六個禮拜實習如今過左一半
復活節假前既兩個禮拜其實學校要應付考試
包括原任老師, 冇人得閒理我
好有被投閒置散既感覺XD
呢個禮拜正式入課室
岩岩禮拜五就比教授睇堂
評分層面上冇乜進步,
都係總分Credit,
唯獨照顧學習差異果項得Pass
但始終入課室經驗多左
實質既一D課堂技巧上點都會有D進步
例如運用展示板清晰左, 活動安排更加流暢
控制節奏, 課室管理都OK
不過就要花多D功夫
令學生明白點解要學果樣野, 同知道自己上數學堂其實學左D咩
換言之響處理學習目標同總結仲有好大改善空間
當然
第一次睇堂教授比分難免都會試下水溫
雖然淨係識無限鼓勵我既原任都覺得今次評分太嚴厲
但係我都明白自己既表現難以同Distinction 相題並論
(有個有趣既陰謀論係,
其實最後實習個Grade 係由3個分組成
就係3次睇堂裡面分最高果兩個分, 加埋反思報告既分
你想攞Distinction 最少要2D1C
但Credit 最低限度只需要2C1P
考慮到我上年份反思報告
出色到比教授nominate 左去做outstanding sample
即是話我反思報告只要keep住水準都唔會低過C
如果我攞Credit 已經心滿意足的話
黎緊果兩次睇堂攞Pass 都已經得
你話個評份標準係咪好有漏洞呢, 哈哈哈XD)
今個星期最高興係
Link Teacher 建議整既一個教具 (分物板)
(print 張紙, 入面有十零個大方格
寫住第幾份第幾份, 再漏空一格比"餘下"(我既idea 黎架),
再癡上紙硬卡紙度)
我modify 左佢既意思再整出黎
Link Teacher 同原任都相當滿意
結果真係大派用場, 5班2年班有3班都用左 :)
幸運的我workload (唔計學校D功課) 其實已比其他同學少
不可以埋怨的
專心教好唯一一班吧
So first of all, believe in live!
方皓玟 - Believe IN Live
| 
