長達九個鐘既執房工作終於可以暫告一段落喇:P
將書櫃既野不停移位，同堆筆記做FILING-W-
宜家呢刻間房終於回復最整齊既時刻嚕，哈哈:)
呢晚以沙律為晚餐，西生菜、蕃茄、青瓜、魚扒、
仲有黑醋做醬料，麵包碎同罐頭雜果做伴碟，好正:P
好啦應該未試過四點鐘先至開始打篇QOOZA-V-
八月十二日夜晚大家興高采烈傾買咩去食，帶咩去玩，
果晚天文台宣佈星期二日出前改發三號真係重重一擊。
冷靜諗多層都只去得成機會係少於10%，灰到呢-W-
結果咩野都未執過，就咩都唔諗咁樣逼自己早啲訓......
第二日不出所料，我真係唔明點解硬係要呢日打風，
明明上星期都好天，偏係我地去玩既時候先至搞搞陣。
我相信大把人同我都好唔服氣，但天喎，唔服又如何？
銀包電話紙巾放褲袋，再帶左把直遮就返左學校啦@@
果日有啲女同學著既褲唔及膝，比ECON LAM鬧到...
最後仲要求佢地換番條長褲先至可以繼續活動囉-____-
其實守則都不外乎情姐，大家打風去唔成都已經失望，
宜家仲比你鬧到一面屁:O 網開一面都冇咩野姐係咪？
擾攘左陣終於開始呢日既活動，首先係玩笑哈哈膠波。
坦白講我望住個波真係唔識笑，根本就冇果個心情。
阿MAN又要我地同個波講早晨，跟住分組拋黎拋去，
有時要單眼拋，又或者叫左對方個名先，玩足成粒鐘:O
之後我地攞住個膠波分組做分享，講下你係咩學會主席、
呢日CAMP有咩目標同期望、又或者講下你性格特質。
咁岩我係黃色，唔知點解有個目標直接衝擊我個腦*O*
因為呢個目標，令到我可以重新投入係呢日既活動當中，
因為呢個目標，我既世界唔再係灰色，而係慢慢變光。
冇錯，每個人都渴望呢兩日會係OVERNIGHT CAMP，
既然天公不造美係改變唔到既事實，倒不如改變心態，
就算只係困獸鬥係學校，呢十四個鐘都要活得精彩^0^
我見到既笑哈哈波唔再係扁嘴喇，相反我識得對佢微笑:)
記得最後阿MAN熄晒燈，同我地一齊做EVALUATION...
我地唔少同學都訓左係禮堂地下，望住天花板既時候，
呢日十四個鐘唔少片段FLASHBACK咁樣播番晒出黎，
加埋阿MAN深情演繹番營刊上既果段咁有共嗚既《序》，
我發現RITA同埋我都不禁為呢日既活動灑下眼淚T^T
呢日心情既轉變太大喇，失望、盼望、興奮，到最後不捨，
不捨活動始終有完結既一刻，可否將美好既呢刻停留？
從來都冇對呢個逼於無奈係學校進行既CAMP有任何冀望，
但呢個先入為主既錯覺經過一日再次被驗證係大錯特錯@@
十四個鐘，常人眼中看似好漫長，但係我地眼中卻好短暫。
每組背後都寫下一段又一段有意思而令人回味既故事^0^
最初珊珊帶我地玩左個砰彭嘩既動作加強版，好瘋狂囉。
係喇，雖然多左THOMAS呢位組爸，SWK同JANEL，
但少左KEVIN同埋YOYO兩位硬係有少少美中不足咁><
呢日玩既遊戲唔覺唔覺就挑戰左好多，每個背後都有意思，
可能只係雞毛蒜皮既任務，但好考彼此既默契、合作同信任:)
飲管神仙棒、蜻蜓點水、摩斯密碼、拍數字卡、逃出鱷魚潭、
拆彈專家、電網O.U.T.同TRUST LADDER每個都好深刻`!!
題外話，我已經寫低左每個遊戲既目的同玩法，遲啲可以參考:P
飲管神仙棒，玩足大半個鐘都始終升唔到果枝駁長左既飲管，
雖然我地九個都好頹，但仍然堅持改變策略不停試>__< 強(Y)
逃出鱷魚潭，同一張空間有限既軟墊上企兩個人，汗水交接，
搖擺身體移動軟墊，用僅餘既臀力將同伴扯起前，到達終點！
拆彈專家，首回合失敗唯有用真鞋當水彈試驗唔同解碼方法，
我係仍未得到任何頭緒既情況下企左出黎，代表全隊落手拆，
行到最後幾步又沒頭沒腦咁靈機一動，意外地成功左haha.
珊珊都THOMAS都好驚訝，而我地懶理佢地只顧歡呼拍手:D
TRUST LADDER，同初二箭呢組一齊玩，熱鬧好多囉XD.
