自然醒個感覺就係好正，無拘無束咁樣@@
當然能夠一氣呵成訓到十二點真係難得啦LOL
跟住成日就係搞PREFECT段片啦、功課啦、
仲有包書，當中竟然可以忙裏偷閒訓一個鐘晏教！
但唔知自己係咪開始作病，成個人好易跌WATT，
好難集中同埋條頸酸痛，定係我對電腦對得太耐。
講番PREFECT條VIDEO，一改再改，改好喇，
但目前個難題就係CONVERT唔到，今鋪真係麻煩。
坦白講今日收番佢地錄完果幾段片，剪之前我再三詢問，
竟然會由個捉人儀容既中四領袖生問番啲考勤獎既問題...
既然咁MAKE SENSE你地都PASS，咁我又有咩所謂，
我果刻不停叮囑自己只不過係執行者，冇資格批評太多，
不過冇野既，你地有幾多HEARTS...我咪比番幾多囉:)
呢日突然興起講番4B套微電影，似乎丟低得太耐，
宜家先醒起有幕要重拍同埋好多細節位都需要改善。
呼，睇黎九月頭應該都好難有時間比自己休息架喇:(
只不過講開呢樣就會好興奮，將好多煩惱拋諸腦後咁。
上星期五同CKP`NG SIR`MS NGAN一齊睇DRAMA，
果兩個鐘就係不停見證大家努力改善，一次比一次進步！
嘿嘿諗番起一年前既自己身處台上，擔當住學長既角色，
吳SIR同樣會係台下連同MS.HUNG比左好多建議-V-
真係好懷念作為演員，享受上演DRAMA果個經過^0^
坦白講同吳SIR真係好容易相處，或者年齡叫相若啦，
但有時候對住佢講說話唔洗點樣避忌，真係好隨心所慾。
有時候都會互相暗串一、兩句，因為都知唔會得罪既-V-
無啦啦呢日佢同我講話：你中一果個樣我仲歷歷在目@@
嘿佢仲記得果年上我地1A班中史堂果陣時我坐到最前，
跟住學期尾就成班整估咁舉手答問題要佢記熟我地啲名。
話說果年我地仲送左張卡比佢，古代宮殿加個秦始皇*O*
但係果個秦始皇個頭就KEY左吳SIR落去，好有趣:D
吳SIR明言張卡仲係教員室個位到，同事見到硬係會笑:)
原來...時間過得真係好快，原來四年係咁短暫，咁唔實在。
果日晏咒自己一個去左牡丹咖啡到食，音樂伴隨特別寫意，
自從黎過呢間小餐廳食PASTA之後就開始愛上呢個地方，
遲啲真係要去品嘗啲西餅同埋最出名既咖啡先至得喇^0^
晏咒係S.1PATHS PROGRAMME，類似成長的天空。
其實呢三日以黎我地學長既角色都係入組帶動下班小朋友......
坦白講有幾位我幾深刻，原因兩個，主動或者個樣可愛；
但同樣有個貌似小一既男同學就真係令到我有啲勞氣喇@@
隻腳就整黎整去，好似冇腰骨咁靠住第二位同學黎坐-___-
其實都提過好多次，但又唔想增強語氣嚇親人就冇點再講。
自問我果組既小朋友都唔算雞既，大多都肯投入參與活動，
當然亦都會恃住有個「組爸」就嘗試將所有野推晒比佢:O
呢日主題係關於情緒管理，其實我自己唔多唔少都有啲得著。
最後要佢地填問卷個個都死樣咁，啲怨言多到數唔晒XOX
最好笑就係中段佢地放BREAK既時候好似係放監咁樣@@
我地成班PG圍埋傾緊佢地果陣竟然發現左個好癲既現象，
成個禮堂變左個兒童遊樂場，不論男女，只要有腳都追逐緊，
我地十幾個真係嚇到呆左，面對咁既情況都唔知講咩好喇:O
出乎意料地MRS.LO行左入黎，跟住就係食花生既時間-__-
咁當然啦，顧及學校同個人形象，佢呢啲時候又點會出聲丫...
最後我地同幾位社工圍圈做檢討，反而呢部分我幾鍾意，
因為可以聽番其他學長係另一個小組又會遇到啲咩阻滯啦，
跟住社工就比意見，比如做法恰唔恰當，下次又可以點處理。
我想QUOTE番ANNE姑娘所講既一句話，幾有提醒作用，
呢日既活動已經完左架喇，我地諗番轉頭，計較都冇意思，
唯有寄望自己可以將呢日獲取到既經驗套落下次既活動之中！
呢句說話，同時亦都為呢個PROGRAMME畫上一個句號。
每天都像上了發條的機器，疲於奔命，卻忽略自己內心。
往往係自己後悔或者失意既時候就會見到如此金句，
又或者咁岩電視劇既內容正正描繪緊「另一個自己」，
其實都幾諷刺，好似連個天都故意要刁難你，要你反省。
聽日要將剩餘既中文功課清晒，咁就可以溫書同預習。
陳逸章，你一定要頂住！唔可以咁容易被擊退架！
|
