今日唔洗再比啲鑽牆聲嘈醒，終於可以訓晏啲:$

起身之後不停執間房果啲紙，真係亂到唔講得笑-V-

呢晚既大餐分左幾ROUNDS岩岩終於食完@@

最初食左蠔、三文魚刺生、赤貝、螺頭、甜蝦，

仲用個叫做光波爐既物體整左啲雞翼出黎囉haha.

之後又有雜果沙律同埋安格斯牛扒，實在太豐富:$

頭先差唔多一點食埋幾件羊架，配菜同蜜糖雞翼:D

當然媽咪爸爸同舅父佢地開檯止痕*V* 慣性動作B-)

星期二就係一年一度既全方位學習日(II)啦haha.

果朝有空檔時間孔老師點唱左前程錦繡同同喜氣洋洋，

跟住成班就沒頭沒腦咁樣跟住唱，真係好搞笑-V-"

每年既呢日都係返去等玩閃避球，再唔係就傾計自娛@@

或者一直以黎都未曾嘗試投入SA搞既活動啦LOL

只係今年...與以往一樣@@ 旁觀者角色卻有另一番體會:D

特別係佢地前晚上載既果段預告片，真係嘆為觀止囉`!!

睇得出果分幾鐘既片段花左好多心思，實在太專業喇*V*

果刻個感覺就係好似睇緊戲院果啲MOVIE TRAILER:)

事前都做左問卷調查，睇下同學想保留或新增邊啲遊戲:D

比較FEATURED既都係RUNNING MEN同決戰一分鐘:$

好似話RM係要係七個課室做TASK...最後仲要搵啲符號-V-

我始終相信呢啲要係成間學校周圍走既遊戲係深受歡迎既XD.

決戰一分鐘雖然係禮堂舉行@@ 但個像真度極高囉我覺得:O

特別係SA準備左好多段示範片段，配樂同技術支援一流:)

無論睇住個人參賽或者組隊參賽都登佢地緊張囉...幾有氣氛`!!

有時啲老師上台玩埋一份果陣時成場既觀眾就會拍手嘩然*O*

因為天雨關係，呢日既重點所在閃避球被逼改做第二個遊戲-V-

但其實幾欣賞個應變措拖囉，好多野睇黎都準備得好充足`!!:D

就係每班有15個機會，將個排球從底線打去預設果九格到...

同埋冇限死話一定要用排球上下手開波，你拋過去都得haha.

好啦其實我地都幾犀利-V-" 好似差三格:$ 算係咁樣啦`!!

好啦完左呢日既PROGRAMME之後就返左屋企休息嚕XD.

但呢日我好想講下既係朝早果個MORNING ASSEMBLY:$

連續兩年有機會上台攞獎，無論係最有心思禮物定係填詞都好，

每次見到自己班得到呢啲殊榮其實真係幾開心...但呢年得個睇字:)

失望固然有，但自問我地冇作曲填詞之外份禮物都係普普通通:P

算啦-V- 心思呢啲野唔代表攞獎先有心思@@ 係咪咁話XD.

或者你覺得我吃不到的葡萄是酸，但真係冇HARD FEELING...

相反我真係欣賞4D件LAB COAT個PERIODIC TABLEO:)

之後輪到LYRICS WRITING...今年3B首歌令我諗番好多野@@

唔知點解望住咁熱血既呢班係台上唱歌就好似見到啲影子咁>_<

記得自己中一果年好多班會野都冇參與過，連作左首歌都冇印象...

只係依稀記得首歌個音域太大，根本唱唔到，至於啲詞呢haha.

直到中二、三RICKY作曲、PHOEBE填詞，完美既配答囉:D

最深刻既係段旋律一年比一年正，練習亦都係段好美好既回憶:)

話說MS.CHUI仲比左唔少機會我地係其他人既面前表演囉XD.

