今日原本係約左老婆仔，特登2:就彈起身，之後話3:出門口，點知都係冇出到，點解呢，因為自己之前做錯野

搞到E+咁，真係好低死啊，之後明明同老婆仔傾緊電話，點知鬼死咁多人打電話黎，都未試過咁嫁，真係過份啊

小芬、啊彤、家駒，小芬問聽日d野，啊彤都係，不過又傾返上次區子單野，家駒重離譜，都係唔講啦，

之後DEREK搵我出街玩喎，我又唔想係屋企煮飯咪有應承左囉，之後係文哥屋企一齊叫外賣

之後咪係到等齊人囉，女丘到左，之後佢老公同埋佢個仔，重有陳浚希都黎埋，之後係到玩囉，玩到12:左右咪大家一齊散囉

之後返到屋企咪同老婆仔傾電話囉，之後一傾，就傾到3:幾差唔多4:囉

PS：我地既感情幾好，經得起風浪，收得起挫折^^

都係自己衰啦，咁夜先訓，而且又訓得少，搞到今日明明較左1:鐘鬧鐘既，都起唔到身，結果都係4:30先起到身

之後刷牙洗面，打電話比老婆仔，之後睇"軍曹"，睇完"軍曹"咪睇"多啦a夢"囉，之後傾到7:幾老婆仔要出去

整智能身份證喎，等佢返黎打比我，之後自己係到睇電視，同埋食飯，之後等到老婆仔返黎繼續傾

一邊睇"愛情全保"一邊傾，之後咪一路傾到1:幾睇完"情女幽魂"佢訓教

今日傾計有d問題出現，係我自己有d問題，不過最後都冇嘜野，老婆仔都係咁錫我

我朝早6:47左右係文哥個論壇係咁玩完同埋介紹比derek同佢傾完計之後訓教，之後較左11:鬧鐘，因為想睇"百分百感覺"

我好耐都冇睇過啦，之後原本鬧鐘響左我都係想訓返，點知我細妹走左出街，唔熄機，啊爸叫我起身睇電視

我咪唯有一邊打機，一邊睇電視囉，之後睇完我專心咁玩左一陣電腦(其實分左心嫁，唔知老婆仔點呢)

之後我睇"新紮師妹"，睇到kiss啊，，真係羨慕啊，之後睇完，咪一直係到玩，係咁上文哥個論壇，又係到聽歌

又係到玩遊戲，我e+係佢個論壇最高分同埋最多貼個個啊，而且做左MP3板主，之後睇"獅子山下"

究竟d狗仔隊係唔係真係咁衰既呢，兩面睇啦，我覺得一時時衰既姐，之後睇完咪繼續打機囉，之後細妹返黎

我咪比佢打囉，我係到睇"地鐵特約 : 智勝之道"，之後睇完咪睇"美女廚房"，之後睇左半個鐘，老婆仔打黎

預左呢個時候左右打黎，佢講既，之後傾左一陣我要食飯，我食左成個鐘，冇計啦，今日啊媽放假，煮得慢，梗係食得慢嫁啦

之後食左三碟餸左右，即刻執完野打返比老婆仔，個陣已經做緊"法證先鋒"大結局啦，好快就睇完

睇完咪睇明珠台"生化色機之變種生還者"，好快又睇完，咁咪睇返無線囉，等睇電影，話左唔0岩佢睇嫁啦(講下笑姐)

