坤哥的奮鬥終於得到回報

著實令人多少有D感動

大台埋沒佢既聲線

得"你管"既你豎起耳朵

<<原來她不夠愛我>>是代表作

全年留守K歌熱唱榜

<<陽光點的歌>>訴心聲

成了年尾爆發受人注目的主因

唯一美中不足既係

頒獎禮比個機會你響咁多家庭觀眾面前唱歌

你一味響度喊一句chorus 都唱唔出

(考慮有好多師奶真係冇聽過你唱歌,

呢下其實係有少少太唔把握機會)

但這就是真實的坤哥

坤哥默默耕耘終於得到回報

看似平步青雲既胡鴻鈞又幾時可以真正得到認同?

每隔一年幾就出到碟

但處處受制

同年出道捧許廷鏗

再過兩年簽埋鄭俊泓

專輯既歌冇主題串連

只係將果年主唱既歌放落隻碟度

而且往往都係得劇集主題曲或者翻唱歌派台

其他更有佢character 既歌永無出頭天

先講1輯

<<雙飛>>, <<幸福>> 你或許聽過

但係<<深不見底>> 呢?

<<我們繼續演下去>> 呢?

 <<失控>> 呢?

呢幾首更加能showcase 佢實力既歌偏偏冇人留意過

再講2輯

翻唱<<化蝶>> 已經係佢最多人為意既歌

<<勇氣>>, <<啞忍>>, <<然後>> 裡面既故事

再一次被埋沒

今年年尾推出既3輯

對於一位力衝音樂事業既靚聲年輕人

主打既竟然係翻唱上兩個年代既<<明知故犯>>, <<如夢初醒>>

這合理嗎?

Dear Jane 寫比佢既佳作<<如這麼愛她>> 竟然冇放落隻專輯度

這合理嗎?

頭兩隻專輯未受歡迎唔緊要,

但係第三隻專輯沿用同一個做法(翻唱+劇集主題曲做主打)

這合理嗎?

恐怕自創曲<<讓我放開>>, 以及<<無力下去>> 亦難有被認同既一日

胡鴻鈞 - 讓我放開

吳業坤 - 陽光點的歌