今日係公司我無意之間發現，有個巴基斯坦籍的小朋友既

功課封面上所寫住既老師名竟然會係佢！啊－真係完全無諗過

啊！佢就係梁庭娟…老師。　　　　　　　　　　　　　　　

　　梁庭娟老師是我小學一年級既班主任，亦都係我小一既數

學同美勞科（果時仲係叫緊美勞科）既老師，除此之外，如果

我無記錯既話，我小三同小五既數學都係佢教的！總之我就好

記得佢係教過我３年數學∼無諗過佢依加竟然會教呢個小朋友

呢！　　　　　　　　　　　　　　　　　　　　　　　　　

　　記得我小一果時都幾頑皮的，不過頑皮在於我好多野講，

所以成日被老師罰留堂…可能係因為幼稚園比較寬鬆啦？所以

上到小學我一時習慣唔黎，紀律方面唔係咁好（汗）。除此之

外，我曾聽媽講過話我讀小一果時唔知返咩學？返到屋企佢問

我有咩功課做、有咩野要溫、老師講左Ｄ咩，我都深係識得答

「唔知」（＝口＝）｜｜｜其後再大左，其實我返學都唔係話

返得好開心，不過點都好過中學多多聲。　　　　　　　　　

　　記得每次寫作「我最喜歡的老師」時，我既目標人物都係

佢，就連每年敬師日我所寫既敬師卡都係比佢。講真，對我黎

講，梁庭娟老師真係對我有幾大既影響，我所指既影響並唔係

佢有Ｄ咩野鐵鐵實實咁影響左我，可能有都唔定，我唔知，不

過，咁多個老師，中我最鍾意既始終都係佢！係我眼中，佢由

此至終都係個好老師！　　　　　　　　　　　　　　　　　

　　已經好耐無見過佢啦，可能佢已經唔記得左我？不過我都

唔會介意的，哈哈∼只要我仲記得有個咁既老師，我就已經好

滿足啦∼唔知佢仲會係果間學校教幾多年呢？其實，我好想同

返一班舊同學一齊返去懷念一下呢！不過應該都好難架啦∼我

有時會覺得，我同班同學呢世都唔會再聯絡…總覺得蠻可惜的

，雖然我有諗過主動約佢去一齊參與一個聚會，不過，諗諗下

我已經唔想諗啦，可能係因為我覺得會搞唔成啦？唉…如果係

其他同學叫我去參與既咪好囉，我一定會去的！就算幾忙我都

會諗辦法出席的！不過，呢個機會既可能性真係微乎其微（汗

）　　　唉…真是悲哀（嘆）……　　　　　　　　　　　　

　　如果…我係話如果…如果，梁庭娟老師係某年某月某日，

同我係某個地方偶遇，就算佢唔認得我，但我留意到佢，咁樣

…都唔錯∼如果，佢認得我，然後再普通咁講幾句野，咁樣都

唔錯，我希望，那是一個另類浪漫（？）既場面∼∼∼∼∼∼

Ｃａｒｒｉｅ，你幻想一下好了。