係到睇"江湖告急"，之後傾到2:幾，老婆仔訓教，我就繼續玩電腦，玩到5:幾，同嬋嬋講我訓教，起身先再玩，之後佢都off左

以我就係到打左呢篇日記出黎，之後上床訓教，因為聽日約左老婆^^

ps：今次真係好特別，我地既感情又再次昇華都另一個地步，佢對我好好，為我去改變自己，佢由接受我既一刻

已經慢慢被我溶化，佢為我改，我真係好開心啊，而且佢叫我老公仔，我覺得佢對我既態度越黎越好

以前，我根本搞唔清楚我地係唔係拍緊拖，佢e+開始都對我有要求啦，不過係好要求黎嫁喎，佢都話覺得我地少見面啦

所以我地應該多d見面嫁啦，兩公婆真係有咩都拎出黎講係好好嫁，慢慢地我感覺到我地越黎越似兩公婆啊

真係好感動啊，佢話唔信我就唔會同我一齊啦，佢開始深信我啦，尋日佢講話，我生日佢會陪住我嫁^^

尋日6:幾先訓係朝早，之後今日較左鬧鐘1:起身，因為老婆仔話今日出去，之後1:左右返，點知我唔願起身

之後一訓就訓到5:幾啦，睇返電話老婆仔，打過黎冇耐，不過都係刷左牙，洗左面先，之後一邊打比佢，一邊拎野食

之後點知聽得出佢好唔開心，之後咪係到氹佢囉，但係氹唔到，唯有我自己都唔開心囉，之後錫我既老婆仔就話啦

「與其兩個唔開心，不如兩個一齊開心」之後佢就轉返心情係到氹我開心啦，做我老婆真係慘啊，明明唔開心

都要比我迫到開心，之後佢慢慢真係比我氹返開心，之後8:一齊食飯，不過重係到傾緊，之後我細妹返，繼續食

之後食到9:幾左右先食完，可能我掛住傾多過食啦，好彩啊爸通情達理冇鬧我姐，之後一齊睇"我miss係大佬2"同埋"大白鯊"

睇完"大白鯊"咪一齊睇"野豬大改造"囉，之後睇完繼續傾，可惜既係佢熄左電視，我就係到睇"魔法小神童加旋"

