今朝雖然較晒鬧鐘@@ 但不停延遲延遲haha.

結果係張床上面攤左好耐，懶洋洋咁好悠閒囉:P

真係好鍾意望住啲公仔，跟住隻手就抱住個摟枕:P

返到學校練羽毛球打左三個幾鐘，都幾TOUGH:$

但能夠同盧諾晞再次合作，搵番以前夾果啲默契，

真係好溫暖:$ 同佢夾好有安全感架囉真係hehe.

就算果球既質素幾唔好，佢都想盡辦法幫我擋XD.

我地練波果陣時仲特登搵一個不停殺，一個挑波，

因為只有練好啲殺波我地兩個既實力先會再上層樓！

好耐未試過殺得咁爽，有呢啲隊友你話幾好呢^0^

晏咒係小西灣迎戰漢華，最初見到佢地猜波心知不妙，

但原來出黎個結果都唔係話真係好懸殊@@ 過得去啦...

雖然最後總局數輸三比一之後真係有段時間好可惜，

最後咩野心情都冇，波都唔想打，直接返左屋企；

開心既係我同盧諾晞場雙打怒炒對方廿一比六添:P

我地兩個開局真係食住個勢，曾經連洗對方十分添！

中段開始就用啲兇狠既目光，霸氣既叫聲穩奪呢局:D

我同佢仲癲到打完呢場即刻衝左出去合照留念haha.

可惜其餘每場局數既比分都好貼近，幾分之差-__-

陸運會每年四社聚首一堂，不停角力同比拼，

而且仲會揭示婦女會杯既成績走勢，太重要喇XD.

如果你問我對今年黃社有幾大信心，攞到幾多項殊榮，

或者我會答「冇咩信心」，始終...喚醒沉睡既龍絕非易事，

但今年確係多番幾位運動方面有潛力既中一同學@@

或者我畢業後幾年TOPAZ會再次興盛，成為四社一哥。

九龍灣運動場，應該六年前既小學運動會黎過，幾親切:$

其實除左地點太遠呢個問題，我較為鍾意呢個場地囉XD.

每社既所屬看台範圍細左，社員吶喊既時候都聚集到一齊，

主通道同比賽通道有草坪相隔，同學又可以倚住欄杆打氣，

對比起以往四年都只可以係觀眾席，始終都係有啲失色既:)

朝早同HANGCHIT`LILY`BREAD`FION食個靚早餐-V-

咁先至有力氣跑步嘛，但個代價就係六點未夠就要起身-__-

言歸正傳，上星期日夜晚打完幾個鐘羽毛球有啲肌肉酸痛，

再加上心理問題，緊張到我熱身果陣時連腳都抬唔起XOX

說好的一百米初賽，同組勁敵係NOK LEE同KENNY-V-

我已經閉氣十幾秒，希望可以用同一道氣跑足呢段路程啦@@

點知中段開始比佢地兩個拋離，最終只能以第三名衝線>_<

其實呢個結果都係預期之內啦，我點可能超越佢地兩個丫-V-

出乎意料地跑完呢一百米連喘氣都冇，平時肯定扯晒蝦LOL

返到看台繼續觀賞比賽，留意到個無解而幾有趣既情況*O*

有啲中一既同學跑跑下會甩鞋，跟住就又手攞住咁繼續跑:O

另外都有好幾位黃社社員起步就趴左係賽道到，強調好幾個，

當中有啲會反應好快即時彈起身，窮追猛打好有體育精神；

相反都有啲係抱住求求其其既心態半跑半行咁到達終點......

晏啲望望釘左係展板上面既成績，心中有啲驚訝但無奈@@

我跑百米既速度同上年最佳時間一樣，跑13"18囉+__+

證明陸運之前肯練跑，訓練爆炸力係絕對會有幫助架囉-3-

但呢個成績咁岩賦予我以小組賽第六名既身份晉身決賽-__-

同時決賽要面臨既勁敵更恐怖...仲要加埋我先得兩個黃社，

我都希望自己聽日可以放低包袱，將拋離既距離收窄就好！

食飯之前仲上演左場畢業班同老師既接力項目，好精彩^0^

全場同學加老師都注目，為自己支持既隊伍打氣，好緊湊:P

我果刻不停諗下年企上頒獎台最高位置既會唔會係我地6B:)

我好憎食呢啲供應商既飯盒-__- 我下年情願咬三文治@@

之後影相實在太瘋狂，RITA唔只要搶住VICKY部機，

仲好暴力咁樣整跌我副眼鏡，呢個咁核特既時刻再次被捕捉...

