| «‹ August 2015 ›» | | S | M | T | W | T | F | S | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | 31 | |
|
2014 年 3 月 8 日 星期六  |
| 2o14.o3.o8 |
分類: 章の生活日誌 |
CHEM TEST終於暫告一段落，又捱過一難關。
這個晚上好充實，喺暖笠笠既屋企打邊爐、打麻雀。
三月，每年都忙得不可開交既三十一日，好辛苦>_<
隨之而來既SBA、TEST、IES同埋個PG CAMP...
有時候我只想花更多時間惡補CHEM同ECON。
見到成績表上幾乎一連串都係C既成績已經麻目，
一分耕耘，一分收穫，我諗得到呢個等級都好合理。
自己已經好難再係學業成績同課外活動之間取平衡，
開始留意到對某啲TOPICS有跟不上進度既問題，
讀書有時對我來說真係好迷惘，點先能夠重新定位...
有時候我只想捉緊能夠休息片刻既時間。
諷刺地該睡覺既時候就唔訓，應該提起精神就訓教，
正如目前既我，差不多四點仍然坐係電腦前。
返學既意義完全顛倒晒，每日都有唔少堂數訓教，
返到屋企就只顧溫習或者做其他學會上既事務，
日子一日一日咁過去，樣子同時變得愈黎愈無神...
有時候我只想做一個普通的我，能夠輕鬆自在的我。
偶爾身邊不少人都會「誇讚」我係一個鐵人，
兩隻手，卻能把眼前既問題有條不紊地處理好。
我都希望自己真的如此，埋頭工作而不會勞累，
從來只有少數人清楚背後承受既壓力有多麼大；
從來只有少數人清楚我心底深處而不可觸碰既話兒...
|
| 始於足下 |
分類: 章の生活日誌 |
其實好羨慕好旅行-__- 我都好想去`!! 最近積壓得太多工作，離開香港幾日應該係個唔錯既方法囉，見到什麼台灣、杜拜*V* 即刻眼都大埋-W- 呢幾日啲溫差真係摸不著頭腦，過年就廿幾度高溫，轉個靚頭又跌番落十六、七度，陰陰寒咁:S
十二月廿一日。5B班隆重既CHRISTMAS PARTY:D 有鑒於我地無得借用學校範圍，所以就去左一幢住宅既活動室玩，所以MR.WONG最終都無參與。原本我地的確有諗過邀請MRS.LAM參與架，但其實身分上始終有啲尷尬，希望佢唔介意啦！不過點樣都好，學期尾佢退休之前就會搞番個FAREWELL PARTY，什麼微電影、禮物全部呢日奉上:$ 呢日朝早因為學友社果邊有個面試，所以我錯過左PARTY既集體遊戲部分，不過唔緊要啦有PINKY、阿BREAD、JOJO同RITA四個頂住都唔會有啲咩意外架喇-V- 只係我唔可以親眼見證辛辛苦苦準備好既遊戲係進行既時候係點樣姐-3- 事後睇番相見到個個都癲晒-V- 食左少少之後就開始抽獎環節嚕，其實老實講係JUSCO十二蚊店買都唔錯架，有啲可以玩、有啲夠實用、有啲仲夠靚，最緊要係夠平:P 唔嫌CHEAP就好了:$ 成班十個男仔差唔多八個都抽到獎，點解命中率咁高架-W- 但我抽到果份係對襪...我比較想要個白色耳罩囉-3- 晏咒就係遊蹤環節，全世界去晒愛秩序灣果邊做CHECKPOINT...見到我地四個COM仲要衝過黎做TASK搶分-V- 當然我走得快無咁易比佢地捉到，自自然然成為罕見動物:P 每次見到佢地跑到喘晒氣咁樣就會好開心，唔係因為變態，而係證明佢地投入玩`!! 其中有個TASK仲係佢地要向特定數目既路人講句聖誕快樂，其實過時過節做呢啲MISSION都幾溫暖架囉^0^ 兩個多小時既遊蹤完結，大家再次返到活動室，用先前各個遊戲所得既假紙鈔拍賣禮物，熊仔餅、百力滋、魷魚絲、仲有糖...真係好豐富囉:D 有啲組仲會豪擲成副身家落一件禮物到:P