之後傾到2:幾就收左線，以我就係到玩電腦，冇打"吞食"，去左文哥個論壇，係咁搞野

ps：我覺得自己好唔掂啊，真係唔係一個好男友啊，女友感到無助個陣，自己又唔係佢身邊，我唔想佢再喊啊

我真係好愛錫佢嫁，佢係我老婆仔黎嫁麻，我梗係最愛錫個個係佢啦

佢聽日屋企人原本約左佢飲茶嫁，不過佢唔肯去，我都唔明點解佢同佢d屋企人會咁既

之後佢唔飲茶都好，之後都要出去，好夜先返喎，咁我可能有機會比我做多陣懶豬

今日係到係咁互相叫老婆豬、老公豬，，我話淨係叫老公得唔得啊，佢又唔制喎，話我懶訓喎，我都唔想嫁^^

尋晚又打通頂麻雀啦，我原本真係諗住打到2:幾3:就算嫁啦，不過都係打到天光，但係佢地都頂唔順啦，冇計啦

佢地要返工，我就慘啦，冇工返，之後咪返屋企囉，係咁打機，打到啊爸啊媽起晒身，成11:幾先訓，其實我係係到等老婆仔電話

佢話打比我，其實我都有諗過sd信訊比佢同佢講對唔住，我成日都淨係識掛住打麻雀，冇陪佢一齊睇電視傾電話

之後我11:幾訓著左，訓到5:幾起左身，個陣啊妹話要出門口，屋企得返我一個，之後咪打機囉，睇返電話

老婆仔3:幾個陣打，我以為佢3:幾先出去炸，之後我咪等佢再打返比我囉，之後我啊爸返到黎

同我講，尋日擺低比我個一百蚊冇左，我話下，你擺低比我，但係我都冇要，點會唔見左嫁，之後我搵晒佢擺低既地方附近都唔見

應該係我細妹拎左，不過佢又唔認，啊媽又冇拎到，唔通係啊爸自己拎返唔記得左，冇可能，咁銀包個到都冇，早知拎左佢先啦＾＾

其實我地都係唔想啊妹亂咁駛錢同埋唔認姐，之前佢都有試過拎啊媽d錢嫁，作個故仔話係同學仔爸爸媽媽比既利是喎

個陣過左新年成個幾兩個禮拜，之後啊媽精明，知道係佢自己d錢，啊妹個陣小學，為左買個袋，唉∼！e+大左少少

都冇嘜分別嫁啦，只會越黎越曳，群更加大既壞人，我自己都唔好得去邊，我唔想佢衰啊，或者衰過我啊

佢之前學人食煙，雖然佢都少食，不過始終冇益啊麻，而且又同埋個d黑社會玩，有咩事點算啊，不過佢e+算大個

我唔想太過理佢啊，佢都唔比我理啦，所以都係希望佢自己會學好啦

之後老婆仔打比我，傾左一陣，啊妹0岩0岩好返到黎，可以開飯，食完飯之後先打返比老婆仔

之後係到傾，其實冇嘜野講，不過之後又有，佢d同學約佢去玩，不過佢唔鍾意個d同學，又有個同學係到追佢

佢居然講話不如你同我一齊去啊，之後直接話比佢聽我地一齊，之前佢唔會咁樣諗嫁，一開始個陣，佢唔想比人知我地d野嫁

e+佢慢慢信任我，覺得可以講比人地聽掛，但係都應該唔會啦，始終講唔講冇嘜分別，我信得過佢個心裡面得我一個

之後傾到1:幾就收左線啦

其實我有陣時又會吃埋晒d乾醋喎，明明好平常既事，我又要吃醋，我想大方d嫁，唔想小器

不過老婆又唔介意喎，我吃醋佢又會氹返我，唔想我吃醋，佢成日都為我著想，我都唔知可以點樣為返佢著想啊

ps：夜晚黑，聽聽下歌，電到側田既感動，之後上網搵佢MV，因為之前我同老婆仔都睇過

最後個段個手語係蠢豬，佢話想學黎話我嫁，所以我今晚得閒，咪特登上網搵囉

http://tvcity.tvb.com/jsg/billboard/video/261_300k.asx

我自己見到就好似係咁嫁拎個拳頭輕輕掂個額頭，之後整個"包剪頭"包個個手勢，包住個咀好似拉出黎咁

尋日好夜先訓，差唔多成朝早6:先訓，之後8:幾比人打電話嘈醒左，打電話黎既，係我之前係碟鋪識既靚妹，佢好煩嫁

我之前都係同情佢先同佢做個朋友炸，因為佢係單親家庭大，而且冇嘜朋友，點知原來做佢朋友係咁煩嫁

我之前都特登避開佢，唔聽佢電話，佢隔左成幾個月，終於再打返黎啦，可能暑假得閒冇野做掛

之後比佢嘈醒，搞到我差唔多成個鐘之後先訓得返，之後到左1:幾，啊彤打黎，佢問我有冇區子電話

我話等陣，佢以為我話要黎做咩，之後佢話:「冇啊！我有個fd個啊妹唔見左，好似話同區子峰一齊，我咪打黎問下你有冇佢電話囉。」

之後我咪講比佢聽，之後我睇清楚手提，e！1:26囉，老婆仔12:五十幾分打過黎，我記得佢尋日話出門口打比我

咁佢12:五十幾分打比我，即係話佢出左門口啦，之後我咪係屋企吽多陣，之後到左4:幾，啊媽出門口，我咪跟住出囉

之後去左探啊嫲，探完啊嫲之後咪搭輕鐵去天水圍囉，之後同老婆仔行街，太耐冇見啦，不過我唔會唔記得佢個樣既

歡樂既時光真係過得快，話咁快天都黑埋，又唔知幾時先可以再見到佢啦，我好唔捨得咁講拜拜

之後我搭輕鐵返屋企煮飯，好多人打比我，derek約我去玩，不過我約左佢老婆打麻雀，之後我煮完咪食囉

食完咪睇陣電視同老婆仔傾陣電話就出左出去啦，我真係覺得自己好對唔住老婆仔啊

成日都走去打麻雀，好爛賭啊，不過我個心有佢咪得囉，唔知點解佢唔鍾意聽我講對唔住，可能佢唔想我做錯野掛

ps：今日係凱玲生日，雖然我忘記左，不過我下年一定記得，可能因為每次有朋友生日，都有人提，

而且文哥好多時都係我身邊一齊陪我出席

今日老婆話1:幾2:會打黎，我大概點5左右起左身，之後等佢打黎，之後佢大概搭7搭8左右打左黎

之後係到係咁傾，原本今日過去搵佢，不過佢屋企有人，唉∼！都係我衰啦，我地已經有一個月冇見過面啦

你話啊，有嘜可能嫁，之後咪一直係到傾電話囉，又一齊係到睇電視，好多好多啊，由1:幾睇到5:幾

之後佢再打返比我，繼續睇左一陣，轉個頭佢食飯，之後到我食飯，之後又傾，個陣睇緊"神鵰俠侶"

