CHEM...感覺上大部分既CONCEPT有初步印象@@

但往往就係唔識深化-V- 同埋溫親書都無從入手咁:O

本書仲好似有個魔力咁，原本坐係舒化到睇緊既-__-

點知轉頭成個人訓左係度...足足半個鐘先至有番知覺:$

溫書對我黎講果然係十級眼訓+__+ 專注力嚴重不足-W-

岩岩睇番好多朋友係FB比人TAG果啲傻仔相囉*V*

睇相忍笑忍得好辛苦囉@@ 大家個樣都變得太多喇XD.

有時候友誼呢樣野真係好微妙，好似有啲人注定一齊咁:)

點都好啦，見證住身邊既好朋友成長的確係件開心事^0^

話說前日睇完悼念張國榮個演唱會真係覺得好震撼囉haha.

張學友真係好有FEEL-V- 但果晚最後搞到三點先至訓教><

尋日訓得果六個鐘左右就要起身，食完早餐要去東涌集合:$

短短兩個星期已經第二次跟埋去爸爸同班中學同學既聚會-V-

今次比上次既大食會更加震撼，加加埋埋有二十個人囉ORZ

至於呢日既行山活動就係原本歷時四個鐘頭既行程變左六個鐘...

基本上我係發現隻腳行到已經冇咩知覺@@ 慶幸今日冇酸痛:D

由東涌起行至大澳，繞過兩個山頭，上山落石梯都幾辛苦@@

話說有條斜路應該有三十度囉...臨到終點果段石路行到想死B-)

雖然係呢段陡峭既路程花左好長時間...但天公造美，冇落雨之餘，

葉縫間亦見到有啲陽光@@ 最重要都係涼風陣陣，都幾舒服啊！

途中仲不停影相，仲係茶座叫左啲小食，除左綠豆沙同蠔餅，

仲有豬皮蘿蔔魚蛋、蝦醬炒飯同埋油墨菜添囉，認真好好味:D

見到大澳最有特色既棚屋果刻真係興奮到想尖叫出黎囉:$

之後仲有掃左幾條街，食左香蕉糕糯米糍，內有椰絲花生餡:P

外脆內軟既沙翁@@ 宜家諗番轉頭真係後悔食得咁少囉-V-

巧合地去到大澳都見到澄澄汛汛一家四口，見到佢地真係開心:)

或者呢六個鐘消耗太多精神同體力，上到巴士已經訓到死豬咁:S

夜晚仲係東涌一間好偏僻既海鮮酒家食野，有小型貨車接送LOL

坦白講未試過或者冇人介紹真係唔敢上，被人賣左都唔知咩事:O

不過呢間華都既小菜都可以啦:$ 特別係隻沙薑雞同啲肉餅啊^0^

放完假過多段時間又要做個決定，就係下年既POSTS...煩`!!

果日全方位學習日仲同鍾嘉珮傾左大半個鐘都冇結論haha.

有日朝早搵MS.IP衡量過每個選擇，再比啲意見我咁啦:$

但係佢同MS.LAU都唔會幫我決定，只係以局外人既眼光，

幫下眼邊個學會或者組織既POSTS適合我多啲咁haha.

記得最初講到某個職位既工作冇興趣但啲條件太吸引-V-

MS.IP就好大反應咁車我-W- 仲話冇興趣既就唔洗諗啦:@

相反MS.LAU反而幫我增加左個OPTION:O 認真笑左:$

能夠同MS.IP同MS.LAU咁無顧忌，講晒自己既諗法出黎，

其實真係好爽囉！多謝您地兩位一路上都伴隨我成長XD.

先講第一個選擇啦，興趣最低但榮譽甚高既職務黎:D

吸引到我既純粹係啲好現實既條件黎X___X 嘿嘿XD.

其他時候都係閒人一個，處理既工作太過機械式喇@@

更加重要既係我自己本身對呢個職位既印象都係麻麻.3.

加上決定呢個既話基本上要放棄晒另外果啲選擇-V-

只許成功不許成功...因為一子錯滿盤皆落索haha.

到時發生咁既悲劇既話真係喊多無謂，所以犧牲都好大:$

再講第二個選擇...拍檔相熟，默契搭夠，應該順風順水:D

況且好多野都SELF-ORIENTED...至少無冘員出現-V-

同埋始終呢樣野未試過，感覺上又幾有挑戰性，興趣都有:)

但係弊處就係我太好勝XOX 輸左既話真係唔知有咩反應><

同埋有時真係好難令到個組織團結...真係有少少難搞>__<

最擔心就係處理唔到果種壓力問題...到時山洪暴發就死X__X

有時候唔係刻意同其他人比較，只係個拍檔實在太強太強喇...