果兩年好多老師都欣賞我地班既團結:$ 感覺實在太WARM喇:P

好多好瘋狂既野都試過LOL 一齊搞CAMP捱鬧但仍然搞得成，

成班傻既係間渡假屋到癲左成晚@@ 但竟然仲有精神踩單車！

試過成班比老師鬧足成堂，個班房死寂一片但大家變得團結@@

成班人為左唔同既比賽都費盡心思，純粹為左想贏最佳班會:$

知道攞到呢項殊榮真係興奮到叫左出黎...好天真同簡單既思維:P

仲有好多班會PARTIES...去海洋公園哈囉喂，太多野都一齊過:)

唉！但升到中四始終覺得身邊太多野都變晒-V- 真係好懷念:$

望住呢班3B既同學係台上演唱HEAL THE WORLD既改版:O

無論係原曲定係新填既詞都係好諧，好容易引起聽眾既共鳴:D

成段演出個欣賞價值真係好高...太精彩>_< 最後仲要分埋二部-V-

我敢講呢首歌比我地上年或者前年果首原創既都要更勝一籌(Y)

唔知點解我同RITA都有相同既感觸，完全比首歌牽動晒情緒，

點解我地變得咁易喊T^T後黎佢知道清姐退休喊得仲犀利:S

就連學校公認最友善最冇架子既校工都走埋，真係人非草木:((

哈哈上個星期六係JOJO生日，終於可以成班人玩:$

其實真係好耐都冇試過咁多人聚埋一齊癲癲喪喪喇:P

我同CHI就暗地準備左上次RICKY生日差唔多既計劃B-)

晏咒四點幾果陣時等CHI`CKT同埋LOK去到佢屋企之後，

我就扮唔知情咁樣問佢去佢屋企坐陣得唔得咁樣啦haha.

之後聽到佢背後好多把聲，當然要問咦你屋企咁多人既:P

晏啲我地拋左好多個唔同理由既藉口先後離開咁樣啦@@

過左冇幾耐再係佢屋企樓下會合番CHI`CKT`FION`ALEX`

仲有SARA`BREAD`ALEX`CRYSTAL就衝番上去:D

嘿CHI果個上番去既藉口就係話比JOJO有野漏左未比佢...

當佢地兩個敲緊門，我地六個人係瑟縮係樓梯轉角果啲位啦:$

當CHI話漏左六份禮物果陣時，我地就好配合咁樣彈晒出去-V-

唔好理隻腳係咪穿左崩啦@@ 總之呢個都稱得上叫驚喜丫XD.

晏啲連RICKY同埋RAYMOND都搵到路，終於齊人喇haha.

好啦叫左PIZZAHUT之後就一路玩STOP THE BUS一路等:P

就係每人唔可以睇手上果四隻牌，目的要整到果四張既點數最少...

因為K同7個點數係0，所以好多時大家都要鬥快叫自己個名搶:)

成班人圍住張檯叫囂真係好好笑，有次我想搶牌叫左FRON囉-V-

有時CKT唔記得點玩有好多笑料，我地十一個人真係笑爆左XD.

搞到CHI成日都比我地叫佢帶埋CKT走，唔好係度搞亂檔LOL

終於PIZZA送到...望下張單又係寫陳小姐+__+ 又係一陣笑聲:$

我都唔知點解每次打親電話叫外賣都會產生呢啲美麗的誤會A_A

點知呢次叫既份量...唔夠食-V- 大家食埋個生日蛋糕都係咁話.3.

CRYSTAL買既呢個朱古力蛋糕好好味，面仲有MACARON:)

我地諗住用蛋糕盒塊紙皮盛住黎食，點知有幾塊真係細到喊@@

結果我一個人落左樓下超市買野:D 好彩兩隻手岩岩拎得晒XD.

掃左啲芝士腸、檸檬茶之外仲買左盒DREYERS雪糕返去haha.

之後我仲好媽媽咁係洗番乾淨啲餐具先至開爐陸果啲芝士腸^0^

唔係講笑，手板眼見工夫-V- TIMING岩岩好，好好味嘿嘿:D

好享受同佢地成班人一齊，每次都留下好難忘好歡樂既烙印@@

真係好似成班兄弟姊妹一樣咁WARM...唱生日歌`傾計`玩啤牌...

睇麥兜一齊喪笑hahahaha...呢啲機會真係唔係成日都有XD.

最瘋狂既就係唔理口水大交流，啲飯啊就咁用匙BUT黎食-V-

就連之後果盒COOKIES N' CREAM都係大啖大啖咁BUT:$

我真係未試過咁樣「隊」左成盒雪糕囉，真係好鬼爽haha`!!