之後又一直睇落下，又一直係咁傾電話，傾到2:幾囉之後咪，其實今日冇嘜心情打日記，因為老婆仔屋企人煩住佢

我又係喎，我都唔知自己可以做得d咩，如果我地兩個可以搬出黎一齊住，咪咩問題都解決晒囉

可惜啊，我地重後生，有d野未係時候，今日同老婆傾電話都係慢慢將d感情昇華

可能因為每次都係佢就我啦，所以我覺得好幸福，而且又會增進感情

希望可以同佢好永久啦

ps：其實我想出街嫁，不過係因為我冇嘜錢，而且我驚我一出街，玩到夜夜都唔返屋企，屋企人擔心之餘

又陪唔到老婆仔傾電話，不過我聽日一定會出街嫁啦

今日有新既online game玩啦，就係吞食天地免費版，我都係見到區子msn個名先知道炸

今日9:幾老婆就打黎啦，係我尋晚叫佢訓醒打比我，佢真係有做到^^

之後係到傾電話，一齊睇電視，睇"多啦A夢時光機">之後睇"幪面超人龍騎">之後再睇埋"足秤老婆八兩夫"

我就實在係太累啦，所以又要去訓返教，不過我睇緊"幪面超人龍騎"個陣就已經係到食早餐，好飽啊

之後文哥打黎，我0岩0岩上返床訓，之後訓緊個陣區子打黎，話今晚8:開枱，之後我話:「我訓醒先答你啦。」

之後我訓到7:醒左，又睇唔到"軍曹"，而且重睇唔到"日式麵包王"tim

我醒左既原因係因為，我啊媽係到嘈，話我啊爸，不過我啊爸就係我醒個下出左門口

之後我啊媽係咁嘈我，又話叫我唔好出街，咁咪冇搵到區子囉，之後我啊爸返到黎啦

我啊妹都返到黎，佢就叻啦，成日都走左去，有咩事都唔駛佢理，返到黎就話要玩電腦

之後朗朗打比我，話叫我出黎玩，個陣我就黎食得飯，不過我又未諗到計溜出去，咁咪話等陣搵返佢囉

之後老婆打黎，個陣0岩0岩食飯，佢話一陣打返比我，之後我咪好難得咁一家四口，齊齊整整咁係到食飯囉^^

好開心啊，好耐冇試過啦，對上一次，真係好似係好耐之前既事啦，之後食完飯，老婆咪打返比我囉

之後係到睇"法證先鋒">"15/16"，原來"15/16"係最後一集啦，森美、小儀真係可憐

電台又冇得做，e+就連電視節目都冇得做啊，之後既生活都唔知會點嫁

之後我地係到睇個個瘦身節目啊，睇完咪睇"我和彊屍有個約會3永恆國度"，我不知幾想睇無線既"倩女幽魂"啊

但係都係睇完彊屍先，之後係到同老婆仔一齊睇"倩女幽魂"，之後我又因為一d事吃醋

不過之後佢又氹返我，我成日都要佢氹既，成個細路咁喎，之後感情好左少少啦

佢講左好多我想聽既野比我聽，佢尋日講左一次啦，今日講左幾次tim

佢對我真係好好啊，我一定唔會做d對唔住佢既野啊

ps：我又話聽日過去啦，今次好認真嫁，我地係到話講得出，要做得到啊麻

今日10:15先訓教，訓教前sd左信訊比老婆嫁，但係佢之後打比我，我沖緊涼

之後我打返比佢唔通，之後我訓著左，我較左鬧鐘4:30，點知我真係較左4:30係凌晨4:30

之後睇唔到軍曹，之後我準備出街，啊爸比左百六蚊我同細妹食飯之後我自己有$30，我拎左我老豆$40

之後咪出街囉，係輕鐵站等啊文哥，之後等到佢咪出去巿中囉，之後去到，又打比derek但係冇人聽

咪行陣先囉，之後derek打返比我，之後去會合佢，之後再行多一陣，去左百街買野，買完野食完，咪搵女丘囉

之後搵完之後女丘話要去廁所，之後等佢，等到佢，咪去置樂m記食野囉，之後就去三聖到買酒

