話說，是咁的，某日，小生同某混蛋發羊吊，東寫西寫拼出以下呢堆東東。
然後，因為不忍呢堆東東蒙塵於小生硬碟，所以決定公諸於世！
所以，嗯……
er……
um……
呃……
都係直接入正文。
註：內含粗言穢語，見粗口會打冷震者請迴避！
－－－－－－－－－－－－－－－－－－－－－－－－－－－－－－
《當你連張車頭相都型過人既時候……》
－異羽（原為姐撚撚太撚）
是咁的，本少爺係人海中浮沈，沿途遍遍每個都市，飛過綠樹片片山莊，終於畀我領悟到一個完美既人生計劃。呢個人生計劃我相信有今生冇來世，因為只要跟住呢個計劃行無論你有書讀定冇書讀，有女溝定冇女溝，有底褲定冇底褲，你都可以有一個完美人生。
首先！你要戇戇鳩鳩咁讀完個中學佢！點解？自己諗。
然後，讀到Ｕ既上Ｕ啦，上唔到既是鳩但但自己搞掂佢，總之最終目的係廿五歲既時候要出黎做野！
好啦，跟住落黎就係重點，有notebook既快D抄底佢，冇notebook既拎底褲抄我話知你。聽住啦喎，廿五歲之後你就做果五年野佢，有幾盡做幾盡，有幾搏做幾搏，最好連命都唔好要，訓呀食呀飲呀玩呀你諗都唔好諗，傷身。經過一段咁既時期同搏命，相信你都應該有返十幾廿皮係手。
跟住落黎就係重點，退！休！
係，根據呢個完美既計劃，三十歲退休係岩岩好perfect池！退左休之後做咩我唔理你，因為跟埋落黎你三十五歲就應該要死，都係果句你點死你既事我唔理你。基本上有十幾廿皮係手加埋年輕力壯有暗病既三十歲青春胴體都夠你不枉此生。而且經過一輪嫖賭飲蕩吹你年輕力壯生暗病既青春胴體都應該畀你淘空哂，離死都不遠，連諗點死都慳返！
咩話？你話你搏埋條老命都搵唔到十幾廿皮，只係得返一副年輕力壯生花柳既三十歲青春胴體點算？冇所謂，其實問題唔大，因為當你知道你得返五年命既時候，生命自會找到出路，所以冇問題！正所謂橋到船頭自然直，小樓昨夜又春風，橫眉冷對千夫指，人生長恨水長東呀嘛，係咪？
嗯？唔想咁早死？少年你太年輕了。試諗下D凡人做生做死做到八十六先做到話叫退休，退得黎半隻腳都入棺材，嫖又冇力嫖，飲又冇氣飲，連墓碑副相都殘過人！你就唔同啦你！你睇下你風華正茂風采嫣然之時毅然投身拯救地球事業，哇到時候你既墓志銘點都黎返句天妒英才唐英年早逝啦！而且重點係你幅車頭相重要青春無敵，剩係呢點都冇得追啦係咪？
嗯？你問返點解中學要戇戇鳩鳩咁讀完？少年，你悟性真係好低，咁落去唔係辦法，但好彩呢個世界有將勤補拙，所以聽好跟住落黎既重點啦，要考嫁！正所謂人生中最珍貴最真誠既朋友都係中學到識返黎，你試諗下，當你讀個中學都讀到戇戇鳩鳩，重邊有人同你個戇鳩仔做老死。到時候啦喎自己一個輕輕的走正如我輕輕的來，我揮一揮手袖，不帶走一件蛋散，咁既完美浪子大結局重有咩唔滿意？
所以話呢，少年，早死早著吧啦！
完！
《當你連張車頭相都型過人既時候……》
－四月（原為笨撚吹屎眼）
是咁的，作為一個典型香港蟻民，要發達？！你都on9！但係喺咁撚絕望既環境當中，下賤既我地，即使冇人生教練性癲佬既引領，都仍然可以有個有意義既充實人生！
由細到大，老師、老豆、老母，教你既係咩？係叫你努力讀書。為咩？為發達。但當人大個左，發現e個只係有錢佬想你地班7頭幫佢地做牛做馬既時候，你會不禁低頭輕嘆，然後淡淡咁講聲，屌。
由一個胸懷大志既熱血青年，慢慢變成冇晒人生目標，變得行屍走肉既時候，通常有2種諗法。一，係捐返入老母個肚到當冇出過世；二，係死撚左佢。所以咁撚多人自尋短見就係咁解。喺e個時候，e篇文就正正係解決e個咁嚴重既社會問題既良方！
人生，係需要有計劃既。世界上除左高登仔身高米八再附加3000幾種特殊技能之外，其他人要生存並唔容易。就當你係個連大學都入唔撚到既廢柴。照一般黎講，你既人生已經輸左大半。但係當你有喺「屌濕撚晒」都仍然「唉唔撚驚」 既獅子山下精神既時候，接住落黎就係你既天下。
首先，你要諗辦法喺廿五歲前先增值一下自己。一到左廿五歲，就唔好理三七廿一搵份工。接落黎e幾年將會係你人生中，什至係文明人類發展史上最黑暗既時期。打工既e五年間，你最好將你所有野都放棄，因為你既目的係搵錢。最好可以一日返三份工，至於訓，可免則免。打夠五年工，當你月入一皮，每月死慳死抵留得到半份糧儲起佢。五年後，你已經有三十萬洗。你捱得過既話，跟住就係天堂。e個時候你先三十歲，青春？仲有d。
踏入三十歲，你要立刻唔撈。跟住既五年就可以用你儲起既錢吃喝玩樂。要女，你可以日日去叫雞。嫖賭飲盪吹，你既生活可以有幾混亂你就玩到幾混亂。驚乜撚，你有既係青春既肉體，即使你係矮毒肥都好，你副肉體都可以頂到好幾年先死。係，係好幾年。最理想既年期，我地係suggest五年既。五年內日夜咁玩，世界上既野（女）都玩得七七八八。而AIDS, 花柳等都應該可以係你身上搵到七七八八。
到左e個時候你大限將至。唐英年早逝喺e個情況下唔係壞事。你將除左讀書外一半既人生拎左黎玩。計返條數，遠遠好過死捱爛捱，捱到60歲先退休。唔好彩既你得返幾年命叫做享受。好彩既你有80歲命，有廿年「玩」。但係60歲玩咩撚呀，叫雞？想自殺呀？開P ？想自殺呀？點同30歲既青春肉體相提並論。而且做40年，先得廿年叫做有得「玩」。唔撚洗我講，都知五五開同e種亞視六四開，邊個好d啦。
當你張車頭相，係三十五歲而唔撚係七八十歲巢撚晒皮既時候，姐係代表你e世人過得非常有意義。所以話，只要一睇車頭相，人生好定壞高下立見。少年，當你既車頭相都靚仔青春型過人既時候，你已經冇得輸了！
－－－－－－－－－－－－－－－－－－－－－－－－－－－－－－
完！
刊登時間：2013-04-15 04:30 PM [ 
