今晚是SCC家教會會員大會

跳繩學會作為表演單位之一

事前搵左一日出黎練, 練左兩個鐘

3分鐘一首歌既演出, 我起碼要跳分半鐘

大繩設計到冇得再簡單:

大繩連鎖+繩中繩+彩虹

簡單黎講, 就係全部前跳

上到台

老老實實

我都好緊張

足足5年冇響SCC hall stage 跳繩比咁多人睇喇

上一次已經要數form 4 參加Spot Light

加上自己戲分咁高, 大有失手可能><"

而且事前綵排冇一次係0 mistake

夾歌又未係咁熟

好多uncertainties

終於到出show 果陣

細路們大繩大mistake 一個

kick 到有一細part 冇左

其他小錯基本上響台下既家長們唔會幾覺

我都細kick 左兩個

好彩好快修正

加上跳繩表演幾中家長們既口味

響佢地心目中幾有"才藝"既味道

每跳完一組花式, 佢地都會自動自覺拍手, 反應唔錯

所以成個表演都算係成功同順利既........

當然有好大既進步空間啦

首先其實我唔應該跳咁多啦

i should let my students shine more

but 今次又係趕時間左少少

加上佢地唔肯花時間練咁冇辦法啦

其次就係穩定性啦

全部只係前跳就可以完成既大繩花式都可以大kick 繩一次

其實係一個幾嚴重既問題

以我班學生既潛質

理論上係唔應該有呢類失誤發生

最後就係有一位一加入我地跳繩學會

就要即刻幫手表演既form one 小朋友

技術的確係冇我教開既咁純熟

某程度表演既主要失誤都同佢好有關係

當然年紀尚輕經驗尚淺唔可以怪佢啦

著手點樣汁番整佢D動作先係重要既課題

anyway 這個表演給跳繩學會帶來一個不俗的開始

連同10月開始加入的10個8個學會成員

預計今年跳繩學會又會有一番新景象

繼續開心跳開心玩

C AllStar - 星海

表演片段