從來未試過九月開學頭個禮拜可以忙到咁樣@@

功課溫書開會去CAMP練琴全部都要好多時間XOX

有時PG同埋PREFECTS既文件仲要漏夜打>__<

講開PREFECTS...有日放學開左三個鐘會好頹，

成個人好似跌WATT咁樣，簡直係腦閉塞感覺囉:P

但咁岩果日有四社既中一迎新日，清楚聽到啲口號，

我同BREAD仲特登落左幾層大大聲聲嗌TOPAZ！

果種感覺好正，有連成一線既感覺，陸運要發光發熱。

個睡眠模式接近崩潰，二日返學都學校三點幾訓。

當然返到學校有啲堂數開始敵不過睡魔既誘惑喇:O

好容易就會不自覺咁攞住枝筆咪埋左眼，零知覺。

跟住坐親巴士係冇咩人既情況下就會好自然訓著左:P

尋日周會段VIDEO終於出街，真係有啲想搵窿捐...

但聽到咁多笑聲，證明大家有認真睇-__- 自我安慰？

最初去到後台RICKY問我幾耐冇練過首校歌啦@@

我話自從上次周會彈過之後-3- 原來佢都係haha.

結果我就嘗試衝破陰影，為呢個年度首次周會伴琴！

記得中二果年我係炒到無地自容，自此就好驚喇:S

不過呢日都有粒音撞左，我同RICKY暗暗一笑:O

衝上雲霄同埋溏心風暴都大結局左，唔洗成日追劇:$

有時候HAPPY ENDING未嘗唔係件好事黎丫...

最後果幕講張智霖轉番揸戰機就真係...有點兒無奈-__-

聽講黎緊會開電影版，期待係銀幕前再見呢個組合！

衝上雲霄續集雖然感情線錯綜複雜，但好SWEET！

臨尾果幾集講到阿SAM對HOLIDAY果種態度，

我真係有刻想衝入電視果到打扁佢，點解可以咁蠢-3-

最後架機好多操作失控，面臨衝落海果刻真係好緊張，

一家三口坐係電視機既前面，眼定定咁睇實畫面，

就連呼吸都好似暫時停止，不過好彩最後都化險為夷:)

見到SAM同HOLIDAY生死徘徊後一齊番好開心^0^

我有時都會問自己，唔知道臨死果刻個腦會諗咩架呢？

成日都會聽到人講咩迴光反照，死後又會係點樣@@

以前細個成日都會諗，但自從有左活左當下呢個概念，

我好似漸漸放低左呢個問題，唔會刻意去探究啦，

不過有時慢慢成長，開始會為呢啲...事情要畫上問號。

正式上課左一個星期左右，其實就同上年差唔多既，

只不過CHEM繼續落後，因為個基礎打得太唔穩，

要係一個星期內追回六課進度再測驗真係好有難度。

有時候望住本書就好無助，成個感覺就係自修呢科咁...

至於LS既MR.LIU，出乎意料地比想像中既理想*O*

有時人不可以貌相，原來佢讀英文都幾流暢架啵haha.

呢個年度再次有番上LS既感覺，因為不再空虛同自娛，

每堂雖然佢教既技巧唔算多，但有時啲觀點真係幾獨到，

同埋佢會講好多額外既野比我地知，將黑板寫得滿滿既。

宜家我只係希望佢盡快派番IES同唔好比咁低分囉-3-

記得我中一開學日我完全唔知路向行左入有蓋操場-__-

跟住就好白痴咁問個高年級同學1A條隊係邊度啦-__-

佢指住出面，笑言咁指示左我，好樣衰咁繼續搵喇-__-

我永遠都唔會唔記得呢日-V- 嘿年年S.1都好準時排隊，

雖然未打鐘，但大家都好有意識咁企左五條隊伍出黎:O

跟住早會開始訓導當然會讚呢班新生有自覺性啦LOL

每班既班主任隨後都落左黎操場見番自己班學生，

唯獨MR.WONG遲遲都未黎，唔知點解有啲期待。

後黎上班房離遠見到MRS.LAM帶緊佢今年班4D，

有種莫名奇妙既感覺，其實係未習慣定係我羨慕？

尋日佢係樓梯見到我就比左疊簿叫我攞去佢班房，

因為知道佢咁問係因為怕攞咁多野行樓梯危險啦，

所以佢咁樣都唔覺得出奇，反而有種親切既感覺:$

但坦白講我突然分唔清邊個先至係我既班主任>__<

當然不忘本年度既班主任MR.WONG，成個人就好有趣。

雖然脫離訓導既佢唔夠MRS.LAM咁細心留意學生需要，

但望住佢唔會有果種咁恐懼既感覺，或者唔夠霸氣啦:$

MRS.LAM唔同既係就算對住班主任，始終都有啲忌諱。

佢開學頭兩日啲空檔時間真係好悽慘，搵唔到話題講，

就算搵到，都係一句起兩句止，似乎大家都尚未習慣。

班會亦都閃電式咁選左喇，能夠閃電係因為架構冇變@@

但其實PINKY同我都想辭退，始終呢年負責既野太多！

不過其餘成員都坦言話冇所謂，我地又唔好意思推托......