話說RICKY副藍社吉祥物眼鏡幾型:P 合照GOGOGO`!!

慶幸200米同100米既賽事相隔半日，肌肉都可以休息，

食完飯冇幾耐又要集合出征喇-V- 但其實我真係好緊張XOX

或者飯氣攻心啦，坐係看台等開始果時眼訓到不停打喊爐...

企係起跑果度望去終點好遙遠，二百米對我黎講係長跑-__-

唐景陽跑內圈，而我終於脫離跑外圈既厄運，變第五線道！

我有時都幾唔鍾意場邊既工作人員好唔專業囉，有啲影響。

永遠學界啲標準都係SET完之後第三秒先至嗶架嘛@@

以往可以用個心數住，但宜家佢地次次都隨心所欲咁嗶，

起步連彈出去果刻都唔敢:O 始終偷步係要面臨被DQ的-W-

轉彎前領先，轉彎後比唐景陽追過，最後輸佢幾個身位+_+

永遠都係去到最後六十米左右就腳軟軟，跳過去終點咁>_<

第二名衝線後成個人頹晒，企係場邊斷氣咁>_< 好辛苦`!!

轉個頭已經公佈左決賽名單-V- 話說我初賽成績係28秒，

但上年最輝煌係廿七秒四幾@@ 天啊...點先可以快成秒？

勉勉強強以第七名晉身決賽XOX 究竟係好事定壞事？

或者入到100同200米決賽係件值得慶賀既事黎啦@@

但我兩項都係勉強晉級，到時落後跑包尾既就真係-__-

絕對唔係幫緊黃社爭光囉好冇@@ 我好想踢走壓力架>_<

嗚啊T^T每次諗到起跑線上身邊有七個勁旅就驚驚`!!

加上全社既人就會將焦點放係阿KING同埋我到XOX

重頭戲４x400米接力，向來都唔係黃社稱王既項目黎...

見到啲同學又唔多願意嗌，有啲仲翹住手UNUN腳咁，

現場只有PHOEBE擔大旗，我就同COM一齊炒氣氛`!!

企左係座位之間，不停做晒手勢叫大家企起身落力啲嗌，

果刻完完全全發現自己把聲唔再屬於我，難聽到個點囉...

的確異常大聲、異常落力>__< 為既只係希望帶動大家:)

或者佢地見到我咁激動咁喪心病狂-V- 都附和左陣XD.

好滿足:$ 將社員凝聚埋，為出賽既跑手加油，太興奮:D

最後冇記錯都只係得男甲同埋女乙贏左亞軍:O 恭喜B-)

宣佈四社暫時分數果時，我地每個人都洗耳恭聽haha.

結果紅社暫時以一分之差壓倒四百八十幾分既綠社@@

嘿黃社得425分，其實呢個號碼好有意義:P 好兆頭？

RAYMOND都係講番啲唔好氣餒，有得追既說話啦:O

唔知點解我又係好肉緊>_< 粗豪咁話差幾十分追到架！

最後依舊叫口號:O 我已經懶理自己果把撕裂既聲音...

嗌到TOPAZ果刻我又係激動到有啲想流液咁...噢T^T

放聲大嗌既結果就係兩粒喉糖都唔夠用-V- 把聲拆晒:S

聽日兩項短跑決賽相隔不足一個鐘，肯定會無力囉@@

跑完長途二百米再接一百米，今次真係...大隻鑊喇>_<

食完飯就社際接力同埋班際接力連住@@ 四場賽事+_+

真係忙到想坐陣都難@@ 拜託...我好想跑個滿意既成績:)

所以，無論係自己定係成個TOPAZ都要繼續努力啊`!!

