前日食左BURGER KING個WHOMPER XD.

味道對比起M記果啲真係更勝一籌囉，仲有蜜糖芥末醬:$

唔知點解之前破戒打左篇之後就好似......再抵受唔住咁>_<

果日份英文PAPER III-V- 不過不失啦，感覺一般XD.

最初都未投入就開始，比佢段錄音左FAKE右FAKE-__-

至於今日份ECON卷再次驗證考試絕對講求精神同直覺:O

尋晚開夜車踩到點幾先至訓:O 今日個腦整體都轉得慢>_<

明明有題考慮過個結果係REMAIN UNCHANGED架...

但係再三考慮竟然決定唔改最初寫果個答案-V- 七分姐XOX

暴風雨前夕永遠都係平靜既，宜家依舊風和日麗，今晚就...

好啦:$ 聽日原本就係北京交流團果個咩行前說明會日營既，

目的就係同另一班學生玩集體遊戲，互相認識同破冰咁啦-V-

但其實我仲有CHEM未考...所以聽朝落三號風球都不錯:)

只要呢個原定係麥理浩舉行既活動延後就有多啲時間溫書:S

其實交流團都同POST-EXAM一啲重要既活動撞左日期...

雖然黎緊會錯過V.A. EXHIB同埋PG既「畢業」禮，

但至少呢個團既改動冇影響到原先十二月PG個CAMP:P

父親節果日原本打算上完Y.Y.LAM食埋飯就的起心肝溫書既:O

但果日發生既一切都完完全全改變左呢個預設既計劃haha.

晏咒食元氣壽司-V- 指定款式加個芝士蛋糕都係走唔甩架喇:$

之後見行過時代廣場就行左陣，說服到媽咪買多條褲比我^0^

跟住又順路咁行埋UNIQLO旗艦店-V- 人流比新開少好多>_<

門口果啲用LITTLE TWIN STAR同MELODY砌既裙好令:$

呵呵行街好開心:D 行多陣已經完全冇左要返屋企溫書既意識:$

繼續「順路」咁行到去聰嫂食甜品X__X 今次試左個薑汁燉蛋:P

喲喲原來都係好好味架`!! 啲蛋白真係滑到唔洗自己吞架haha.

過左陣佢從舅父口中得知HYSAN有得買我想要果隻G-SHOCK，

個款唔係成日出同隻薄荷綠色好令，但我真係唔捨得買咁貴既錶...

結果:S 再一次滿足左我@@ 呢個父親節，似乎過得有啲奢侈@@

我唔係要自吹自擂，冇錯呢日確實係好開心，而且極度滿足，

同時都係啲慚愧，一日之內幾把火將媽咪千幾蚊高速耗盡-___-

佢平時點對我？我又點樣對番佢？好多時就淨係發脾氣X___X

相反呢，只要我收歛番，識得退讓，媽咪又可以當咩事都冇，

一切又會再次回復原狀，水火不容既局面維持左短時間就打破...

所以，要盡力改變一下自己一貫既態度，生生性性至得B-)

突然咁多INCENTIVES既話某程度上都會有無形壓力產生，

自己同自己講唔可以辜負佢地係我身上所投資既一分一毫...

所以更加要比心機，最後一科CHEM要加油，唔可以衰收尾！

諗番起果日Y.Y.LAM既常規課程係呢個年度最後一堂@@

結果超左三十分鐘時，當中有十分鐘係佢既一番深情對話:$

記得最初佢SHOW完DSE最低分果份寫作卷同堆病句，

每一間班房，甚至佢在內都笑到流晒眼水，捧腹大笑XD.

笑聲消散以後講左好多激勵我地既說話，身處現場何其震撼...

