今個sem 有個course 要訪問在職教師

呢個course 係同教師專業化有關既

我腦海中第一個諗到何翰庭何sir

呢件事已經擾攘左好幾個禮拜

由我同何sir 講有單咁既野

到我(同D組員)設計問題

到今日終於做左訪問

成件事係開心既

我果組做既專題主要同教師持續專業發展有關啦

咁遇著滔滔江水永不休既何sir 自自然然就可以學到好多野喇

經此一役, 有以下感受:

1. 何sir 成日話自己無聊所以先上咁多同教學有關既講座

其實佢好勤力至真, 對讀書同教育都好有熱誠

事關佢n年前已經完成歷史學哲學同埋宗教研究碩士,

岩岩仲攻讀完教育碩士,

係一個非常全面既教育家

2. 佢有份負責SCC既Staff Development,

所以佢可以講到好多關於教師持續專業發展既野比我知

對功課有冇用我就唔知,

反正份功課唔會差得去邊

重點係佢肯分享, 我又學到野

3. 同何sir 做訪問其實同上佢通識堂差唔多XD

是日金句: 萬變不離其中, 十年河西十年河東

(當時談及到教師對追求持續專業發展既取態)

4. 何sir 亦有相當感性既一面,

尤其講到點解要做老師果part

即刻由佢平時輕鬆輕鬆個款變到好語重心長

果下真係好正~

5. 冇何sir, 可能真係冇依家呢個陳朗珽

毫無疑問, 何sir 某程度上影響左我作為老師既果種性格

另外

一個值得記錄既小插曲

話說我教授叫我寫thank you card 比肯同自己做訪問既老師

但係我覺得太假

(尤其是以我咁經常造訪陳瑞芝, 同何sir 又ok friend)

所以我買左6罐裝雀巢咖啡當答謝何sir

(依我記憶佢好鐘意飲)

果朝響staff common room未開始做訪問既時候

我就響我個袋一路攞出黎一路講我教授呢個咁傻仔既吩咐啦

就響同一時間

何sir 響雪櫃攞番同一隻牌子同一個size 既咖啡問我飲唔飲XD

:0) 完全命中lol

C AllStar 釗峰 鐘鎮濤 - 煙花非花