| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2013 年 12 月 25 日 星期三  |
| 2o13.12.25 |
分類: 章の中學日誌 |
不敢想像一個月前既野仍然係記憶猶新囉haha.
希望就趁住呢段時間可以打番低呢個月既野>__<
不過大前題就係祝願大家聖誕快樂、新年進步！
話說尋晚平安夜同爸爸媽咪係元氣壽司食晚餐，
返屋企途中見到好多帶住聖誕帽既人傳緊福音，
當中有幾位係打扮得好似小天使，有翼既妹妹；
亦有啲年紀老邁，仍然全心全意將上帝既愛傳開，
藉住聖誕既佳節將呢份人與人之間既溫暖分享:D
至於2013年既12月25日同樣係屋企渡過:)
三文魚、海螺、赤貝、馬刀貝、象拔丰、北寄貝、
甜蝦、生蠔、沙律、蒜蓉包、蘑菇粟米湯、羊架:P
單身狀態過聖誕其實有咩問題LOL好孤獨咩-V-
咁樣講絕對唔係因為「吃不到的葡萄是酸」既理論，
只係同成班爸爸媽咪、舅父舅母過都可以好滿足姐:D
配合埋窗邊聖誕樹同牆上柔和既燈飾映襯住就好寧靜:$
我真係好鍾意聖誕節，每年都可以將屋企佈置得好靚！
仍然記得一年前既十二月真係前所未有地辛苦>___<
為左CONCERT真係搏晒命，前晚練到十點先返屋企，
跟住第二朝又話六點出門口去麥當勞傾野都試過:O
當然上年正式演出實在太多瑕疵，諗番轉頭有啲可惜，
如果能夠回到過去，我肯定會早啲開始作準備囉-3-
截至2013年12月25日，已經有三班同學表演左，
每次睇完佢地既CONCERT就會有一大輪既思考XD.
坦白講呢三班同學整體既演出都比我地呢屆既好，
雖然當中4C班唔算好突出，但至少成個流程好順利:)
嘿嘿！以鳳芝BB為首既4D班就好似昔日我地4B咁，
抽番十二月檔期，促使我思量MRS.LAM用咩角色出場。
結果佢換上一身校服，打埋呔，仲著埋條校服裙添:O
仍然記得佢出場果刻全場嘩然，的而且確有啲難以置信，
果刻我回想到上年模仿聖誕老人既佢，將氣氛推至高點！
清唱為賣點，WE ARE YOUNG ACAPELLA好有心思:)
陳睿把聲真係好好聽-V- 比起平時講野真係好大分別囉:$
不過跳舞就唔係好夠喉啦，無把握到某啲環節牽動情緒-V-
至於首班演出既4A雖然簡單，但比我既印象好深刻:D
最初既CUPSONG真係好特別>_< 仲特登上網翻睇*O*
雖然無跳舞、無LIVE BAND，但協調同表演質素好好:)
用黎貫穿成個CONCERT既故事都發展得好清楚haha.
坦白講，最後聽HIGH SCHOOL MUSICAL聽到喊T^T
唔知咩野觸動內心深處haha. 好似睇番上年既自己咁-V-
後段成班同時DUMP地果刻...成個場面就係異常震撼......
最近V.A.堂完成左件FABRIC ART WORK...設計手帕:P
說真的我覺得自己畫果隻多啦A夢同埋大雄真係好得意！
最重要係似嘛@@ 佢地兩個都攤左係地下度訓緊晏教架-V-
先前都P.E.堂都考左踢毽同埋打排球，成績都接近滿分:$
講開排球，話說首年代表黃社出戰就贏得一面金牌喇haha.
雖然說不出咩主將，但話曬都花左唔少時間練習，打上癮*V*
從紅社手上贏多一場之後，就變成黃同綠社既冠軍之戰喇:O
我同RONNIE依然融為一體，後場就係我出戰既時候:)
呢日接一傳都穩定左好多，至少比鐫爺佢地發動攻擊。
我依稀記得每球都打左好多個來回先至可以得分@@
先輸第一局既我地既信心的確有啲動搖，真係好怕輸......
我都唔知最後我地係憑啲咩去換番果份鬥志同信心囉-3-
每次BREAK既時候都係幾句檢討說話，繼而互相鼓勵！
或者呢個正正係排球令人著迷既地方，團體精神既重要性:$
有段時候未輪到我出場，企係長櫈旁邊既我真係好緊張>_<
望住裁判檯上咁貼近既分牌，硬係有種難以言喻既壓逼感，
每當綠社得分我既心跳即刻加快；但當黃社得分就會怒吼:O
事後-___- 聽番個個都話我叫得好恐怖LOL 真有其事？
足足五十分鐘既賽事終於勝負以分，黃社局數二比一奪冠，
跟住RAYMOND大嗌幾句口號又接過金牌，心感滿足:D
今年既社排之路暫告一段落，遲啲得閒要約人去打至得XD.
