敦煌天空的沙礫 帶著我們的記憶
我從半路看回去 這情關漫漫好彎曲
夢想穿過了西域 包含了多少的禪意
愛情像一本遊記 我會找尋它的謎語
＊
哇哈哈少爺我又回來了∼估唔到咁快又返黎打返個白鴿轉，真估唔到自己咁好恆心！
（相信打埋呢篇又會深潛）
好啦！話說，今日，朕好痛心，而且十分之悲傷，外加少少憤慨。
事情是咁的，
因為SKYPE個更新，連MSN都冇埋。完。（好短！）
哇我嬲到呢！嗯……其實好似唔係好嬲……
＊
看 月牙灣下的淚光 在絲路之上被遺忘
＊
其實嘛∼我本來重以為MSN會真係死唔斷氣，等我可以擺個天荒地老海枯石爛放給它死∼
但點會估到咁樣畀人打個措手不及！
嗚∼我死去既MSN呀∼
不過嘛，我個MSN至少都叫自然（被謀殺？）死亡，總好過一堆自殺的。
之前打開個MSN……呃……唔知有冇十個唔好意思……
而家咁死……雖然感覺有點抱歉，但總算都叫死而無憾啦化！
＊
是誰的心啊 孤單的留下 他還好嗎 我多想愛他
拿永恆的淚 凝固的一句話 也許可能蒸發
是誰的愛啊 比淚水堅強 輕聲呼喚 就讓我融化
用一滴雨水 演化成我翅膀 向著我愛的人 追吧
＊
到底MSN係大家既心目中有咩意義呢？
我理得你死。
我呢∼意義有點大，大約就係……半個中學。
或者再多點也可以。
係當年，（雖然原因係因為自己十一二點先開始做野，）通宵清功課既時候，MSN同千千靜聽係不能少的東東。
但明明兩樣野都係嚴重妨礙作業。
以前冇耳筒，會將個聲量較到勁細，包括千千佢本來個聲音。
憑記憶貌似係較到得返三四％，一定唔超過五。
BTW 而家用返WMP，貪有MiniLyrics用哇哈哈∼
但用過MSN既人都知道，佢個訊息聲量呢，係冇得較的。
所以一直被玩弄，從未有超脫。
雖然嘛之後發現了可以將電腦把聲較到三四％，較返大千千把聲，但畢竟都係一段好寶貴好有趣既回憶。
＊
夢想穿過了西域 包含了多少的禪意
愛情像一本遊記 我會找尋它的謎語
＊
當年深宵，笨蛋極多，我係指果D十一二點甚至一二點先開始做野既笨蛋。
明知自己多功課多野做嫁啦，係要磨到咁夜做，自作自受咪呢D！冇得救嫁啦！
話說，就係因為咁，唔知點解MSN就多左幾個常用聯絡人（當時冇呢個概念）。
晚晚定時定候互相挑逗（咦押韻耶），歡樂無限，悲嘆連綿（嗯？好似有點不對勁）
明明咁既時候咁既氣氛點都應該講返兩句心事做下青春期小少年，
呀你班蛋散係好野既，三句唔埋兩句就轉哂話題，極盡自己白痴能力。
雖然嘛，我貌似都係其中之一。
而且更加唔講唔得既有MSN最契弟既存在──M群！
呢樣野真係混帳到呢，可以耗盡你由放學到屋企到你十一二點所有時間。
成班蛋散圍威喂炸群炸MSN，不知有幾多人頂唔順Block Q左佢添。
但係嘛，都係中二果段時間，M群岩岩出，成班唔識野整左黎玩……
好啦，MSN轟炸既日子終於來臨。
雖然好煩，但係諗返嘛……都係玩得幾開心既，尤其係個群有成班人陪你癲既時候。
＊
看 月牙灣下的淚光 在絲路之上被遺忘
＊
只可惜，桃花依舊，人面全非。
唔係，係桃花凋落，人面無蹤。
MSN真係衰落得好突然，突然到好多發現原來自己好多既記憶同回憶都一齊衰落。
因為MSN而起既感情，當然有，但應該係得友情……好似係……
我個MSN係好乾淨的，先唔似班淫蕩既青春期少男到處勾搭人！
雖然嘛而家D紀錄冇哂，屎∼冇對證∼
另外，因為MSN而衰既感情……我相信都有。
並唔係話係MSN鬧交果D，只係因為當大家都轉哂用其他野既時候，我重用緊MSN，結果嘛，當然冇左好多聯絡。
雖然本來就唔係多。
所以嘛，貌似有好有唔好，但終究到尾，到而家，我都冇後悔過。
冇轉咪冇轉，死用MSN咪死用，冇哂Frd喳嘛！
……嗚，好想哭。
好啦唔搞事，冇後悔係真既，嗯……遺憾好似同後悔係兩樣野黎！冇錯！
＊
是誰的心啊 孤單的留下 他還好嗎 我多想愛他
拿永恆的淚 凝固的一句話 也許可能蒸發
是誰的愛啊 比淚水堅強 輕聲呼喚 就讓我融化
用一滴雨水 演化成我翅膀 向著我愛的人 追吧
＊
異羽，一三年某四月尾某宵筆
P.S. 是夜月明，月不月圓不知道，有近視睇唔清。
再P.S. 話說，其實隻歌唔係特別點鍾意，但若果要講MSN，對我黎講呢隻歌係必須回憶的！原因嘛，自己估！
完！
刊登時間：2013-04-24 02:29 AM [ 
