各位新年快樂，身體健康，每日都可以感受到真正既快樂！只係覺得一年既時間過得太快，我吾係要好壯觀甘打啲咩回憶錄，但好簡單甘望番轉頭，原來呢年有千千萬萬段經歷，呢堆情感就好似倒翻左既調味醬架甘。不過最重要既都係珍惜每次歡悅既時間，同時都吾可以比負面既情緒蓋過一切。
我真係再揾唔到白天既空餘時間寫低自己既點點滴滴，唯有犧牲啲訓教時間將呢千幾字按筆劃打落電話到，等待聽日再斷由至電腦上傳啦！但話說因為甘我成個假期好似無日夠訓甘。
先寫一個月前有多既追星事件。話說學校吾知點樣得到林丹分享會既門券，鍾太宣佈完我就二話不說報名，仍然記得果日係學校EARLY LEAVE 細半隊校隊人馬出發去香港仔。初初到埗果時依稀記得主辦機構既司儀同全場學生綵排，比如數完三聲要用普通話大聲讀出「林丹你真棒」，不過最後我漠視呢啲指示，並不代表我吾欣賞佢，只係成個安排過分造作，簡單啲講就係好假。直到佢步入會場，閃光燈不停投射四周既同時，我都投入鼓掌，難得吾需要再隔住電視螢幕就見到佢。說真的林丹個子幾高，頭髮短得接近平頭，但果種懾人既氣勢實在太CHARMING喇。
其後聽佢既分享有啲吃力，始終國語對我黎講就真係吾簡單。慶幸先前都睇過佢本自傳，估吾到衝動火爆既佢曾經被教練趕出國家隊，更加因為發脾氣而掟爛左幾多塊球拍。我比較享受睇林丹點樣描述同恩師湯仙虎同李宗偉既關係，我曾經係書中見到吾少有意思既句子，有時睇番都幾振奮人心架。
但最令人興奮就係我地有幸被抽中上台同林丹合照，聽到果刻我地真係高分貝甘尖叫左出黎，話曬可以有甘近距離既接觸，實實在在既林丹就在你面前，吾激動就奇怪啦！心滿意足影完相仲同到佢握手*V* 天啊這可不是做夢，我真係有刻傻到甘唸不如呢晚吾沖涼...我相信呢段會係好難忘既回憶。
講開羽毛球就吾差在寫番十一月廿二日既社際羽毛球比賽。賽制漏洞同本人吞聲受氣既情況數之不盡，但呢啲負面既事情絕對吾係焦點，而焦點係儘管呢年羽毛球仍未列入婦女會杯既比賽之中 黃社依然輕鬆取勝。十場比賽中贏左九場，贏得掌聲、贏得獎品，更加贏得兩位社長全程坐係場邊打氣支持。係喇最後TOPAZ精英果張相影得都吾錯架！
初賽我同HENRY夾雙打對RUBY；決賽就變左我單打出戰藍社HOME DRAGON 。信心肯定吾會缺少，大家同為羽毛球隊，理應清楚彼此技術同強弱點。記得當中有吾少分都係後場吊斜線得分，當然有扣殺啦！尾段因為乘勝追擊再要押出自己把聲呼叫，氣勢當然係嗌番黎既。最後完場握手再次感受到比賽只係其次既道理，由DRAGON加入校隊就睇住佢進步，上場比賽會抱著信心，即使落後緊都吾再好似以前甘易放棄，坦白講我欣賞佢既鬥志。
後來聽到吾少人讚我呢場單打好波同好型，真係有啲飄飄然既感覺！接著果場同樣精彩就係HENRY夾RONNIE對PACO同GORDAN比分幾緊湊，雙方平均實力接近，我真係睇得太入神，最終我地連續取埋第八局既勝仗。
我記得呢兩年社羽最觸動到我就係正式比賽完晒校隊內私底下挑機既時候。同卓裕、PACO同KLYE輪流轉拍擋打雙打好爽！果種「爽」我吾係好識用筆墨刻劃出黎，但我唸呢種「爽」係源於我地四個因為羽毛球而相識，因為羽毛球而見到對方進步，因為羽毛球而體驗到一球打左幾十個來回同拼命追波既滋味，因為羽毛球而享受到比賽一決高下既快感拉......
幾鍾意宜家個簡簡單單既背景-V- 多啦A夢同大雄訓係草地真係好靚:D 好嚕，查實呢刻就四點鐘，我怕再對住電話不停禁聽日會訓到太陽落山。晚安XOX
|