MS.LAU建議我去參選SA...話我既能力絕對能夠勝任:D

我相信自己既能力-V- 但有時仲有太多既因素要考慮@@

比如今年既COM下年再選既既成功率更大，因為有經驗:$

但我呢啲四年黎都唔知SA點運作...試問又能夠做得好>_<

的確係SA擔任職務學到既野最多，但同樣要付出最多時間...

好多時唔只校內既活動要幫手籌辦，就連校外既都關你事:S

所以依我愚見，呢個組織都係睇下有冇機會間選入去算喇:P

下年再唔專心啲讀書既話，就連呢一官半職都係白費唇舌:O

最後就係興趣最大，但名銜最細既第四個選擇喇-V-

對內既活動唔少，但成年有兩段時間會特別忙碌啦@@

舊成員，清楚係點樣OPERATE先係最有效同快捷-V-

好多野都唔需時花太多時間上手，所以應該冇咁吃力@@

況且對呢個組織既歸屬感都比較強，做起事上黎特別有衝勁！

但當我諗到有另一個同樣適合帶起呢個組織既人我就猶豫-V-

講到RECRUIT其他人做COM幫手就真係有少少難度-3-

坦白講我真係唔介意無任何名義咁幫手囉...如果有時間的話:O

四個選擇，好似上年簡科咁-V- 白頭髮都多左幾條X___X

唔緊要啦`!! 反正仲有兩日假期，唯有等我再諗清諗楚啦B-)

聽日跟埋澄澄汛汛佢地去迪士尼:$ 真係好耐冇去喇X__X

嘿要把握機會影番多啲相:D 但最重要既係希望唔好落雨>_<

尋日真係未試過放假都可以咁冇MOOD-___-

中文果堆閱讀理解睇完啲題目發現自己零理解>_<

跟住果份IES PROPOSAL又係諗到一頭霧水@@

淨係題目已經搞到一頭煙:@ 正所謂萬事起頭難XOX

加埋啲雨落左成日都冇停過，水聲係咁滴落冷氣機到，

真係聽到都覺得好煩+__+ 至於啲CHEM仲努力緊:(

不過原來沖涼食野休息陣對於呢啲煩惱真係幾有用-W-

至少夜啲坐番埋位再搏殺果陣時成個人唔會咁灰先:D

最近睇左唔少有關張國榮既節目:D當中都有幾首歌好好聽:D

記得中二果陣時D.T.堂整完果個類似音樂盒既物體要表演B-)

果陣時知道MR.TING鍾意追，所以點都彈番段旋律XD. 正`!!

尋晚仲睇左佢去世前同林嘉欣拍既最後一套電影《異度空間》，

唔同一般睇緊鬼片@@ 恐怖場面固然有，亦都係睇到透唔到氣，

但其實個故事幾浪漫囉:$ 同埋最後都係大團圓結局啊XD.

至少張國榮同林嘉欣既心病醫好左:P 但至今都有個疑問囉-V-

係咪真係因為抽離唔到故事既情節同角色先至有鬱抑症呢>_<

今晚係婆婆屋企對住幾個BB真係幾開心，個個都好趣緻得意:)

鞋都未除澄澄就走過黎話章章哥哥我買左雨褸，又有帶雨傘-V-

跟住細佬迅迅又走過黎捉住隻手嗲住要玩波haha. 勁爛玩:$

好囉但係呢兩姊弟成日都因為爭玩具發生口角繼而想動武@@

不過都係好平常既事啦，但其實我唔係好識得好點樣處理>_<

唯有先叫家姐讓細佬，再出多啲口力TUM番扁嘴既家姐:D

其實只要見到佢地神色有變即刻搵樣玩具分散下注意力都不錯:P

果陣真係兩邊都應接不暇-__- 真心佩服啲父母點樣搞班小魔怪...

至於最後一步就係同番細佬講下次要讓番家姐haha..嘿嘿XD.

記得細個見到咁多BB都咁得意，成日都叫媽咪生多個細佬妹:O

但唔知幾時開始有左呷醋呢樣野，決定打消呢個念頭冇再提過-V-

直到宜家都冇點樣後悔-W- 因為BB最得意既時期過左就開始煩:$

講真有時做阿哥既話都未必有咁好耐性@@ 更何況要睇到實+__+

其實開始有啲逼到埋身既感覺，大家都好努力咁為測驗準備緊...

但我吸取過兩次既教訓之後仍然係專注力不足咁，算點喇LOL