果日放學MRS.LAM知道我地冇變都表現得幾滿意LOL

上星期特意買左支葡萄適上Y.Y.LAM暑假最後一堂。

不經不覺每個星期見佢一次呢個習慣維持左成年，

驀然回首都放左唔少有關文化、佳詞同技巧落袋，

當然最希望就係未來既日子入面能夠學以致用，加油！

每個課程最後一堂Y.Y.LAM依舊會講啲肺腑之言啦@@

呢次都唔例外，我想引番佢講既說話，好INSPIRING。

知識改變命運。如果你失敗過，那請你站起來。

如果你未失敗，那請你想清楚是否承受得到最壞的結局。

不可以的話，請努力當下。努力過後的問心無愧，

不論是何種結局，都不會讓人看得低。

距離以中五生返第一日學既時間仲有唔夠六個鐘，

頭先睇到個POST話暑假最後果日梗係通頂@@

呢個提議唔錯，反正好耐未試過，聽多陣歌先算:P

暑假最後一日過得好充實:$ 正確啲黎講係玩啲好充實:)

果三篇中文長文同兩課閱讀理解就姑且再擱置下先啦:O

今日真係睇戲買鞋飲茶去迪士尼直落，由朝玩得黑XD.

《激戰》原來係講搏擊，將打鬥場面同笑點集於一身。

我幾鍾意個劇本，寫到個男主角跟張家輝既學藝過程，

同時又令張家輝重拾自我，個主題強調堅持同信念(Y)

仲有部分係講張家輝搬左去同個叫小丹兩母子住板間房，

果段關係溫馨，好細膩動人，仲有就係個妹妹演得好自然！

難怪既李馨巧係最近一個頒獎禮憑呢套劇攞到最佳女演員:O

其實我覺得如果唔太怕有啲場面血腥既話都可以去睇B-)

慶幸呢日係迪士尼逗留果幾個鐘都放晴，曬紅總比落雨好:P

今日玩左大約六個遊樂設施，當中有四個好想寫下既-V-

反斗大本營個沖天飛車，簡單黎講係海盜船既昇華版囉@@

因為果個拋密線幅度好犀利，架車個行駛速度又快成倍:D

跟住我同媽咪仲坐係架車度，舉起雙手體會離心力喇^0^

灰熊山谷過山車，最初見到身高限制係1.1米諗住普通，

但原因搭過一次之後就會好回味果種快感XD. 爽到呢*V*

早兩次黎到都只係見到好多路軌，事先又唔清楚條路線，

結果就換黎好大驚喜，倒轉行同最後直衝果刻簡直係巔峰！

同樣就係全程舉晒手咁樣，真係差啲連人都企埋起身叫好:$

就算玩厭左，呢兩個機動遊戲都會係每次必玩既不二之選:P

另外果兩個就係大家都耳熟能詳既小小世界同米奇幻想曲:)

每次聽到世界真細小呢首歌就好親切，好想唱埋一份@@

跟住搭緊船就會好想同埋果啲有造型既公仔一齊跳舞...

最後見到果個白色國度，其實係咪HEAVEN就會崩潰，

因為坐係船上果幾分鐘真係會好投入落去周圍既事物到，

而腦海中不停LOOP緊果首歌真係能夠牽動我既情緒>_<

所以正面形容心情既形容詞都即刻BABA聲咁湧晒出黎:D

至於米奇幻想曲真係熟到由尾背番上黎都冇問題架喇LOL

我心入面有個問題：點解唔設計多個故事？場場一樣會悶。

不過都冇咩所謂，因為每次睇阿拉丁果段都係咁鍾意既@@

由雲中垂直俯衝至城鎮，任由啲風不停咁打落自己塊面到，

自由自在係天空翱翔，加埋晒咁浪漫既背景音樂...天啊:$

I LOVE THIS WORLD OF FANTASY SO MUCH`!!!!!

好耐冇提過我果啲BB喇，宜家個個都好痴我架，自豪:$

又要搵我玩、又要我抱、又要騎膊馬、又要拖住行haha.

我真係覺得聽話同可愛既小朋友係可以帶比我地好多歡樂，

同時亦會幫我地分憂唔少煩惱，每次見到佢地笑就好開心:D

佢兩個學野好快，細佬兩歲已經識好多英文字，比個叻你地！

嘿家姐澄澄其實真係好錫細佬汛汛，即使大兩年都好識禮讓:)

只可惜細佬有時同家姐搶野玩會出手打人，結果當然捱鬧@@

但當你見到佢果個無敵笑容既時候你就會有刻覺得鬧唔落>_<

點都好啦，能夠見證同埋陪伴佢地成長的確好令人安慰架^0^

哈有時真係覺得自己PLAY HARDER THAN WORK...

我有時幾羨慕有啲家庭會將星期日設做FAMILY DAY:O

其實我地硬係用「忙」做藉口，有幾可真係可以玩咁盡-3-

坦白講其實普普通通行街，心平氣和咁傾計我都已經滿足:)

我應承過自己唔再因為班主任、LS同PE既事失望，

應承過自己呢年個學習態度要有所改變，希望做得到！

新學年，新既班主任，新既學習方式，新既開始:)

Just when the caterpillar thought the world was over,

it became a BUTTERFLY in the sky`!!!