其實都係岩岩返到屋企冇耐，係電池耗盡前打埋先:)

首先祝大家中秋節快樂，人月兩團圓啦，嘿嘿XD.

雙黃白蓮蓉、冰皮月餅、奶黃月餅全部都好好味-V-

話說個月亮真係好令<3 今年好似特別光咁樣(?)

有段時間仲同澄澄汛汛落樓下玩添啊，好開心^0^

印象中好似一直以黎中秋節都係同成班屋企人過，

當然未必有同成班FRIENDS一齊咁精彩啦haha.

但呢年繼續選擇唔出去既原因係冇咩心情，唔多想玩...

呢個星期終於KO左中文份SBA同埋CHEM TEST，

目前除左功課同溫書之外剩番英文果個SBA PREP炸*V*

講番今日個TEST-V- 冇咩信心啦，始終溫得唔熟@@

其實都係CHUR左兩日，短時間將大量資料硬塞入腦:S

我要好好把握呢三日既假期睇番多少少TEXTBOOKS><

呢日練波盧諾晞都有黎，加埋CHLOE同埋RONNIE-V-

輪住夾雙打真係好爽，每場個戰況都好激烈，比分好緊湊:)

有時比對方連續殺左幾球，咁岩我地又可以成功回番過去...

有時就會同一球猜左十幾廿板，雙方都咬牙切齒咁添haha.

下個月開始又係學界比賽喇，所以目前隊內都打緊排名賽:P

當自己贏足三場果刻好有KING OF THE WORLD感覺:$

黎緊又要繼續煩PG果堆接腫而黎既問題...沒完沒了想點？

平息一個風波之後又有另一個，我真係唔知自己捱到幾耐，

四個字可以形容晒，禍不單行，可唔可以放過我呀X___X

哎訓醒一教先算>__< 晚安喇，希望聽日唔會五點先起身:O

睇黎短期內都應該冇咩時間可以休息架喇-__-

開左學咁耐今日係首日唔需要晨雞咁早起身:O

原來上星期個LEADERSHIP DAYCAMP、

今個星期一連串而困擾既PG CAMP問題、

仲有尋日既PREFECTS迎新日都等住我打:$

但下星期開始既中、英文SBA，CHEM TEST，

全部都需要一定既進度XOX 唯有祝自己好運-V-

呢年猶豫完又報名參加左PUBLIC SPEAKING...

題目係有關OVERPOPULATION...其實我怕份稿悶！

但既然MALAMIDIS講到會幫手就姑且信下佢啦:P

黎緊又要寫稿、跟住又要練@@ 天啊...肯定好快崩潰:O

前日再去印牙模，最辛苦係果啲硬既儀器頂住牙肉，

其實只要佢地細心啲，顧下我既感受會舒服得多囉-3-

跟住印下面果排果時啲膠就苦既，坦白講好難頂>__<

雖然宜家正面睇啲牙好齊，效果極理想，但精益求精，

先至決定再加做幾套，主力整番好右邊尾二果隻大牙:S

係啦我唔太鍾意B WEEK淨係第二堂上得一堂PE囉！

姐係已經唔願走動架喇，跟住活動左陣已經出到成身汗，

跟住啲汗味啊，任何數得出既核特野就痴足成日，救命:O

加上呢年要同另外一班一齊上，冇得再係男女打成一片，

好唔習慣呢日去到更衣室連針都插唔入、嘈到街市咁；

好唔習慣平時我地一人用幾個鈎掛衫，宜家要慳住用；

好唔習慣做熱身跑圈好似放狗咁，同時間有七十隻疾跑。

上星期日有史以黎開左個長達八個鐘頭既會議囉，變態:O

我同CKP事先掃左啲零食、糖果同埋啲朱古力咁啦XD.

因為開咁耐會真係會辛苦，冇啲野食下真係訓著都似-__-

花左兩個鐘左右終於FINALIZE好破冰PARTY既野:$

包括試有氣球果個GAME...ALISON即刻彈到九里遠囉-V-

跟住我同阿MAY攞住個波，不停咁做古古怪怪既動作，

隻手同埋腳就好似失控咁亂咁FING-__- 兩位派膠組成員。

但最好笑都係CKP本想踩爆個波，但變相係踩到佢漏氣，

跟住成個氣球就頹晒咁樣，成班COM都笑都想死囉XD.

每次傾親遊蹤都會塞係度，硬係覺得永遠都冇結論咁:S

要歸納晒咁多人既意見再MODIFY真係件好難既事黎>_<

慶幸最後轉傾集體遊戲個進度都尚算可以，同樣好瘋狂:P

話說我地試玩個熱身遊戲果陣時需要爭張櫈仔坐啦haha.

跟住我地會諗到個好賤既名，仲有好賤既規則FAKE人，

無時無刻都秉承住「沒有最賤，只有更賤」既思考模式:$

最樣衰既就係我搶櫈果陣時竟然坐低不足一秒之後呢-__-

連人帶櫈咁跌左落地，跟住其餘七個人就指住我黎恥笑:O

好啦都唔知點解會咁-3- 呢日所有膠野全部錄底晒喇-__-

加加埋埋十幾段，無無聊聊攞上黎睇都可以笑餐死XD.

努力溫書練琴備課準備SBA-V- 這就是人生...苦悶的人生...