結果就癲到差唔多十二點先至散-V- 住得咁近冇咩所謂啦:D

星期一朝早終於開始聽廣播劇:P JANET做菲傭一角食鬼死:O

都唔知點解佢講「太太，你有冇事」果陣時可以咁似架haha.

成班都好唔相信自己對耳，煥然一新既感覺:O 聽到眼都突埋-V-

好啦跟住果日就成日都笑JANET喇hahaha...瑪莉亞LOL

之後周會有得睇社際辯論比賽:$ 意想不到既賽果就係X___X

HANNA`MARTIN同PHOEBE呢個組合竟然輸左比綠社-V-

之後紅藍對決@@ 欣賞雙方鬥得面紅耳赤之餘都有好多笑料:O

好滑稽既動作... 同觀眾九十度鞠躬、提早行到台前、搶獎@@

諗深一層都係不便係度講得太多喇haha...但真係好有趣+_+

話說食LUNCH果陣時就決定要早退返屋企比自己休息下啦...

攞埋書包走果陣唔少人見到就問係咪唔舒服...我只係答有野做-V-

好囉咁嚴格黎講真係有野做既，同埋精神唔容許我上多兩堂XD.

同RICKY佢地食埋飯返到屋企就即刻爬左上床訓左成粒鐘*O*

所以對於我黎講，我既復活節假期係呢刻正式揭開序幕lalala.

我都知身邊既人知道既實想打我，但唔係講笑咁樣真係好爽`!!

況且我最後果兩堂都係空堂啦，與其係學校訓倒不如返黎-W-

嘿明明做得唔多正確都仲可以理直氣壯@@ 我都幾犀利haha.

晏啲仲約埋BOBBY返左小學搵老師傾下計啦，好耐冇返喇:P

其實間唔中返去係件好事，至少可以維繫到一段關係先啦^0^

只係身邊既小學同學真係太忙，有時學會有野做之餘呢，

又有啲會因為自己個FRIEND唔返就跟住唔返，連鎖反應...

不過算啦:$ 總有機會再次成班傻仔聚埋一齊既我相信`!!

呢日返到小學好巧合咁見到一個四年級為校爭光既獎杯XD.

即刻要影相留念，就係學界田徑男丙4x100接力季軍(Y)

果陣時真係好犀利架，記得果年每個星期一都要苦練囉@@

我地丙組無論男仔定係女仔每次都不停操速度同埋體能囉`!!

最具挑戰性既就係第一棒永遠都要讓女仔第一棒幾十米囉-V-

當然好快會追得番啦，跟住我地圍住雨天操場跑兩個圈先交棒，

連續幾年同另外三個男仔拍住跑接力，感覺真係好爽架囉！

每次比賽之前都會互相鼓勵，有時仲會好白痴咁爭第四棒:O

好啦我地小四真係好輝煌囉，冇記錯既話好似係一齊攞獎:$

呢日返到去見到好多老師，基本上我仲記得佢地叫咩名既:P

只係有時有幾個已經講唔出我個名喇，算啦我唔會介意既-V-

同MS.LO都係講下最近返學點樣啦，講開CONCERT呢樣，

估唔到原來佢都幾迷K-POP...宜家同佢傾計冇咩野要避諱:P

嘿知道佢地平時對住啲細路咁難教真係好辛苦同埋好吃力架，

所以我希望我地呢屆幾聽話既畢業生返到去會成為動力之一啦:)

個幾鐘頭既短聚，再次拉近彼此之間既距離，真係格外窩心囉:D

之後又去左杏花村同鍾太、MR.LAM同孔老師打羽毛球:D

其實同老師打波都幾爽，佢地經驗通常比我地多，落點都令啲:)

之前都講過啦同啲能力比自己高既對手切磋先會進步嘛=V=

呢日我仲覺得MR.LAM對住我冇最初果次咁COOL喇B-)

連續兩個半鐘真係咩都夠晒:$ 臨走之前仲同張光衍猜左陣:$

唔係講笑呢個小朋友比起最初入到校隊都算進步得幾快(Y)

呼，啲貓貓狗狗終於落晒喇X____X　真係好似倒水咁樣@@

好啦我宜家真係好期待聽晚有大餐食`!! 到時影低啲相先B-)

不過目前就係要早啲訓@@ 已經連續兩晚四點鐘先至訓喇>_<

唉`!! 聽日節目真係豐富到呢-W- 溫書清功課練琴...忙死XOX