我唔知係咪呢行既所有補習老師都係用呢啲方式去銷售自己，

但呢番體會正正係我果日感受到既...一位成功既補習天王，

背後有個龐大既團隊去準備筆記，給予學生最好既服務。

佢唔會將金錢利益放係首位，唔會介意犧牲自己休息時間，

做更多額外既工作，安排更多資源，照顧唔同需要既學生，

最終既目的雖然有可能係增強自己係業界既名氣同聲譽，

但同時亦都係更全面、更精益求精，令學生有更多得著。

最深刻就係佢以年老既鷹為例，羽毛會變厚，重到飛唔起；

嘴亦會退化，指甲會變長，隨著時間推移喪失捕食既能力。

老鷹只有可以選擇死亡或者係經過試煉而獲得重生既機會...

有啲固然會逃避，但有啲會選擇承受莫大痛楚咁堅持落去，

將十指指甲、每條羽毛用口咬走，令到自己生番柔軟啲既...

他日見到身邊既人揸林寶堅尼返工，月入萬幾蚊既唔好怨，

要怨就要怨自己當初點解唔努力，一分耕耘、一分收穫@@

好好裝備自己係首要條件，咁先至有資格同其他人比拼較量:)

讀書係辛苦，係要下苦功，但正如MRS.LAM學期初引用既...

PAIN IS TEMPORARY, PRIDE IS FOREVER`!!

雖然我上Y.Y.堂唔夠一年，但自問呢年黎我對中文重拾希望，

比起以前側重英文無視中文有好大轉變，接觸多自然興趣多:)

每個星期日坐係班房聽佢講唔係純粹為左輕輕鬆鬆聽佢講笑，

唔係純粹為左應付公開試，同時亦係佢身上吸取唔同既道理:D

雖然暑假仍然有機會見到佢，但出乎意料地有不捨既感覺>_<

特別係佢將平時講既呢句「下星期再見！有問題出黎問我。」

變左簡簡單單既兩個字「再見」，真係好想喊...好感動啊T_T

為左Y.Y.LAM、為左爸爸媽咪、為左自己我一定要努力！(Y)

就算黎緊日子要跨過幾多個人間煉獄都一定要有信念、有目標！

我一定唔要成為佢呢期份NOTES既其中一篇文既角色咁樣，

只係望住身邊既好朋友能夠讀大學而自己從此同佢地脫節！

這段路鋪滿我們留下的足印，鋪滿我們失敗的足跡，

它，雖然漫長，但卻是通往成功的唯一道路。

唔知點解今日考完BIO之後好似成條橡筋鬆晒咁:$

明明我黎緊仲有兩科選修科，英文通識又未考晒-V-

不過唔緊要啦當係比自己係水面吸番啖新鮮空氣:)

考試期間每日都變得格外充實，充實得黎又辛苦XOX

坦白講每日對住密密麻麻既字仲多過對住爸爸媽咪，

莫講話要追多陣電視劇或者覆多個WHATSAPP啦>_<

但始終係FINAL EXAM...所以冇得唔訓身搏番次:P

最矛盾既就係訓身之後自己會發現結果不如自己所想...

無論安慰身邊既人定係自己，都會掛句說話係口邊：

校內試就係比自己一個知錯既機會，等自己唔好再犯。

黎緊仲有好多份卷未考，唔好比呢啲心情影響表現。

今次有盡力而為就已經可以啦，考試狀態無人能夠控制。

但自己又係咪真係可以將呢啲事情睇得咁通透咁豁達呢？

比如數學咁，事前每星期不停計，不停做MOCK PAPER，

咁努力為咩？就係希望考試前早啲訓，第二日清醒啲計嘛。

結果第二日對住三十六題MC，真係睇到一頭霧水XOX

唔識就SKIP，SKIP完你會發現自己剩係計到十八條-__-

另外十八題係時間緊逼既情況半撞半推理咁樣填既...無言。

尋日既英文PAPER ONE，開始作答個勢的確係唔錯既，

但銳氣既存在價值就係比唔同既因素挫，永恆既事實LOL

頭兩篇半個鐘清完，但同時個胃同埋肚都處於唔聽使狀態...

成個腹部啲肌肉嚴重抽搐-__- 手心額頭雙雙冒汗，救命:O

我深呼吸既時候個人又左右搖擺，搞到好似張櫈有蟻咁XOX

痛到呢個地步完全集中唔到，寫每個字都要用上莫大力量...

