喲呵宜家真係有啲未出發先興奮既感覺啊:D
攤係地下既一個喼，裝滿替換既衫之餘仲有杯麵:)
加埋個背囊就係我呢次五日北京之行既好伴侶喇-V-
其實都有啲緊張架，十六年以黎首次自己離開香港:P
早幾日曬番啲同成班好朋友呢三年黎影既每一張相囉@@
逐張排番落相簿好開心，啲回憶好似FLASHBACK咁:$
呢二百幾多相真係得來不易架，以後都要好好珍惜至得！
好啦我要自豪咁講本人已經完全呢個假期既首項任務喇:D
就係將八年黎果幾十本相簿內既相重新跟日子SORT過:P
冇記錯我應該搞左加埋十二個鐘，真係腰骨都支撐唔住>_<
有時坐係地下望到咁亂真係有少少炆架囉，但諗深一層，
又係我話要整，又係我話要完全呢個遲遲未能完成既任務，
所以根本就唔應該怨啲乜野，唯有今後曬完相即時排番好:P
嘿不過望住果堆五顏六色既相簿HEA晒係舒化真係好滿足:)
前日終於見識過風雲色變係點樣喇，明明係刺眼既陽光，
轉個頭再換竟然係積聚既厚厚灰雲，繼而灑水咁樣囉@@
不過呢個風似乎又弱雞左少少，點都好北京要保持晴朗`!!
尋日同大舅父`公公佢地飲完茶之後就去左打羽毛球喇:D
我同媽咪，加埋成班同學最初見到個新教練都係愕然XOX
最初呢位叔叔級教練...嘗試用唔咸唔淡既廣東話溝通:O
大家理解方面似乎都幾有難度，差唔多句句都要估左先。
後黎佢放棄左，用番母語教學，E.C.即刻高分好多XD.
幾辛苦同幾漫長既兩個鐘，但當中都有唔少得著囉B-)
新教練，新一套既教學方法，最初仲擔心佢好惡死啦，
點知變態左少少之外都暫時不錯，至少同我地還原基本步。
重新教揮拍握拍，原來一直以黎我打高波同反手都唔多妥，
但呢啲已成習慣既東西唔係一時三刻改到，慢慢努力啦！
互相猜波既時間唔多，但我啲落點真係...極度悲衷囉>__<
最後仲勁做步法，網前接殺前後乜都有囉，最後-_____-
仲有穿梭跑，三組共十幾個來回，跑到腳都軟囉唔係講笑。
臨走之前仲不停叮囑我地放鬆，仲問係咪好辛苦，幾友善:$
或者呢日飲茶食野太肥膩，加上耐冇做運動既緣故啦LOL
入到更衣室望到馬桶就想嘔，結果就好核特啦ORZ.......
點都好希望呢個教練可能操FIT我地呢盤...雜亂既散沙:D
我諗返多幾次TRAINING應該可以消耗極多卡路里囉-V-
班會野都已經明朗化左好多，至少有商有量下修改左啲活動:)
旅行完返黎又係時候全副精力放係YEAR END PARTY`!!
七月六日果個奧海城MUSIC CONCERT都開始籌辦完畢喇:)
其實係康民署搞既「校園音樂大使展關懷匯演音樂會」黎，
不忘宣傳下先，當日我地學校於三點會壓軸出場添囉haha.
因為我唔係香港啦所以將好多事都推晒比PHOEBE負責-V-
呢次係代表學校，所以都要求我地搵最TOP既人去表演:D
岩岩終於搞好司儀稿、幕後支援同台前既所有雜項喇嘿嘿B-)
希望黎緊呢幾日大家比心機排練，將最好一面呈獻比公眾睇！
返到黎就可以睇番果日表演既錄影喇，我相信會好精彩姐@@
至於PG既野都已經如火如荼，仲初步約埋班COM遲啲玩:$
星期三朝早搵埋CHUNGKAPUI同MS.LEUNG傾左好耐，
佢亦都好有心機咁逐項活動同我地睇下有咩改善或者跟進@@
更加感激就係MS.LEUNG都好信任同埋支持我地兩個，
先前準備好既PROPOSAL都傳緊比班顧問老師睇啦，
佢仲成功爭取到將PG SOCIETY改為雙主席制添囉^0^
好期待呢年啲義工活動，因為服務對象都係有啲冷門既，
同埋啲內容好似都幾吸引，變魔術、扭氣球等等既手工藝-V-
佢仲話了解我地想搞宿營，所以黎緊開會會再同我地爭取！
不過大前題就係我地要寫多份建議書，講下宿營優勝之處:D
喲呵不消兩日CHUNGKAPUI已經完成喇，嘿嘿好正囉B-)
希望呢年真係可以得償所願，舊年做唔到既野唔代表今年都係:)
臨走之前MS.LEUNG仲分享左以前既經歷，都幾有趣丫XD.
有日何姑娘搵我地傾下TRAINING其中一個環節既內容啦，
同我地BRAINSTORM完啲方向之後就由得我地發揮啦-V-
有時候係佢面前好難隱藏啲咩-___- 或者啲微表情暴露晒.3.
黎緊既日子要繼續好好合作，將每個活動都跟進得緊少少嚕:D
呢既挑戰固然多，但我深信以大家既能力絕對可以逐項擊破！
陣間呢要同爸爸媽咪早啲去到機場食野先至再集合！
雖然未能親身睇下中五V.A. EXHIBITION既展品，
但我都衷心祝願：每班既活動都可以順順利利進行啦:D
慶幸果幾晚既酒店都有WIFI，咁就大可以放心啦XD.
最後希望呢次旅程平安、順利、愉快啦！暫別數天喇*V*
|
