2006 年 7 月 27 日  星期四  

60樣香港人最常做既傻事`

1.玩米缸，將手插入米缸裡面既米裡面篤下篤下。 2.在百貨公司入面篤扶手電梯旁的HI    牌。 3.地下有階磚時，特登隔一格一格黎行（不可踩界，要完全在格內）。 4.用錶面反射陽光，照黎照去。 5.跳樓梯（愈多級愈勁）。 6.行路上高起左地方（例如高起左既長條型石博），好似玩平衡木咁行法。 7.鋪張紙在硬幣上面，然後用鉛筆係上面油，油返個形出黎。 8.食完糖之後，將糖紙包番個原本四四方方果個形出黎。 9.超級市場踩住架購物車黎行。 10.踩水"tum"，係好特登果隻。 11.吹口水波。 12.搣牆上的乳膠漆或牆紙。 13.係平滑既地面上面跣下跣下咁行。 14.整濕D紙巾，掟上學校廁所天花頂。 15.食完D香口膠，一定摺返成張包裝紙，再放返入個大套入面。 16.響課室玩俄羅斯輪盤，將玩粉刷霑滿粉筆粉，放係風扇上面，等個風扇轉轉下，轉得怏個時飛出黎，睇下個粉刷中邊個。 17.放膠袋（當風爭咁放）。 18.去後梯執咸書睇，將睇完的咸書撕開飄落街。 19.貼張龜仔紙系D同學個背脊度。 20.踩人地個影。 21.狂踩人地對白飯魚，尤其是大肥仔果D。 22.用幾條橡筋射D同學。 23.掉人地門口的拖鞋落街。 24."Mung"消防喉，射水落下面個球場，睇下射到幾遠。 25.嘗試用「念力」整彎湯匙。 26.用氣鎗射街上的途人。 27.玩千揪，"fing"到咁上下就飛出去鬥遠。 28.落樓梯時坐係D扶手上面"sir"落黎。 29.在自動梯行相反方向。 30.把「誤投信件」或沒有用的宣傳單張，胡亂放入其他的住宅信箱。 31.坐地鐵時，抓緊中間的扶手，地鐵一開動博命繞住轉（自轉）。 32.在月台上鬥快跑。 33.係被竇入面開住電筒扮露營同埋系入面食零食。 34.用圖釘弄穿學校壁佈板。 35.亂按人地既門鐘，然後鬆人。 36.明知過左三歲，仍然吾買飛，「捐」地鐵既入出閘機。 37.不小心塗改液（很舊的有一個掃那種）塗在手上，然後用附送的天拿水，搽在手上以圖弄去改液。 38.用歡樂天地等既硬幣當一蚊用。 39.煲蠟。 40.把汽水罐靜雞雞放在校車的車輪下攝住，開車時把它壓扁。 41.用螢光筆油指甲。 42.向學校d木台上面畫公仔。 43.用電筒／雷射筆射落街或者照住D路人。 44.搣碎d紙巾，然後拋出窗。 45.巴士一開車，就同佢鬥快跑（最終當然唔夠快啦）。 46.落雨擔遮，懶係型咁轉把遮。 47.見倒D矮過自己既人行緊過黎，會好自然"gut"高D行。 48.將擦膠碎「初」成一粒黑色物體。 49.玩冒險樂園GE遊戲（例如籃球或保齡球），企o係最高或企係跑道既最尾玩。 50.地鐵出閘果時「捐」過閘口，拎走張地鐵飛當地圖。 51.屋企冇人果時，對住塊鏡學人跳舞／做戲／唱歌。 52. 同細路爭一D無聊野，例如「美少女戰士角色︰sailor moon係我既, 火野麗係你既」或「四大天王，黎明係我既，所以你唔准鍾意黎明，你鐘意郭富城啦」。 53.玩廁所水。 54.去到公園，係咁撕百千層D樹皮落黎。 55.慢慢行近麻雀到，企圖捉住佢地。 56.係街見到狗就扮貓叫，見到貓就扮狗吠。 57.趴係地上扮死，想嚇阿媽阿爸。 58.畫花報紙或書上既畫，為人物加牛角或者胭脂等等。 59.拎d元寶當船放係水上玩或者拋落街。 60.用條繩hid野到落去住下面個戶人既窗前，然後"fing"來"fing"去，引人注意   哈哈` 好好笑AH!* 你地做佐幾多AH  紅色果D就系我做過拉`  >W<

刊登時間︰2006-07-27 10:38 AM    [ 訪客留言(4) ] [ 編輯日誌 ] [ 分享至FACEBOOK ]

2006 年 7 月 25 日  星期二  

::

第1次用線整的閃字` 很嘔MA?! -W-

刊登時間︰2006-07-23 05:57 PM    [ 訪客留言(0) ] [ 編輯日誌 ] [ 分享至FACEBOOK ]