宜家呢把聲...沙啞到極點@@ 完完全全係撕裂咁-V-

今日陸運嗌得過左火位LOL 搞到宜家豆沙喉...

拜託聽朝起身既時候唔好再咁痛喇@@ 嗚嗚T^T

難得有假期當然追番啲QOOZA啦-V- 真係幾賣命:$

份ENGLISH SPEAKING份稿就差少少部分改好，

仲有個比賽要撰文-__- 但都唔明點解啲題目咁難寫...

當然不忘溫書，早前三科個測驗既成績都不堪入目，

就連ECON呢科都已經比其他同學學慢左成課囉:O

尋日PG開完會投埋票...終於決定會去突破青年村啦-V-

坦白講康樂設施多少都冇咩關係，自由活動唔算多，

同時突破我又未去過，環境清幽，仲比北潭涌平添:$

噢，CAMPSITE呢件事可以正式告一段落嚕hehe.

未來既日子都係繼續準備當中既活動同遊戲就可以^0^

對比上年真係鬆動好多，始終都係下年四月既事黎嘛:D

上星期五考完BIO仲特登開左個會傾啲集體遊戲添@@

最初我同CKP都話係短會，傾完每個遊戲目的就散...

但唔知點解最後可以兩個鐘將四個遊戲既內容定好左-V-

或者大家要處於趕住走既狀態先可以激發個腦既靈感！

其實放學咁開會都唔係真係咁CHUR姐反正有笑點，

咩SPIDER MAN,,SPIDER MAN...跌落屎坑攞你命-_-

星期六理工大學開放日，同爸爸媽咪逗留左段時間，

主要都係睇下間學校提供咩學系同埋校舍如何啦@@

不過我個人對紅磚設計不太感興趣，同埋太現代化，

我比較鍾意腦海中想像既大學環境，世外桃源感覺，

最好就有塊大草坪比我訓係上面溫書或者閉目養神:)

坦白講收生唔算高，當然我自己理應AIM HIGHER！

職業治療冷門得黎起薪點高，但唯獨我對儀器冇興趣...

視光學、土木工程、物理治療呢啲更加係唔洗講啦-W-

商業管理、市場學同英國語文呢三科都列入考慮名單，

當初我見到有關酒店管理同旅遊既課程就係蠢蠢欲動，

正如中四簡科諗過THS個情況咁，輕鬆之餘好有興趣！

況且收生又唔算高，理大又有間自資既酒店比學生實習，

無論係FRONTDESK`F&B定ADMIN都可以嘗試>_<

但媽咪講到有個專業既學位對自己始終都有利啲啦@@

或者用「九優狀元揸巴士」作例子...有能力固然冇問題，

到時做厭個專科先至向興趣同埋夢想進發都未遲丫:O

始終酒店管理呢啲課程出路窄，想轉行既機會都好難...

如果有條件(成績好)，更加應該將眼光放遠啲啦*O*

另外放射治療都幾有趣，講點樣用射線去殺啲癌細胞，

望住咁高科技既東西覺得幾得意，但冇28分唔洗諗，

呢日既理工之行或者令到自己更加清楚個目標係點樣，

同時都係提醒自己係時候發奮讀書既契機啦:P 加油！

十月一日朝早相約成班5B打排球，發生一連串插曲。

先係原定個地點冇柱，所以就算我地有網都冇用；

移師至愛秩序灣天台個場我又一野將個排球轟左落街，

淨係聽到一下重擊落鐵既聲響，呯一聲就冇左嚕>__<

重點係個波不翼而飛-__- 除左無奈同不服都冇野講:O

不過冇打中人算好啦，如果唔係真係...我都唔知點算好！

真係喊出黎T^T 我地好努力搵、問同望都係冇結果:(

呢次搞到我每次接球都有陰影，好怕又歷史重演囉+_+

慶幸鐫爺攞左佢果個排球黎仲組左隊雜牌軍同我地打，

主要都係要接球同埋一傳二傳果啲，突然變得幾專業:P

後段陳冠達有球用腳接:O 差啲又踢左個波落街囉@@

我果刻真係尖叫...咁岩!! 有條柱咁岩阻一阻反彈番炸。

核特啲都要講架喇LOL 我真係驚到就黎賴尿囉XOX

為左搵波擾攘左陣，我打得一個鐘都唔係幾過癮-V-

晏啲同爸爸媽咪係灣仔維景食BUFFET LUNCH:$

黑毛豬同長腳蟹做主打，啲黑毛豬夾左哈蜜瓜好味:P

熱盤就不時有羊架同牛尾骨，其實真係幾吸引架囉XD.

