一開始交張list 比孫sir 係14個人上台

我一早有預感唔會咁順利

所以諗好哂表演D野10至11個人都夠做

只係估唔到流失潮超乎想像

練第1次有兩姊妹要專注合唱團所以退出Macy Chiu 李悅寧

最後練果次之前就有2個義氣仔女一齊發燒孫穎琳郭天安

幸好最後都仲有個老臣子雷霆救兵臨時救駕周詠芝

令我不至於一個人要頂兩個人既份量

而且過往既經驗話我知

final exam 之後班後生仔女唔會有幾多日可以比我練

哈哈, 果然係得兩日

所以我亦都好醒目地一早set 定最難既野交番哂比自己同tracy 跳

結論係雖然練習時間同以往排表演一樣咁少

但係事前準備真係好左好多

參與既人多左, 每個人負責既野少左, 集中力自然高左

練出黎個效果比以前的確穩陣

不過 很可惜地

最後上台表演

只有小朋友負責果part 最後都係大炒

成段音樂一下都跳唔到

練習既時候唔係冇試過

但係經我再修正明明已經穩定左好多

偏偏又再犯同一個錯誤 which is 錯拍子轉花式

兩條繩打kick, 解三日都解唔完

唉

事後我同好幾位單位都sa lum 一番

因為畢竟我都係跳繩表演既負責人

台上的演出有咁大失誤真係責無旁貸

幸而陳瑞芝係一個有愛的地方

老師以至家長都以體諒同鼓勵既態度回應我既自責

觀眾既感受處理完

就到班細路

失手果part 係由1位f.3, 1位f.2 同2位f.1女仔跳

major mistake 在於f.1女仔錯timing 

表演完左之後

表露出唔開心既

竟然只有f.3 同f.2 兩位負責fick 繩既小朋友林葆琪黎懿萱

另外兩位f.1小朋友夠膽死番到stand by room 就一大堆廢話

"缺陷美", "是但啦", "生有時死有時"

本身等表演期間果個鯪鐘我已經由得佢地玩呀吵吵鬧鬧呀咁

我考慮到佢地未夠成熟就放過佢地一馬 

點知交出咁既表現不特只仲交出咁既態度

於是乎我就響wtsapp group 輕輕一提

希望大家自責一下, 感恩大人們既諒解, 再反思一下可以點改善

事實上我覺得自己隨機應變能力都不足

而且冇後備繩係真係難D處理到D繩打結既情況

不過唔知係我表達能力差,

定係果兩位f.1小女孩理解能力有待改善

(同班大既傾完, 確認係小朋友理解能力爭咁D)

一個就悔氣地表示自己錯哂, 我就淨係識叫人反省陳芷賢

然後選擇退出跳繩隊, 聲稱唔想再受我氣

(我到依家都搵緊我D氣響邊, 我想講我連鬧佢既機會都冇

btw 幾欣賞佢既guts, 事關退唔退出你冇必要話我知) 

另一位就強勢維護佢既好姊妹麥凱晴

叫我唔應該停留響自責

(你責都冇責過又會唔會過份左少少呢?

同埋係咪睇漏左D野呢? 感恩呢? 反思呢?)

仲聲稱係因為練得唔夠先搞成咁

(第一, 從來都唔會練得夠

第二, 你有時間比我練先得架大佬

你又合唱團, 佢又hymn sing, 呢個acappella, 第二個又話劇

第三, 你待表演期間果個幾鐘玩少陣練熟D又會唔會好D呀)

到最後

我都係冇將括號裡面呢堆心底話講出黎

因為我始終明白

佢地仲細唔識世界

過幾年大個D

諗番呢件事

諗番自己講過既野

或許會明白一點甚麼的

成長需要過程~ 丫~ 又想唱鳥籠喇

林宥嘉 - 壞與更壞