嘿咩最後一篇呢啲說話就當冇睇過啦好冇XD.
但呢篇真係...真係八月份最後一篇QOOZA-__-
喲呵聽日唔點落雨就去迪士尼，朝早仲會睇戲:$
聽講張家輝呢套《激戰》又係好緊湊，大受好評:P
今日晏咒重拾溫書狀態，將BIO睇到明好有成就感！
真係唔想咁快開學@@ 比我放多一個星期暑假好冇...
話說今日出街好似重見天日，難怪既我之前宅足兩日:O
今日突然之間係度諗如果中六考完DSE之後有咩做@@
我諗除左去旅行之餘仲要寫信，每個人都要寫封真心話:$
或者到時晚晚寫到手抽筋、寫到淚線都出現問題haha.
好啦我諗都係時候準備定大約一百個信封-V- 痴線LOL
我都知講野好亂架喇，但我宜家好想去高雄墾丁旅行，
好想去南生圍下白泥或者馬灣睇日落@@ 好想返學冇考試，
好想套微電影同埋PG CAMP既東西自動SETTLE好，
好想快啲買到部心儀既相機，將啲美好時刻一一影低去，
好想快啲睇到呢個月影過而又要攞去沖曬果二百幾張相，
好想搵番細個既VIDEO睇下自己眼仔碌碌個傻氣樣:D
回歸現實，呢篇既重點真係要考驗下我個記憶體有幾大@@
因為黎緊會憑最大既努力回憶番去年12月既PG CAMP！
事隔八個月，冇放棄過補寫呢篇，因為果啲都係難忘既點滴:)
記得果日約七點四十五分出車，但我果朝都唔知發咩神經，
或者係太過興奮，遲起身跟住七點半先仆上的士倒瀉籮蟹:O
嘿因為某啲理由令到我集體遊戲環節係負責揸機影相^0^
坦白講我幾享受呢個任務，將大家既投入玩遊戲既醜態睇晒:$
最搞笑係有啲組知道自己擅長拉報紙或者吹紙巾就會狂屈機，
因為唔會局限你個挑戰次數，總之成功達到要求就會給分嘛-V-
最後果個幾組要各據一方黎玩既紙團大混戰，名乎其實啦@@
場面極度瘋狂，亦都有啲被蒙眼既傻瓜將個紙團唔知拋左去邊，
成間活動室就充斥住好雜亂既聲音，當中當然唔少得笑聲啦B-)
哈哈意想不到既係就連班老師都企埋一邊暗暗偷笑囉hahaha.
嗯，有時做得多搞手好想回復之前做參與者架，心情會好激動，
比如果日見到每組成功做完個TASK就會好噓冚咁叫好拍手:O
果種凝造力如果做ORGANIZER既話其實好難會感受到-3-
至於遊蹤都不外乎搞手比人捉，做TASK錄口供攞證據查案。
無論我地逃亡，抑或玩家暴走，都係搏晒老命咁真係好癲*O*
最深刻就係我第一年做參與者果陣係追COM追到腳抽筋XD.
不過呢年作為搞手見到大家享受啲遊戲都真係好有滿足感！！
自問中我對個故事最熟識，因為角色同大綱都出自我手筆:$
嘿果陣係上網搵啲奇案資料，自己修改啲就砌左件離奇案-V-
其實都幾好玩，因為拆解單案件既人就會動筋大激盪咁轉動:O
跟住當你睇到佢地思索到一頭霧水既時候就會興奮，變態>_<
自從經歷過呢日之後，我再次發現一個難以改寫既現象囉@@
除左籌委同每組兩、三個組員係知道成件案發生緊咩事之外，
其餘既只係負責有理無理跑左先，再交由其他組員慢慢分析:$
自問我第一次玩呢啲遊蹤既時候個角色係後者-V- 唔用腦果啲...
離開大棠度假村之前，我地成班學長加埋一眾既負責老師，
就好壯觀咁企左係正門度影相，一張大合照就此誕生XD.
返到學校又係另一個氣氛，就係意猶未盡既感覺喇>____<
大家坐係地下圍圈傳桃哈多食果陣就開始EVALUATION...
每位學長都輪流講番呢日既得著同感受，好難得既時候:)
其實我都唔係好記得自己講過咩喇，不過冇咩所謂啦，
反正黎緊呢年又會有同樣既機會，當中體會定必更深@@
但春春講既一番說話我好深刻，就算相隔八個月都係！
「大家去唔成OVERNIGHT CAMP固然失望，
大家曾幾何時熱切期待既宿營就因為唔批準就化為泡影。
但儘管呢日大家只係相聚於短短一日既DAYCAMP之中，
所有活動都做到去年宿營獨有既果種效果同埋感覺」@@
聽到呢到其實我真係喊左出黎T^T 因為真係好感動......
感動唔係因為單單我地付出既心思同時間受到大家認同，
而係我地為呢日所準備並無受到DAYCAMP既時間所限:)
做到同宿營一樣既感覺唔易，最重要係冇令大家失望！
最後我地保留傳統，留番個叫BACKWRITING既環節，
就係每位學長都獲派張白紙貼係背脊，比人寫對你既印象，
果半個鐘頭大家彎住腰比人寫既同時，又會攞住支筆寫人，
結果成個禮堂就會形成好幾條長龍，果陣真係好溫暖架^0^
聽到既說話只有三句：我比你寫丫，你比我寫丫，寫完喇-V-
最後永遠都要等禮堂既燈熄晒先至願意為呢日活動畫上句號。
我真係好想時間可以暫且停番果個時刻，等大家可以細味下...
WONGYANYI`FIONA`EDY`SOJ`標標`ALEX`FION`
JENNA同埋阿BREAD，多謝你地同我呢幾個一齊付出，
將呢個DAYCAMP好似拼圖咁樣逐塊逐塊砌番幅圖出黎，
多謝你地每位同時係我腦海之中留下左段咁珍貴既禮物:D
果日CAMP完左之後我地大夥兒去左上壽司到慶功XD.
我仲記得果日有個好重要既TOPIC：下年邊個做主席？
跟住講是非同無聊野就由上壽司轉移到明記糖水hahaha.
似乎大家都好善談，對於呢啲花邊消息有特別大既興趣:P
記得每次同佢地開會都好多笑料，特別係試GAME果時，
吹紙巾會引發一連串事件，吹到含住左或者飛左落街都有。
每件小事，表面上睇落可能只不過係剎那間既白痴回憶，
但背後意義大到係將我地每個人既關係拉近，變得熟絡！
每次開會，都會花勁多時間傾遊蹤，檢查細節係咪合理@@
就連去DAYCAMP前一日都要特意返學校點算物資做簡報:P
雖然過程係極度消耗精神，但我真係好樂在其中架囉hehe.
記得大家最初知道宿營搞唔成好失望，但王欣怡一句說話，
令到我地十個籌委重新振作，唔會再停留係果個既定事實。
「即使只係日營，我地班搞手都會承諾搞得好好睇睇。」
所以呢個承諾就成為左呢個CAMP既最終同最重要既目標。
結果，憑住我地既決心同埋努力，都成功做到喇B-) 擊掌:$
|