呢件事再次演繹就算你考試之前準備得有幾好、有幾充足，

只要臨場既時候精神崩潰，狀態欠佳就大鑊ORZ無奈。

至於今日BIO卷...目前十幾年黎最震撼最驚天動魄既一份卷...

諗番起星期六晚係電話問人問左足足個幾鐘囉*O* 痴線-W-

我都知自己好蠢架喇，但真係好多關於DNA既野唔明OMG

但係考完今日之後真係幾洩氣/__\ 不過睇黎我都需要檢討下，

諗深層自己放左幾多心機落去溫，溫得幾熟只有自己知XOX

宜家考完固然係話算啦！但黎緊暑假一定要修理下至得-W-

兩個鐘頭要完成三十條MC，十一條長答本身未必係難事@@

但我真係好耐未試過望住成大題，完全唔知要寫啲咩落去-__-

以往BIO直接問既方式不再，冇得再搬字過紙咁背書-V-

連個EXPERIMENT做緊咩我都唔係好知，又點會吹到？

六成絕對唔係我既期望，我既期望只係祈求合格XOX無助。

只係考左一半左右，先後經歷三無，無言、無奈、無助-__-

唔知黎緊果四日係咪繼續呢啲情況？定係會出現曙光-V-

講到曙光，呢幾日個天氣真係可其反常，暴雨陽光齊晒@@

宜家望出去竟然係一朵朵雪白既雲係蔚藍既天空中飄浮，

尋日、前日、大前日呢個時候，全部都係落緊大雨LOL

雨，或者好多人都厭惡，甚至我有時都會有類似既感覺，

但上星期五我真係有史以黎眼火爆，呢個情況極度討厭！

我送車尾，企頭位，眼見身後果條隊愈排愈長，車都未黎，

啲人為左佔據有利位置竟然借故愈行愈前，行到我身邊。

當巴士駛近既時候仲好有意欲一馬當先攞定八達通咁:O

呢句說話我等左好耐：麻煩你排隊丫:@ 見唔見到好多人？

佢望左我一眼之後就死雞撐飯蓋咁話：我有排隊啊LOL

嗯你話有咪有囉-V- 人好多時都會事後先諗番可以點串佢，

我真係後悔果刻冇再窒佢咁話：你有排隊係企到咁前架咩？

係上層後段搵到個位置坐低之後又見到另一件愕然既事-__-

你將把遮勾係冇人坐既話冇問題，但多人就唔該你識做啦:@

做女人做到你咁真係...對住電話做低頭族就看不見、聽不聞，

三催四請對住你四萬咁咧嘴笑你先捨得死死地氣攞走把遮，

最過分係架車係高速公路你安置部電話同把遮用足十幾秒，

個男人就係你身邊企足十幾秒-V- 哼呢啲咪就係有霸氣囉*O*

都唔明點解呢啲做左幾十年人，連咁簡單既事都要人指點，

我覺得呢八個字形容晒成件事，「倚老賣老，不知所謂」:)

尋日電視再重播叮噹-V- 斷斷續續又有得睇番真係好滿足:P

但當小夫出場果陣時發現個新配音...有點兒那個-__- 唔好聽...

或者只係我呢十年黎聽既果把聲突然變左，好唔習慣啦@@

果刻淨係覺得再美好既事情都有機會流失XOX 好悲觀LOL

唔知呢排受到咩刺激定點樣諗既野好似特別負面咁，唉X__X

希望考完試有個煥然一新，容光煥發既陳逸章啦嘿嘿haha.

哎喲呢篇太多負面情緒，下次應該寫啲開心野平衡番既XD.

嘿最近會更新FACEBOOK都係班畢業生，宜家佢地最得閒嘛:O

同成班朋友去旅行既相、GRADUATION DINNER影既相，

唔知兩年之後既呢段日子我又會點樣@@ 期待定唔期待好XD.

好啦差唔多要收手喇XD. ECON`CHEM`LS`ENG努力 (Y)