中午去完普通話水平測試試前講座

夜晚拎起家姐本參考書黎讀

見到有隻簡體字唔識讀

諗住望下個拼音睇下係咩字

家姐加把口串我廢唔識簡體字

我回左句我係香港人, 由細到大用繁體字讀書

點解我一定會識簡體字呢?

就係呢句搞到我亞媽爆發

簡體字、普通話、工作經驗各樣野撈埋

嘗試鬧到我體無完膚

點解你會唔識!

點解你覺得唔需要識!

點解你上到大學D態度差左咁多!

點解你唔早D去考早D識呢D野!

開口埋口就話學校迫你去考!

由細到大夠學英文啦你英文好好咩!

睇死你出到去做野都唔識用普通話英文同人溝通啦!

我讀書唔叻呀但係點解我做野既地方個個都尊重我呀點解呀!

因為我肯學肯去增值自己丫嘛!

張證書考完番黎你估係學校架下!

個社會要求你識你就要識!

唔通個家長用普通話同你講野你唔應佢就得牙!

全個世界都用緊普通話同簡體字呀!

等到見工果陣先同人講你請我啦我到時會學簡體字咁樣牙!

你仲要個社會適應你依家唔係你揀工做呀!

我放長雙眼睇你再過5年有幾失敗!

我亞媽講野好激啊可

但都是真實的

而且佢講既野某程度響超(級)現實主義既世界黎講

絕對係不無道理既

加上坐埋一邊個家姐都點頭如搗蒜

換句話說

兩個女人擺明玩雙打夾擊

我還可以說些甚麼呢?

我說的一切都只會被視作無理反駁

講真

我響天水圍D功輔班打滾左幾年

發現既係

教普通話 or 響普教中既課堂教作文

班新移民 / 跨境學生分分鐘教番班專業中文老師轉頭都仲得

話到底溝通呢家野好講求互相遷就

正如我唔介意新移民講廣東話唔正

新移民亦願意指正我既普通話發音

所以話我唔係話唔肯學

而係響香港, 互相願意配合更重要

我從來都主張和諧共處

引用黃秋生一句精句

唔該唔好妹仔大過主人婆

普通話同簡體字又係咪自我增值既必定方向?

一個手持跳繩、足球教練牌既人

同一個普通話流利、精通簡體字既人

如果同樣行入數學老師既interview 當中

倘若兩個人既教學能力不相伯仲,

競爭力有冇可能一面倒於後者? 

開個玩笑, 唔通普教中都仲唔夠, 普教數亦不遠矣?!

王菀之 - 該死的快樂