問題,對我已經唔重要了,

因為我已經用盡全力,呢世都好難再有呢個發揮,

即使結果係點,都冇問題了,

至少當初我係踏出考場之後,冇任何後誨之感....

我覺得自己努力絕對冇白費,不枉此生了!!!

入唔入到名校呢個問題,雖然直到放榜為止都係未知之數,

所以我依家可以做的就只有希望~~~

二就係開始計劃黎緊6月旅程ge問題,

今日開始Plan行程了, 打算計劃一個省荷包又不失歡樂之旅,

雖則咁大個仔第一次一個人出遠門,仲要係投身異國之中,

做每一步, 每個決定都要慎重,

不過問題黎啦, 就係我距離歌日ge理想基金到依家都仲未達標,

仲差3k野左右, 然而時間得番1個幾月....

睇黎今次真係要被逼去打工了......

希望到時真係可能蓄到呢筆錢啦,減低負擔~~~

2016

睇番上一篇講關於黎緊旅程ge文,原來都差唔多有半年....

匯報一下由歌陣到目前為止的準備先,

首先係飛航問題, 係呢幾日GE猶豫之下,

發現如果搭delta的話,雖然的確幾平,

但係要去香港搭的話,變相條數再唔係咁講,

加上時間方面非常趕,有d怕唔夠時間過去.........

所以揀左時間冇咁趕,價錢也相當公道的澳航,

因為早3個月訂,所以只需mop 3320 就ko左飛航問題~~~

缺點就係澳航超鐘意delay, 同埋旅程時間會縮短左少少,

不過只要係plan行程方面做好少少,應該都冇咩問題掛~~~~~

至於住宿方面,相繼解決左問題,

依然係上野之家,沒有改變,

幾經辛苦終於都訂左T T

機+預訂酒的總數為 MOP 3973

加埋酒店尾數就係MOP 5313

比起之前預計少左好多 ^ ^

所以到時出發所帶日圓總共 180000 YEN 左右,即MOP 14027 ~~

依家戶口入面財產仲有少少距離,

不過到左當時一定冇問題的說~~``

2079