隨著美夢隨地搶搶搶
最后揭開寶箱 發現與所想的不一樣
最初歡暢 擠到滿了變惆悵
原有的玩具是幅相
一生需要在船上 一心想要在湖上
一身濕透為了抓緊水色的漂亮
無限美夢無量想想想
放大更多感想 眼觀旭日 身陷夕陽
隨著美夢隨地搶搶搶
最后揭開寶箱 渴望與得到的不一樣
最初不過 不過眼角太痕癢
原為了解決那痕癢 而最終抓破了眼角
換來盲目夢想
原為了搔癢 延續了手癢 心癢
－－－－－－－－－－－－－－－－－－－－－－－－－－
唔知點樣開場，所以將聽緊既歌既一段歌詞cap落黎。
歌詞，或者同內容有關，又或者冇關，隨心之為，毋需注意。
－－－－－－－－－－－－－－－－－－－－－－－－－－
屈指一算，呢個blog應該都荒廢左一年幾，寫過呢個blog既人，或者真係已經遺忘左呢個網址既存在。
曾幾何時，我冇在意過「2E」呢２隻字，直至失去之後，先知道有幾重要。
好老土，呢句。
人係一種好犯賤既生物，有D野，跌過一次，第二次，都會再跌過。
明知道失去之後既痛苦，但係次次都唔會記得珍惜。
到左而家，就黎畢業。
半年。
應該要開始珍惜，但係，生活依然，人物依然，時間依然。
到左而家，我都剩係諗起4年前既白痴歲月。
好傻。
時間無情，唔單止唔會等人，重會改變人。
受過時間洗刷，大家都諗多左，成熟左。我變得多愁善感左，發呆多左。
鍾意懷念，鍾意回憶，重開始鍾意得閑妄想。妄想搵回失落左既中二時光。
記得既，會好好刻低，唔記得既，大不了就妄想一輪，創造新回憶。
過左去既時光，當然可以肆意改造，因為，那是過去。
桃花依舊，人情全非。
依然好老土，但都係想講。
當年既2E懷念，到左而家，重有幾多個會記起。
當年既偽班會活動，同埋中三既2E死唔斷氣班會活動，每一件，對大家黎講，係一張相片，定一件回憶？
假如連相都冇，重會唔會有人記得？
文明能壓碎，情懷不一定不衰。
有時候，唔駛七百年，七年，就已經足夠等大家分道揚鑣。
自己究竟係懷古念舊，定固執守舊，我唔知道。
我只係知道，自己係一個好慢好遲鈍既人，慢到身邊人都跑緊既時候，我重原地踏步，遲鈍到大家都變哂，我重戇居居咁走住自己既路。直到得返自己一個，重要不斷逃避，直到最後，得返自己一個人行。
軟弱，懦夫到不行。對自己既評價。
我唔係咩得道大師，我只係一個就黎中學畢業既平凡人。
一個同普通人一樣，愈大就愈多野諗，走唔返轉頭既平凡人。
目的，不明。意義，亦不明。標題，更不明。
或化或不化，似悟似不悟，花下昨日鬼，塵上他朝魂。
以上，完全語無論次，連自己都唔知寫左D乜。
P.S. 紫色有加分
刊登時間：2011-08-23 02:59 AM [ 
好想喊牙
