琴晚成晚都訓唔到,今朝同琴晚都無胃口食野,今朝起身戈陣真係好辛苦,唔想返工,但係我竟然無請假,反而去左返工,中午都係無胃口都無食到野,今日係公司買左支1G USB,我用員工價買90蚊,平左好多,我仲諗住買本好大Ge相簿將所有我去旅行Ge相放入去,琴晚心情好差,同欣欣傾左成半個鐘,呀豪話我其實有時真係好任性同好霸道,所有野我都想得到,戈陣就當係寶,到得到就當係草,有時仲呼之則來揮之則去,有好多野我都無去珍惜,呀豪仲話我有時霸道同任性都要睇情況,唔好成日都係甘,我都知,以前我真係好任性仲成日發脾氣,le樣野我真係要改,因為我比人就慣左所以覺得任性係必然Ge,我真係要去改,因為唔係所有人都會就我人地無必要甘做,我知,我都改緊!!仲有係2個人哎交戈陣講分手係最錯ga,因為到最後根本解決唔到問題,有時仲可能搞到雙方關係更加差,有時仲會搞到無回頭ge地步.....le樣野真係耍諗清楚!!

欣欣佢而家星期日要返工,所以唔可以報星期日戈堂會計,所以而家得番一至五夜晚Ge堂,全全佢星期二同四都要去上堂,都唔知而家報邊堂,唉!!le排公司d人佢地成日都講自己d仔,女,佢地先20幾歲已經要照顧一個小朋友,佢地仲話唔可以成日出去玩,連同d fd出去食飯都好難,自問我就唔係一個甘人,我諗我有排都未學到佢地甘,將來我有仔女戈陣都唔知點算,le d野對我le講有排學....因為而家Ge我連自己都照顧唔到,點可能照顧到一個人!!

我真係有好多野要去學,要改下d脾氣,要學下點樣去管下自己,唔可以成日都係甘,唔可以咩野想做就去做,有好多野要睇情況,要睇諒下人,唔可以甘任性,唔可以將自己唔開心Ge野發洩係人地身上,你要人地顧你感受,首先你都要諗下人地感受....

想講句對唔住,同所有我向佢發過脾氣Ge人講聲,對唔住!