人生總有好多委屈既事
呢兩個禮拜我同我既學生都經歷左一次
首先係兩位小四女孩子比個訓導屈佢地"打"小三女孩子
另外有跳繩隊中一女成員表示我force 佢練習
well
小四女仔比屈打人果單, 理據堅係零充分
小弟作為目擊者, 心知小四女孩子只係輕輕掂左小三女孩子一下
我亦即時調停安撫, 大果兩個都道哂歉, 細果個都話冇野
點知幾日後個訓導組小薯仔又攞番單野出黎
(九成九放學果陣個家長見到個女喊過黎就問長問短'
個女答唔出就問學校)
但係竟然只係比我講兩句發生咩事就算,
對我既證供毫不關心
然後開三方會議既時候(薯仔訓導, 原告, 被告)
偏袒受害人小三女孩子
(全因佢平時乖, 成績好, 眼淺, 同埋冇咁識表達件事既始末)
最後結果係小四女仔比薯仔訓導鬧左一鑊
(然後同我哭訴)
仲比佢警告話隨時話比佢地既班主任知
我只好出絕招寫澄清信比果兩位女孩子做免死金牌
(唉雖然我心知我響間學校既地位仲薯仔過薯仔訓導)
希望佢兩個冇事啦
另外呀
跳繩果單就我比人屈
小弟經營跳繩學會不知不覺第二年
全世界都知我自由度高, 興趣行先, 然後就係自律>表演>技術
難得好幾位中一小朋友小學既時候已經係校隊
當然循例同佢地練番少少比賽野啦
其中一位女孩子早兩個禮拜仲同我講想試多D
由record 30秒單車步轉為record 2分鐘單車步既成績
(當中穩定性同體力既要求都會高左)
我當然話冇問題啦, 仲幫佢定個目標做200下(佢既personal best)
有趣在今日唔知佢個腦輕左機定乜野
夠鐘record 個人速度耐力成績我就叫大家開始練啦
成班人就坐埋一角吹水聽唔到我講野
(練唔練唔緊要, 有時唔練成績反而仲好)
到聽到我話開始record 喇
果位女孩子竟然問我邊個先
(大佬, 你又唔係
不嬲都係邊個ready 就邊個跳先,
就算第一次跳唔達標, 多數你肯跳多次我就放你走)
竟然聲大大咁話我唔應佢
轉個頭佢教會既帶組姐姐塈跳繩學會創會成員周詠芝
就親自從忙碌既form 5 班房走黎同我投訴
話我逼佢練2分鐘單車步, 逼佢跳到200下先準佢走
我野都唔洗講, 滯係攞張record 紙比呀周姐姐睇
(record 紙列明果位中一女孩子呢幾個禮拜一直有練2分鐘單車步
而且每次記錄都係一六幾、一八幾)
佢已經發現原來只係小朋友扭計XDDDD
唉依家小朋友既抗逆力.................
(諗真D, 其實我有比過"逆"佢咩)
何解我以前咁厚面皮去足球隊練波比虎sir 鬧到七彩
都可以忍到依家變左佢助手
何解我以前可以冇教練教仍然粒聲唔出自己練好個solo 表演
我明白我這樣的指責別人真的很不負責任
被指責的又何曾想過自己有否自律做好自己
幸好她年輕, 現在只希望她還有想通的空間
黃鴻升 - 不屑
| 
