好啦雖然已經深夜，但間房開左窗真係又焗又吹暖風:(

聽朝PREFECT拍片，當中啲插曲就真係無謂提-__-

只係希望原定時間內拍得晒:O 我真係唔敢奢望啲咩.3.

雖然分班唔關我事，但睇到咁樣硬係覺得有啲無奈:O

相信身邊唔少人都會話學校呢年既安排令人費解，

我真係質疑果啲決策者係咪變左用個HIP思考-__-

除左黎緊既4A明顯係GEOG班之外...哈其他真係-V-

得啖笑囉，成班讀文科突然加兩個全理科既男仔都有...

最大既問題係只有班主任課、周會、術科係一齊出，

但其餘啲咩主科、選修科，甚至M1M2都拆到散晒。

學校好一個里程碑-W- 完完全全為班造成零凝聚力:O

少見面、少交流、難合作，我真係搵唔到咁分有咩優勢。

分班唔跟能力、唔跟選修科、唔跟男女比例姐係亂黎:)

小班教學有機會提升到學習同教學效能，但同時證明左，

學校太多老師:O 我理解就係應該要炒減啲冗員囉就-__-

好啦都係隨口講姐@@ BEST WISHES TO THEM`!!

其實我對於黎緊呢個學年都充滿矛盾，係咪應該期待？

不過首先係要習慣MRS.LAM再唔係我地既班主任，

極期限都只會係個好關心同好鍚我地既媽咪同朋友^0^

至於...WWK...我對於呢位十幾年冇做過班主任既老師-V-

嗯@@ 應該點樣講LOL 或者結果係比預期既好啦XD.

脫離左訓導，唔再捉同學頭髮*O* 民望應該會高啲:$

始終佢都教我地班數，朝夕相對都應該會幾CLOSE既，

況且憑我既直覺@@ 佢應該都係啲幾玩得同傻傻地既老師:)

尋晚返到屋企不停搞PG既DOCUMENT搞左好耐，

就連訓教既時候都不同係度諗遊蹤既形式同故事-V-

我發現自己如果開始做緊樣有興趣既野係唔識得停，

結果就係張床上面碌左好耐，最終比我擠到啲靈感。

五點鐘對住WHATSAPP將個意見打落PG GROUP！

哇果刻團火真係燒到HUMHUM聲@@ 愈諗愈興奮:O

完成左呢樣跟住咪埋眼即刻訓著LOL 點解可以咁+_+

跟住今日晏咒冇精神到野又唔想講，搭親車都訓到昏迷...

原本今日係學校練三個鐘波，但結果打左一個鐘炸:O

教練真係好有心教，就算幾遲黎都會餵波比我地打，

佢仲話每次至少打六十球先有用，訓練到啲走位@@

唔知係咪教練問題，我覺得自己啲落點比之前準確好多，

目前最首要就係改善殺波囉，每次都殺得唔夠尖既-3-

最好笑就係今日果個鐘打左冇幾耐隻右手已經軟晒LOL

至於果兩個鐘就係幫手睇下PG星期六個DRAMA啦:)

姐係以短劇形式同中一同學好概括咁介紹下學長會B-)

原本真係諗住睇兩、三次，跟進下同大家打下氣架炸@@

但最後竟然全程投入綵排當中，其實有啲唔舒得走-V-

果到個氣氛唔知點解就係充滿歡樂，比人個感覺好舒服:P

最初MS.NGAN同我其實都講到「投入」呢個問題>__<

大家稿未背到滾瓜難熟，所以真係好難演得自然囉XOX

由於上年我都係過來人，亦都試過擔當PG呢個角色，

加上劇本改動唔多，就可以理所當然咁比下意見XD.

比如呢個位既角色可以點配合而令到個效果更好咁*V*

有時候仲要代入角色，用自己既方法演繹一次當做參考。

大家排練都好認真，佢地一方面改善，諗點加插動作，

我另一方面就要不停記低某啲情景既細節需要再執執咁...