雖然魚生同甜品款式唔算多，但至少有DREYERS丫:)

呢餐係飽到跟住成日冇食過野囉，好似有少少過分>__<

十月二日，成班5B都整裝待發既班際排球比賽上演喇！

萬分感謝FION同BREAD前日設計既兩塊打氣板@@

雖然只係簡單既剪貼工夫，但襯托出黎個效果太令喇:D

我地首場賽事就係同6C對決－－一場夢幻的對決-V-

儘管敵方係種籽球隊，係別人眼中有幾強，陣容幾鼎盛，

我地都會將兩次練習到既實力發揮出黎，盡顯5B本色。

RAYMOND`KENNY`RACHEL`PHOEBE`ALEX同埋

我都打足全場，首局對方未投入到賽事，隊友間好多誤會，

結果我地係實力同天時地利人和兩方面既情況下輕取一局:)

果刻其實真係好鼓舞，當中唔只因為呢局比數振奮鬥心，

更加身邊太多人給予我地無限既鼓勵，大班同學坐係側邊，

就連MR.WONG同埋MRS.LAM都各佔一方為我地打氣。

第二局輪到我地出現問題，太多發球都接失左囉>__<

追平局數後到最後果局，真係勢均力敵咁，太瘋狂*V*

盡所能將排球傳比RAYMOND再等佢搵空位殺波，

有時如果我要三傳就會聽到好多句「打過去打過去」，

有時臨落網RAYMOND同KENNY都使出看家本領，

就係用隻腳唔知點樣踢就轟番去對方果半邊場haha.

RAYMOND有球仲用個膝頭好準確咁撞番個波過場，

只係記得全場嘩然起哄，大家都為佢既神乎其技歡呼！

第三局我地曾幾落後二比八，破唔到對方既發球啦，

分數差距每遠一分，我地六位個心都會即刻沉一沉，

但果啲時候大家從來唔會責怪任何人，反而鼓勵對方，

大大聲咁講句「加油」或者係「5B」，調整心情XD.

後段輪到PHOEBE發球連續洗對方六分，太強大，

果六分得來不易，兩隊互傳，最終追至12比14分。

當然6C會怯，但我地都搵番個氣勢，勝利在望喇:S

但最後果球對方由籃板下重擊番過黎，大家都意想不到，

諗住對方呢球接唔到，所以無論KENNY隻腳伸幾長，

都回唔番個波，就係咁樣我地班以三分之差輸左嚕-V-

記得前晚我地係FACEBOOK GROUP講開呢件事啦，

MRS.LAM義不容辭就話會到場支持我地，好感動T^T

事後聽番成場比賽佢真係睇得好肉緊，不停為我地打氣，

中段我地氣勢不如第一局都係佢大叫「加油」重振雄風。

同樣MR.WONG係側邊都不停用IPAD影低我地既表現，

事後睇番啲相就會覺得好似我地班有兩個班主任咁樣:$

果種感覺...我都唔識形容`!! 多謝兩位咁鍚我地既爸爸媽媽:)

雖然呢場最後都係落敗收場，但贏得全場既注目同掌聲，

比賽完左之後我地成班仲係操場圍圈一齊叫5B...好溫暖:$

每當聽到一句 "5B你地班今日打得好好" 就會飄飄然-V-

就連MR.HUNG都話我地班合力上演左場高質素比賽，

但奈何兩隊只能活一隊，總要分成敗，總會有輸贏嘛:D

其實正確黎講我地呢場比賽已經贏左，超越左自己喇！

大家唔會因此而氣餒，反而下定決心來年要稱霸天下B-)