總不能夠比自己既球技生疏haha. 訓教嚕，各位晚安！
|
| 2013 年 12 月 10 日 星期二 |
| 靈魂 |
分類: 章の中學日誌 |
草埋太多未打，宜家淨係想講PUBLIC SPEAKING:D
岩岩果兩晚都創舉性咁十一點幾就訓著左，好耐未試過！
或者呢排太多野煩、太多野唔想理同記就唯有訓教，
只有呢個方法先至可以令到個腦袋暫停運作啦haha
不過有時訓夠七個鐘絕對唔代表上堂就可以精神奕奕:O
星期一LS堂MR.LIU無返，變相多左兩堂空堂^0^
結果長達1小時20分鐘既連堂就用左黎訓晏教LOL
雖然趴係硬崩崩既檯面，但都可以訓到天昏地暗>__<
結果星期三果晚十一點幾就飛奔左上床訓教haha
原來上課日子訓夠七個幾鐘真係會精神不少架*V*
儘管後面既同學再嘈，對我黎講都唔係啲咩大影響:$
坦白講最初份講稿好快就寫完，但後黎就無了期咁拖。
我自己又唔算好上心，好日都唔會搵MALAMIDIS練，
直到最近先至不停趕，為比賽而比賽咁樣>_< 好差劣...
另一方面佢成日應承話攞份稿番屋企改，最後稿都唔見埋。
每次搵佢練，講完一遍佢就主動約下次可以再去搵佢-__-
評語NICE-V- SLOW DOWN A BIT...我真係好無安全感。
好啦不過以上呢個段落都唔係重點，你當我係用緊反襯:S
記得上年呢啲時候我搵過MS.IP練左好幾次份SPEECH...
但正正因為咁，我今年下定決心搵佢之前有少少擔心>___<
始終佢無再教我，加上聽我講再比評語都花好幾日既時間，
我真係有啲怕加重佢既工作負擔，所以遲遲都冇搵到佢。
直至尋日，我一鼓作氣敲敲教員室到門，請佢出黎啦LOL
我就問佢可唔可以比啲意見我，佢就話「咁遲先搵我...？」
結果三言兩語既情況下就約定今日放學會一會佢XD.
雖然最終我等左差唔多大半個鐘，但都覺得係值得既！
況且校園既夜景，再望住籃球隊練波的確係幾好既享受:)
雖然你一開始話「比賽前夕唔應該更改太多野」，但係呢:P
今夜果個幾鐘既練習，你真係好似盞明燈咁引領住我:D
聽我講完會整體比意見，跟住攞住份稿同我逐句逐句執，
邊句唔自然、讀唔清、要強調，你會不厭其煩咁教我改善:)
有時見我太迷惘仲會即刻上身咁樣親身演繹比我參考:$
其實我真係好鍾意聽MS.IP你讀英文，感覺就係「爽」-V-
PACKED既尾音...SCHOOL既K音...實在太難忘喇hehe.
你仲話我讀英文既問題五年都係無變...成日都扯高左個音...
呢個時候就好似FLASHBACK以前既回憶，一齊傻笑:)
後黎你鼓勵我放慢讀，但意料不到就係超左半分鐘囉@@
MS.IP你即刻手執鉛筆，幫我刪改，真係好感動T__T
我永遠都會記得最後企係黑板前練習果次，你既每個神情，
不知不覺間你已經記得我篇稿既細節，會瞇埋我聽我讀，
有時候又會做口型同動作，我就知道要強調講稿內容B-)
果種安全感好似剎那間出現係我身旁，多左個靈魂咁架`!!
臨走之前我講MS.IP知最初猶豫不決搵唔搵佢既原因，
佢就話我好搞笑，跟住就講笑咁話我搞到佢遲返屋企-3-
要請食飯回報咁話喎@@ 坦白講...兩、三餐我都願意>_<
我宜家真係難以言喻T^T MS.IP`!!! 多謝你哇<3<3<3
最後我祝願自己聽日可以發揮番今晚所吸引既東西，
表現得淋漓盡致，當然最好就爭一席位報答MS.IP`!!
|
« | 14 | 15 | 16 | 17 | 18 | 19 | 20 | 21 | 22 | 23 | ... | 214 | »
|
