死qooza..成日隨意咁將轉格式,,今日post個篇地球防衛少年..唔知整左幾多次
一多圖佢就pk...所以個篇有打錯野,,但都唔改..因為一改啲格式同位置又自動變哂..完全失控
下午post完之後,,很想劇透的心情停不下來
所以依家再寫另一篇劇透的,,但圖是一樣的..因為懶得再截,,加上圖太多..如果真係有人睇想睇既話,,到時就會無哂驚喜
如果真係想睇地球防衛少年既話,,唔好再睇落去
 
地球防衛少年中,,大多都係講親情..講兄弟姊妹既好多
以上2張圖都係其2個哥哥姐姐
左圖既呀野死既時候..係係星空中抱住佢期待已久既細佬...所以呀野死既時候好開心.個人認為呢個場面好靚
其實好多個死既時候都唔係傷心,,因為係佢地死之前..佢地既問題已經解決
細佬出世為不育既養父母帶來幸福、有叔叔替代自己照顧細佬妹、因失業而自殺既媽媽找到工作、第一次為了自己而戰鬥、死後可以將心臟捐自己好朋友.....
右圖係3弟妹之兄大一..佢為左唔傷害居民,,將對手成個拎起..個刻佢好型
大一死個集,,係成套既首個淚點
 
講完淚點,,講笑點
上圖既係內向既切江..配音既係淺沼晉太郎..係四畳半神話大系中既''我''
唔睇聲優列表都唔知係佢配,,其實成套野切江講野都好細聲
唯一佢大聲個幾句就成了笑點
宇白去佢屋企探佢,,切江媽媽因失業而心情極度低落
切江媽媽送茶點上去既時候,,宇白發現羊羹未切開
切江就落去開媽媽攞刀...落到去既時候發現媽媽割腕
個時切江大叫:媽媽,,點解你唔切羊羹要切手腕?
真係笑左XDDDDD宇白比起佢仲緊張:白痴,,你仲講咩廢話?!
因為切江呢句,,加分!XD
 
咁多人,,一定會有人相戀
寬治同愛子係唯一既小情侶,,可惜相戀時間大概只有幾日
幾日之後,,愛子就要戰鬥...如果呢對可以講多少少就好啦..
 
前期爆點在於俾老師搞大個肚既千鶴
老師很賤,,唔但止偷影女學生..仲偷拍自己同千鶴床照放上網
佢仲衰到同千鶴家姐拍拖
最後千鶴想殺死老師,,家姐挺身而出保護老師
千鶴好鬼陰公...
 
最後全套最大既催淚點係田中姐姐既死..有佢係到感覺真係安心好多
佢實情係宇白既媽媽,,田中死之前宇白都唔知
田中有次問宇白夠唔夠衫著,,凍唔凍...之後更提出幫宇白同妹妹可奈買衫
口硬心軟既宇白,,因為怕可奈係唔夠衫就應承..田中話搵日出黎一齊買
之後因為天氣越黎越凍,,田中忍唔住已經幫佢地買左
身為軍人既田中,,平日堅強而且十分聰明..對自己既決定無半點猶豫
但對於自己買俾個仔既衫,,佢就驚自己買得唔岩..佢擔心個個樣真係好正,,身為媽媽先有既神情個刻完全顯露
田中未俾啲衫宇白既時候,,田中就已經俾人殺死左...啊!!眼淚不禁滑下..我好鐘意田中呢個角色
後來宇白戰鬥時,,諗起自己死左就可以同媽媽一起就立即有返意志
相信佢地10幾個人死後,,應該係某處重聚 |