話說呢晚長期攞住鋼支輪流承托十幾個人係上面行走幾辛苦，
因為有時真係會發現自己有少少手軟，第二日雙手手臂酸痛。
我享受係上面行，就算冇點扶住膊頭都行得幾放心同輕鬆，
本身我體重屬於輕型既，但最後行得太快，好似短跑咁，
反而加重左佢地既壓力，差啲整親佢地>__< 唔好意思啊！
電網O.U.T.，最初我地問到珊珊可唔可以同其他組合作，
但佢狠狠拋下一句「傾好自己果組先」將我地個念頭打消！
表面上係各組既競爭遊戲，但其實懂得合作先至係王者......
最初我地千辛萬苦咁抬人過去，但始終都陷入困境XOX
唯有馬死落地行，同JOJO果組商討下，逃出生天LOL
接完JENNA`SARA同JOJO之後到我比佢地抬番XD.
坦白講我享受比人抬果刻，成個人好放鬆，任佢地魚肉-V-
我好鍾意呢個遊戲個意義，無論黎自咩組都屬於同一個團隊，
都係一眾學會領導者既其中一位，所以有需要時要伸出援手:)
當中我最深刻都係食完午餐每組都好豪邁咁叫一次組呼-V-
我突然諗番起北京交流團果個，木木獨獨、陸下就熟，殊∼
幾經辛苦今次終於諗到一個威震四方既SLOGAN啦haha.
THUNDER THUNDER THUNDER...閃電十一人，沙∼
聽到大家咁齊心，放低面子，有幾大聲就叫幾大聲囉XD.
果個SCENE瀝瀝在目`!! 我唔識講，總之就好WARM <3
我覺得叫組呼真真正正增加彼此對呢個團隊既歸屬感架:P
我地仲要以接龍方式叫其他組做啲古靈精怪既動作，好有趣:$
話說ICY又癲左咁不停使出看家本領獅吼功，笑到碌地XOX
所有遊戲進行晒，我地組再次係禮堂圍圈做EVALUATION。
我覺得珊珊同THOMAS帶領我地組的確帶得有聲有色囉:D
佢地準備既每一個遊戲都針對唔同方面，真係好有心思啊*V*
多謝佢地呢日為我地帶來咁多得著，希望真係做到學以致用^0^
雖然THOMAS第一次帶CAMP，但佢會好細心咁觀察我地，
佢最後仲講晒對我地每個人既感受，你知唔知果刻有幾感動:$
其實果時已經開始喊喇，依稀記得佢讚我天生有領導才能@@
至於珊珊:O 瘋狂度絕對唔會比我地任何一個組員遜色架囉>_<
玩既時候可以同我地一齊投入，檢討就即刻變認真MODE:P
欣賞我地全組同學都係自動波，佢明言自己唔需要點講野，
因為做完每個TASK我地都自自然然講得番收到啲咩訊息B-)
難怪呢位校友我從來未係學校見過啦，年齡不再是秘密喇-__-
我以為你係李昊時期啦:O 點知原來珊珊你...唔可以以貌取人:$
呢日我放低以往對身邊人產生既偏見，嘗試學懂互相欣賞，
我敢講我做到喇:) 同時我更係重新認識一向都熟悉既朋友:D
閃電十一人，呢五個字其實正正包含我地組每一位成員架:)
閃係珊珊、電係THOMAS，共餘有RITA`VICKY`SKW`我`
JANEL`WENDY`KITTY`CALVIN`KEVIN`YOYO`MANKO。
一個唔會受其他組影響，大家都可以專心一致，太強大喇XD.
我地仲用MARKER畫花手指公，印左個拍紋落POSTER到，
希望呢團火就算WORKSHOPS過後仲可以燃燒得好熾熱啦！
最後阿MAN同埋MRS.LAM都宣佈左件令人驚喜既事:)
就係有機會係九月初既時候補辦OVERNIGHT CAMP`!!
成個禮堂都充斥住歡呼聲，太令人鼓舞喇真係，要搞得成:D
大家叫多次組呼、影埋大合照後就衝晒去攞我地組啲水彈，
補充一點啲水彈係其中一個小組遊戲所需既物資黎既hehe.
話說PHOEBE`JOJO`SWK佢地係晒一樓果度掟落黎:O
而我就係地下執番啲冇爆既掟番上一樓，當然唔中目標啦，
最好笑就係有個水彈未掟出去就已經比我一手揸爆左LOL
幾意外玩水彈冇濕-V- 呢個CAMP終於係瘋狂中完滿結束:D
離開學校之際大家都有所得著，笑得比朝早既笑哈哈波更燦爛:)
跟住我地一行十七人仲進佔左甜嫂，好耐未試過咁熱血喇B-)
都唔知果晚我地會唔會嘈到佢地少左生意，玩埋啲野好爆笑:)
不過可能張檯又長，所以都好難有交流，各個小組自娛咁-V-
但當大家聽到八號風球就黎掛既時候就開始飛奔番屋企嚕......
雖然係搭的士，但返到屋企都十二點半，玩足成日眼訓死人:$
終於打完，其實我呢舊電都係用左十四個鐘炸-W- 晚安喇！
我諗黎緊唔會又係晏咒五點幾先至識得喇下話haha. ORZ |