買酒個陣，老婆打比我，我好想同佢傾嫁，但係佢地又吹我買酒，對唔住啊老婆

之後咪買左酒，係到玩，係到飲酒，之後啊文嫂黎左，之後又飲完喎，咪落沙灘玩囉

之後玩玩下，又去買酒，話咁快就飲晒啦，之後derek同朗朗都走啦，咁我地繼續玩，之後叫豆豆黎

我就同老婆仔傾電話，我真係好掛住佢啊，酒後吐真言，係！我係飲左酒，不過我愛我老婆仔係認真嫁

我話聽日想見佢，總之點都好，我都想見到佢，之後就收左線啦，家駒同豆豆單野都係未搞掂

之後我、豆豆、凱玲、女丘、劉凱欣係到玩

之後玩完咪走囉，我都到頂啦，太耐冇飲啦，飲幾罐就唔掂嫁啦

之後咪搭的囉，之後返到屋企打日記，訓教

今日老婆仔去左旅行>.<

我因為尋晚4:幾5:先訓，所以今日好遲先起身，好似成4:幾5:先起身

不過我記得好多人打黎，龜龜打黎約我21號同蕭曉彤慶祝生日喎，文哥打黎想叫醒我掛，區子打黎睇下我有冇出街

以啊麗晶就打黎問我今日去唔去，我身上得返$30，而且又要執屋，所以都係唔去啦

之後起身咪刷牙洗面，食完囉，啊仲文打比我叫我打機或者游水，唔啦。

之後睇左"獅子山下"，之後食飯，之後重睇埋"鏗鏘集"tim，睇"男人之苦"大結局真係好睇啊

好多關於愛既野，我覺得真係講得好0岩，好好聽，可惜啊，唔可以同老婆仔一齊睇

睇完之後我就繼續執屋啦，一直係咁執係咁執，執到啊媽返到黎都未執完啊，之後播"世界盃決賽"喎，梗係要睇啦

雖然重未執完野，等聽日有時間先執啦，之後我啊媽要訓教，不過冇位比佢訓，咁我間房同埋我張床都搞掂啦

咪比佢訓囉，我唔訓都得啦，之後場波要睇既原因係因為我同女丘輸賭，我買意大利羸，佢買法國羸，輸左個個請食飯

人地意大利啊，未對法國之前啊，淨係輸左一粒，係自己人擺烏龍，射入左。羸面梗係大d啦

之後上半場一人一粒，到下半場冇結果，到左加時個陣，法國球王施丹居然用個頭黎撞人心口，人地點樣出口都好

都始終出手係自己唔底啊，之後被球證紅牌趕出場，之後踢完加時都係冇結果，點互射１２碼囉

意大利5粒都入晒，法國第二粒射中橫楣，彈唔入，之後總共入左三粒既，但係人地意大利入晒5粒，佢就算射埋第5粒都係得4粒

我羸左女丘啊，^^佢要請我食飯啦∼哈哈哈

之後睇"Loving You我愛你"，之後差唔多6:做完

之後做一齣"不老傳說"，講一個叫鍾國洪既先生

佢個樣只係得8歲，不過佢其實已經有成廿幾歲啦（唔知幾耐之前26歲，應該幾年前掛，後來經我調查係１９７８年７月２８日）

佢8歲二年級個陣開始發現，點解自己小3、小4、小5、小6，d相都係冇分別呢，而且個個同學都好高，以自己就好矮

之後咪睇醫生囉，點知醫生話佢冇問題，好正常。見到佢啊哥同埋佢同學d樣，個個都做得佢老豆啦

其實我有d羨慕佢，可以保持青春不老，如果比我，我想係18歲個陣可以保持青春不老，唔想好似佢咁

因為佢都有自卑，追唔到女仔

原來鍾國洪有拍過戲嫁，我有睇過嫁，不過唔記得叫咩名炸麻（好似叫爆裂神探，台灣搞笑片黎嫁）

之後第一次6:正睇電視

原來佢會講:「早晨，今日係7月10號，依家播既係忍者龜再作戰。」

今集"忍者龜再作戰"我睇過既，之後睇完咪睇"瞬間看地球"同埋"香港早晨"囉