我突然間諗番上年4B CONCERT我係後台講既說話，

直到呢日我問同樣既野：大家有冇信心做得比頭先好？

呢個問題唔係單單起激勵作用，仲係提醒大家個目標，

所以當大家可以堅定咁講「有」就已經成功左一半:D

同樣，暖在心頭:$ 再次感受到PG溫情洋溢既一面:$

最後見到MS.NGAN咁享受個話劇都心滿意足啦^0^

正如佢所講，終於見到套劇有生氣、有靈魂既一面喇:)

話說KATY將角色背後好悲慘既經歷呈現比聽眾，

好牽動到情緒，呵呵佢真係適合做呢套劇既主角啊！！

至少我坐係到睇都會深深體會到果種無助、無奈@@

上年我地表演既時候冇錄影其實真係有啲可惜架>___<

我覺得事後睇番自己係台上面果個傻瓜樣會好搞笑囉XD.

為左實實在在留段回憶，我決定星期六搵部機錄影haha.

最後當然希望星期六大家唔好怯場，GOOD SHOW啦:D

首先就係恭祝RICKY生日快樂，開開心心啦:D

聽晚同佢食飯慶祝-V- 熱切期待瘋癲既晚上XD.

有時候都幾古怪，明明已經勞動左成日都唔肯訓，

睇完呢集咁觸動人心既溏心風暴都仲未夠架喎@@

硬係要打番篇先至心息既-V- 究竟係咪好習慣黎？

我開始有啲擔心功課同埋溫習問題，得番兩個星期。

但係ECON QUIZ下星期就要黎攞我命喇T^T

只能夠講補課新教既TOPICS未係100%知咩事...

跟住仲有幾樣功課，中文最煩果本一隻字都未寫過:S

但我呢個星期得番星期日係冇野做-___- 殺了我吧:O

我知呢樣唔值得講...但仲未打上年PG CAMP果篇:@

今日過得太充實@@ 遲左起身依然按到計劃游水:P

宜家愛上左小西灣個室內池-V- 其實係更衣室企理.3.

八點幾呢個時間其實都幾多人，游游下要不停轉線:$

同樣三十個來回，但驚天大突破就係55分鐘完成^0^

我都知自己好心急想高@@ 但真係幾時先至有成效......

雖然游完有啲散架感覺，但無比健康同埋暢快囉haha.

今日補Y.Y.LAM，唔知點解聽完佢拆解聆聽卷之後，

覺得得著好多咁，或者因為可以好容易實踐番出黎:O

唔似得閱讀卷寫段意咁樣，有時我真係仲一頭霧水！

仲有就係好期待可以寫到篇佢啲範文大半既水準囉>_<

好啦聽日買晒NOTEBOOK就要整裝待發架喇我B-)

中英文都抄詞語抄佳句抄百搭段，其他科就怒背內容！

至於今日開PG內務會議果個狀態由精神抖擻變得滄桑。

我都唔知有冇用錯形容詞，總之開左五個鐘咩人都頹啦，

況且為左唔太夜走仲要不停CHUR議題，冇點休息過，

就連最COMMON既OFF-TOPIC情況都少之有少-V-

更遑論會講到啲比較敏感既野，但整體係順利既.3.

唯一帶到氣氛既就係失雞無神會爆左啲笑料出黎咁囉@@

不枉花左差唔多三個鐘將九月中個GATHERING傾好晒，

下次試完遊戲，重新睇多次流程就可以集中火力攻CAMP:)

大家個樣開左咁耐已經殘，但聽到ALISON講遊蹤既意念，

咁曲折離奇、反傳統既形式就真係為之一振既XD.太犀利:P

佢諗埋呢啲古靈精怪既野永遠都最在行:O 善用人才XD.

有時其實我會問自己對身邊既人係咪太DEMANDING...

好似今日咁其實我希望盡快收到佢地改完既文件既@@

有樣野係真既就係宜家CHUR下其實都係種鍛鍊黎-V-

始終CAMP前果個月真係多野做到成個人冇晒方寸。

唔知啊事先適應或者感受過既話或者對自己都有好處-W-

好啦我相信以上呢番說話絕對唔係作為掩飾既藉口-3-

聽朝又要打三個鐘波喇-___- 訓下冇咁易斷氣:P 晚安！