呢件事個衝擊未免太突然，太大喇，好難接受:O
我相信MRS.LAM都唔希望我地會諗得太過偏激-__-
但除左FUCKING ADMINISTRATIVE DECISION...
我真係...真係諗唔到有另一個更貼切既PHRASE囉。
坦白講知道邊個作出咁既安排既我真係好想打爆佢個頭:@
七月十七日，幫手見下年有機會被提名參加港島既傑生，
當然不忘恭喜經過幾輪激戰後脫穎而出既同學，加油`!!
但出乎意料既係我竟然要拖住如此沉重既腳步離開學校，
英文下學期有級名次第二又如何，三科主科進步左又如何，
根本呢一切一切所謂既「好消息」都不足以彌補XOX
最初返到學校，會因為可以傾計同埋講PG事務而覺得開心，
會因為聽到MR.HUNG親口讚幅夕陽相影得好而開心，
會因為MR.HUNG一臉認真咁教我下次可以點樣改善而開心，
會因為呢日擔當MC淡定左同順利，只係讀錯幾個字而開心，
會因為見到每級既最後班別上台講感言而感到異常開心，
更會因為諗到陣間就可以周圍捉人影相而開心，太完美喇......
捧住試卷返到班房，室內既氣氛比預期同平常靜，靜得恐怖。
但果刻我誓都想像唔到原來黑夜即將降臨，但我地仲好雀躍，
全班同學收晒成績表，無論成績點都好合作咁調位待派卷，
我地再將壁報板上既底紙撕落黎，比同學寫封給自己的信@@
跟住再將三十八張紙條放係時間錦囊到，等待年半後解封。
最後仲提到請公司訂購印有MRS.LAM個卡通樣既襟章，
目的就係希望我地件班TEE上半身既位置都唔會咁單調，
事情發展到呢度本應唔錯，但隨之而黎既係十分鐘悲泣。
話說MRS.LAM攞住呢年將裝住成班同學既罰款既錢箱:O
講完有三百幾蚊之後就話下年我地遲到欠交唔洗再罰錢...
我默默地坐係位，反覆思量呢句說話背後究竟有咩意思。
隨後，就聽到一句「下年新既班主任唔會再收你地錢」，
呢刻我根本仲未黎得切反應，身邊既同學宜家「吓」完，
直到MRS.LAM再揭盅下年由WWK接手既時候-___-
另一輪既驚訝又湧埋黎，退出訓導組既佢就要執我地班。
同樣，我依然沉默咁坐係位，我有刻唔相信自己既聽覺。
依稀記得學期初既時候MRS.LAM開宗明義同我地班講過，
學校既安排冇絕對，我未必跟到你上中六睇你地考DSE。
似乎，我早已將佢呢番咁有隱含意味既說話拋諸腦後喇:S
學校最後既調動，將我地級BCE三班班主任都調走左。
就算返到屋企沖緊涼仍然係耿耿於懷，仍然未接受得到。
我知道我既身份冇資格話接唔接受，因為改變唔到既事。
但面對住突如其來既轉變，有冇人可以教我點樣調整同適應？
停留呢件事上對自己冇好處，但諗親就喊到收唔到聲T^T
好耐未試過喊得咁悽涼，坐係企缸痛哭，係課室不停抽泣...
我從來都唔係因為係數學WWK接手做我地班主任而傷心，
因為我相信我地B班可以做到MRS.LAM所講既自覺性，
唔需要MR.WONG操心，我地可以證明比佢睇我地有能力。
正如佢曾經讚過我地班係佢三十幾年黎唯一一班唔洗操心既，
指既係從來唔需要為行為同成績問題而要聯絡家長溝通>__<
雖然MRS.LAM後年退休，就算冇比人調都係教多我地一年，
但我敢講相處多年個關係同感情已經可以有好大既差別......
只不過係一年，真係比多MRS.LAM一年我地班都唔得？
真係比MRS.LAM見證我地多一年既成長都唔得咩？
我腦海回帶咁，諗番呢年同MRS.LAM同成班既情境@@
上學期MRS.LAM因為病假已經見少佢兩個月咁多，
記得佢重返校園果日我地廢盡心機可以截停佢haha.
由教員室到課室途中每隔段路就有同學獻紙摺花:$
最後加加埋埋變左一紮名副其實色彩豔麗既康乃馨:D
盛事CLASS CON:O 有時係電話同佢講開呢樣既時候，
佢比意見既時間仲多過我報告既時間，的確好窩心！
每件事，無論宣傳稿定係司儀都先旨聲明要執英文，
會主動以聖誕老人裝扮出場既老師，我相信只有妳:)
緊接住就係CLASS CHRISTMAS PARTY喇>__<
成班同學係SAC圍成圈圈，聽鬼故講是非影團體相，
由操場同身處五樓既MRS.LAM互傳I LOVE YOU:)
果刻我真係天真到呢個親密的約定三年後都依舊無變。
我真係有刻覺得我地4B係佢領導之下係最幸福既一班。
班際籃球，物質作為鼓勵，從來唔計劃果啲錢銀問題，
豪爽咁樣話請你地買野飲，買野食，點解要對我地咁好？
去到LIFE WIDE LEARNING DAY同孔老師玩埋一份，
每個遊戲都好投入，打成一片，試問有幾多老師真係咁......
我真係好後悔，先前開會所討論既好幾樣來年大計，
下年MRS.LAM再唔係以班主任身份見證呢啲時刻喇T.T
諗到呢度眼眶不禁湧出淚水，檯面上既淚珠淺而可見。
MRS.LAM見到我地咁，無奈地講左句「你地唔好咁啦」，
就攞埋佢每日隨身攜帶既手巾仔出黎，行左出課室，
返到黎講埋最後幾句說話，對於我黎講無疑係更催淚...
「我應承你地DSE完左搞得成畢業營既話會去，
係帶埋我所保存既果個時間囊一齊去解封。」
「你地可唔可以應承我就算你地中六果陣我退左休，
GRAD. DINNER既時候都邀請我返黎一齊慶祝？」
一條又一條既問題，我地同樣都係默默地點頭作答覆。
早啲出左街，果幾個鐘我不停問自己究竟我喊咩@@
我曾經懷疑過自己反應係咪過大，但原來都唔係-__-
RITA`RAYMOND同VANNESS都係喊到眼腫腫咁。
我諗喊既原因好簡單啦，或者兩個字講到，不捨。
或者好多人都覺得你嚴肅，坦白講我有時都覺>_<
特別係教書既時候你真係判若兩人，令人有啲畏懼，
但其實你對我地態度點樣，出發點無非想我地好，
等大家既時候唔需要行冤枉路，因為錯誤決定而後悔，
唔捨得一個無時無刻都尊重同支持我地夢想既班主任；
唔捨得一個經常提醒我地對未來應有既態度既班主任；
唔捨得一個對疼愛B班，會為我地受到不公而企出黎，
每日都好似家中既母親咁對我地呵護有加既班主任。
MRS.LAM WE LOVE YOU SO MUCH SO MUCH`!!
天空不似預期，但要走，總要飛。
當世事再沒完美，可遠在歲月如歌中找你。
我絕對明白呢個世界從來都唔存在「絕對」兩字，
每件事從來都唔會按照我地所期望咁樣發展，
有始，亦會有終，只係個終黎得太快、太突然？
呢啲道理，我相信每個人都識講，但做係另一回事。
問題係我根本唔知道自己要幾耐先接受到個真相。
似乎早啲落既果場大雨，都係因為憐憫我地班？
此時此刻咁混雜既心情，又有邊個能夠真正明白到？ |
