建設已化成塵埃飛散滿天地
目睹全數經濟宗教文明 毀於一旦
地殼相繼分開全球活火山快要爆開
地平線盡頭還有否方舟接載
＊
大家好，我又浮上來了∼
好久沒上來，有點小懷念小感動耶！（嗯？有兩篇鬼東西？關我屁事？）
話說十幾月後既今日，少爺我總算又碌過一個大關，成功上岸食花生。
咩花生？話說，
英中生玩鳩中中生；
中中生玩鳩英中生；
日校老師玩鳩學生；
補習社玩鳩補習生；
考評局玩鳩全世界，
全地球邊到有咁豐富既花生食？
最緊要係，本少爺岸都上埋，而家唔食等清明？
＊
遍地也裂開 地球像洪海
同游這末世看過火山噴出極燙漿火
我們被漩渦席捲入幽暗深海愛讓我們再沒法把手鬆開
兩極赤度 還未有幸帶著你統統也踏過
＊
講真嘛，而家其實冇咩好講，亦都冇咩想講，因為都不外乎係嘆個Sem頭，忙個Sem中，煩個Sem尾，
THAT'S ALL.
所以嘛，都係黎個回顧過去好了。
展望將來甚麼的早死了十世，不要去想，好可怕。
＊
世界卻頓成天涯最終海角
我是世上最後的怪獸 你是可愛木偶
在瓦礫星塵下顯得罕有
不緊要 奇蹟有沒有 我祇要共你一起
＊
誓估唔到最後成個中學完左，最尾個感覺係：呀，完左啦。
嗯……是個有點混帳的感言，但都係果句，THAT'S ALL.
有開心、有唔開心、有煩惱、有失落、或者重有兩茶匙慶幸同兩分錢感動。
至於熱血甚麼的可能有，但……太古舊的事情都唔知計唔計好。
當只剩返你有記憶、有感覺既時候，或者，會變得好恐怖
──因為，你會睇住自己忘記。
有憤恨、有不屑，但當沈澱過後，都係會徐徐化去，嗯……如同情感。
這個有點經驗，但都係留返下次有機會回憶下某個死唔斷氣既軟體果陣再講啦。
曾經以為自己會一直耿耿於懷，或者重會萌生一大堆富含競爭意識而又破壞社會和諧既念頭，
但最後嘛，又真係會煙消雲散
──雖然，呢個煙消雲散既代價係一堆值得開心既記憶都會連帶消逝。
否定一切冇乜意義，雖然本來成段時間都冇乜意義，但若果重要剝削埋果殘餘既些許意思未免太慘，
縱使意義不代表快樂。
或者到最後，都要多謝某條蛋散。
如果冇左佢，
段時間先唔會消失得咁快，我重可以糾結多三五年
──蛋散！係你啦契弟！唔係你我會搞到成副生無可戀絕代抑鬱咁款？
所以，如果你下次路過咩高樓大廈、懸崖峭壁就同我狠狠地跳下去，唔駛畀面我。
就咁啦，下次有野再吹兩咀。
完字就唔打啦，今次冇咁好氣勢。
＊
遍地也裂開 地球像洪海
我共你於這末世見證過天塌下來極精彩
剎那地暗天昏 津波把我共你淹蓋
抱著抱著抱緊你 沒溺海底裡
＊
異羽，一三年四月某夜筆
P.S. 二月雨∼WOHOWOHO∼
再P.S. 大萌神！大萌神！
刊登時間：2013-04-18 05:21 AM [ 
