睇完《女人不壞》，之後我去左睇《証人》，終於都被我

睇到《証人》啦！呢場戲仲係同我一個好耐無睇過戲既人睇，

您估下佢係邊個？哈哈哈……咪又就係Ｍａｒｉｅ囉∼無錯呀

！我好耐無同佢睇戲啦，之前睇親果Ｄ好多都係同細路睇的。

　　呢套戲係由謝霆鋒、張靜初同埋張家輝（領衛）主演既；

謝霆鋒依然係咁靚仔，嘻嘻∼∼張靜初呢又真係好似Ｍａｒ－

ｉｅ咁講－－幾靚女∼∼而張家輝佢雖然做衰人，但我覺得佢

好慘，我覺得佢做Ｄ咁既野係情有可原，但我唔認同佢既做法

。佢對眼係我覺得佢最慘既地方，真係好慘的…原本唔係咁架

麻，係因為果件事，所以搞到咁，佢老婆又…到後尾佢果隻眼

仲…唉，真係慘……但我覺得佢無我想像中咁奸囉！　　　　

　　唔知您有無睇過《保持通話》呢？記得果套戲同呢一套戲

都一樣，都係講到過細路女被人捉左，不過呢，呢套劇既果個

細路女就醒目好多啦，您認唔認同呢？（講返轉頭，兩套戲都

有張家輝做的）　　　　　　　　　　　　　　　　　　　　

　　呢套戲好好睇！不枉我係佢拍緊既時上報紙果刻已經想睇

佢，果然無令我失望！好呀！！！如果用佢同《女人不壞》比

較，我覺得佢好睇過《女人不壞》囉！如果您只有睇一套戲既

錢，咁就去《証人》啦！一定要睇啊！