活動室內雖然充斥大家既疲勞，同時的確感受到大家既歡樂、滿足:D 最後我地一堆堆人咁自成一角玩啤牌、玩乒乓波、甚至係傾計同埋影相，根本同個大家庭無分別，唯獨是呢個家庭就女多男少姐haha. 就連JASPER補完習都特登前黎參與夜晚打邊爐，雖然我因為公公八十大壽無得參與HOTPOT，但聽到連JASPER有願意花時間投入落5B到真係好開心`!! 呢種開心遠超於贏左個班際比賽咁樣，老實講要令到成班三十幾位同學融洽相處好難，我深信每班都一定有個小圈子，只係視乎身邊既同學會唔會咁自私，將呢啲小事無限放大，令到成班陷入是非之地，惹人話柄。作為搞手，見到大家享受固然開心；聽到大家好評固然充滿成功感，我更加意想不到呢日PARTY完結後大家會再次討論同細味番當中趣事，講番其實呢個遊戲、或者果個遊戲幾好玩，甚至連RAYMOND呢個我認為好高要求既男人都拍案叫好，真係有股激動直奔上頭顱...誇張左少少:$ 但難怪我會咁樣講，每次班會活動都殺死我好多細胞，從來都唔可以搵到個遷就大家既時間開會，做親野都三催四請先至交到野比我，有時候望住咁樣既局面我都好頹廢，搵唔到仲有咩動力支持我搞落去...直到十一月尾一個周末連續兩日朝早八點鐘，五個人坐係青年廣場開會，花左總共六個鐘既時間將呢六個鐘既PARTY CHUR好...神乎奇技也LOL 「千里之行，始終足下」並非想像中咁容易，要踏出第一步其實需要勇氣、需要犧牲心思同時間，但感謝身邊有呢幾位好拍擋同我一齊捱過，一齊踏出最重要既第一步。
**********
呢個一月都又去左兩次迪士尼樂園@@ 第一次就係因為想聖誕佈置臨完結之前同媽咪去行番次；第二次就係考完試撞正表弟妹假期就陪埋去玩haha. 慶幸暫時都仲未厭既，所以每次黎到呢度都係抱住個輕輕鬆鬆，行個靚公園既心情:P 呢兩次都影左唔少靚相，我同媽咪會擺啲卡通人物擺甫士影相:$ 跟住仲捕捉到夕陽係城堡邊既景象<3 我覺得對於公仔有少少追求-V- 每次行啲SHOP見到得意既真係好想抱番屋企架囉:$
一月十八日。前一日JENNA問我同JOJO去唔去小西灣跑步，話要強身健體同埋KEEP FIT喎XD. 結果第二日就相約係藍灣半島，沿住海旁同附近個足球場來回跑左十個圈。唔知係咪自己對上一次做劇烈運動係兩個月前既事，跑完真係好喘氣好辛苦LOL 我諗呢段路程加加埋埋有好幾個四百米囉haha. 之後仲慢慢行番去新翠食手作雪糕，真係抵受不住綠茶味的誘惑:$ 晏咒仲同左爸爸媽咪打羽毛球，話說上次打已經係社際羽毛球比賽果次-__- 好彩呢日仲識到揸板姐，唉！原來我丟棄左羽毛球都有幾個月.3.
一月廿八日。想講下最後既上課日除左上堂抱住HOLIDAY MOOD，半釣魚狀態之外，仲要提下晏咒果個LUNCHTIME CONCERT:P 其實我覺得MR.HUNG真係好犀利，咁樣既年紀個體魄仲健康過我、講英文又幾好聽、打波又得、唱歌又得:$ 呢日佢唱果首民謠果時我真係瞇埋眼咁聽架，配合埋結他好清脆既和弦真係好舒服@@ 難怪唱完之後MRS.LAM仲要好激動咁台下大叫ENCORE:P 老實說，我都想咁嗌*O*
一月廿九日。夜晚補完習特登去左維園年宵做義工架:P 難得學校三十五周年擺左個靚攤檔又點可以唔去支持支持:O 不過淨係入場都足足比人逼左十分鐘先去到-__- 順水推舟就是這樣出現的haha. 最初見到SZEWINGKI同SOSHANNI坐係高櫈上面攞住大聲公覺得好犀利，佢地講野果啲口吻認真惹黎唔少行人既目光，雖然有啲聽完未必過黎幫襯，但見佢地露出微笑就覺得呢種推廣手法唔多唔少都有啲功效:P 至於我都係走低調路線，攞住大大細細既暖手寶周圍嗌，冬天唔怕凍唔怕空虛唔怕寂寞？點解？因為買左暖手寶。夜晚睇電視睇到凍都唔洗怕喇，因為買左暖手寶包你暖笠笠。訓教放部電話入去仲可以放幅射，係放幅射-V- 大家快啲過黎望下喇，唔買都摸下啦，青蛙同貓咩款都有，大既三十八，細既都係賣廿八炸haha. 最初我都唔係好識放低自己果個「思想」，始終都係首次有咁既機會係年宵攤檔到叫賣，但慢慢就熟能生巧:D 某程度上我覺得自己好似部錄音機，不停LOOP，LOOP到身邊啲人行埋黎LOL 每次做到宗生意就會好激動，再次推動自己落力啲嗌^0^ 後黎知道攤檔單日計賺左萬幾蚊，仲要回埋本都替佢地十位核心成員興奮，恭喜晒啊*V* 第一次做生意就有盈利，掌聲鼓勵:$ 夜啲仲有幸招呼埋吳SIR、ALAN SIR同埋大CHEM CHAN添啊，終於可以同吳SIR影相喇LOL 幾位老師黎到都好似比我敲左一大筆咁樣，空手而來，滿載而去>_< 臨走之前我仲買左兩個布袋同埋一隻青蛙暖手寶，其實設計真係靚先買架haha.
完。 |
« | 8 | 9 | 10 | 11 | 12 | 13 | 14 | 15 | 16 | 17 | ... | 214 | »
|
