| «‹ May 2015 ›» | | S | M | T | W | T | F | S | | | | | | 1 | 2 | | 3 | 4 | 5 | 6 | 7 | 8 | 9 | | 10 | 11 | 12 | 13 | 14 | 15 | 16 | | 17 | 18 | 19 | 20 | 21 | 22 | 23 | | 24 | 25 | 26 | 27 | 28 | 29 | 30 | | 31 | |
|
2014 年 5 月 1 日 星期四  |
| 2o14.o5.o1 |
分類: 章の生活日誌 |
又一個寧靜既晚上，時間將近四點鐘。
或者因為早啲返到屋企無任何顧慮甘跳上床休息左個幾鐘，
足以令我支撐到宜家。吾知點解爸爸媽咪今日顯得特別疲累，
牙未刷、涼未沖，同衫未換既情況下，
一個攤係床，另一個攤係梳化到訓教，
或者呢個狀態會維持至聽朝。
而我就係房間入面獨自埋頭苦幹，
對住ECON同埋CHEM書已經接近麻目既地步，
要將一段段已經消化既文字短時間內塞進腦袋絕非易事，
難以想像星期五又開始測驗喇。
努力，有時候不只是為了自己，
也是為了不讓對自己有所期望，
相信自己能力的人失望。
|
| 2014 年 3 月 19 日 星期三 |
| 珍惜眼前人 |
分類: 章の生活日誌 |
每日打開雙眼所見的第一樣事物將會決定自己一整日的心情。
春和日麗既早上，溫暖無比既來電，喚醒沉睡左八個鐘既我。沉睡呢個字固然唔可以亂用，但對一個長期處於睡眠不足既青少年黎講，儘管只係半個鐘都足以進入沉睡狀態。記得前幾日既晚上細閱ECON書上每個理論，漸漸地體內備用既電量都耗盡，趴左係書檯上面，醒番既時候已經差唔多兩點。或者呢個姿勢維持半個鐘以上，半邊都有種麻痺既感覺。
**********
只要意志堅定，清楚追尋目標的原因，迷失方向時也不坦言放棄。
尋日P.E.堂打籃球，點解自己平日甚少機會接觸籃球，但每次打完實會受傷，尾指督魚蛋瘀左，練琴既時候都不太靈活。鋼琴佔據生活中一個頗為重要既部分，五歲果時首次接觸鋼琴，直到十一年後依然為演奏級既琴試奮鬥緊。每個樂章難度愈來愈高，老師要求相當愈來愈高，曾經有段日子特別忙碌，根本抽唔到太多時間練琴。果時好怕學琴，好怕承受被老師話「彈得唔好」既壓力，後來老師仲叫我四月唔好得過且過咁考......我曾經諗過不如放過自己，無謂令到自己咁辛苦，但諗到要將十一年既努力毀於一旦又會唔捨得。最近呢個月開始改變自己一貫練琴既模式，嘗試花更多時間係鋼琴身上，換到老師一句稱讚既說話已經無比滿足，唯有係八月果時將呢個琴試徹底擊敗，咁就可以少個顧慮，全力進攻DSE！
**********
人生中會遇到許多過客，他們都在自己的生活中扮演不同角色。
二月八日。以義工出席一個頒獎禮，好高興識到人生閱歷值得我學習既ADRIAN。有時候我真係覺得人際關係好奧妙，突然之間係某個時空交錯，突然之間變得熟絡起黎，之後我地兩個就咁企係街邊傾左兩個鐘（或者我地個樣夠醒目，當中有三個路人問路囉-V-）。我鍾意聽佢分享自己既經歷，讀書並非出眾既一群，但佢深信出到社會成績並非一切，流利既口才同埋廣闊既人際關係同樣係成功既要素，讀完書自己創業，膽粗粗同網上識既朋友開網店，用一萬蚊既資金將盤生意愈滾愈大......之後講開黎緊PG CAMP既籌備工作，身為青年會總幹事既佢比左啲意見我，仲話追求完美唔係一個問題，儘管每個活動先前準備得幾充足，臨場都係會有啲意想不到既情況。假如最初準備好100%，扣減啲意外都有八成剩番，但假如最初已經準備不足既話......雖然佢講「思考」同「夢想」有啲PHILOSOPHIC，但某程度上都可以令自己進步。
**********
隨便也能說出批評人家的說話，但欣賞別人真的那麼困難？
學校首個SECRET PAGE據說被河蟹，某日出現SECRET PAGE II幾詫異，但隨之而黎就係多篇唔係秘密既「秘密」......內容圍繞男神女神、公開身邊同學是是非非、批評班會活動何等小圈子、批評拍片諷刺校規而導致學校被傳媒爭相採訪既同學、批評中四各班既重點活動CLASS CON...負面貼文多不勝數。唔知啲街外人睇完所謂地區名校既SECRET PAGE之後學校仲會有咩印象何言-V- 「尊重」同「欣賞」似乎係無可能既任務？
撫心自問，每間學校有邊班係無小圈子既存在，只係視乎會唔會有人刻意將件事放大姐。班會成員實會同某部分既同學比較熟，平時聚埋一齊玩都合理不過，唔通我同中一開始識果班去玩叫小圈子？唔通我同PG COM去慶祝食飯又叫小圈子喇喎？其實批評人之前可唔可以考慮下對方感受，每次都刻意係啲敏感時候炒作是非擾敵，不如批評前諗清楚對方係咪真係從來都無盡過一個班會主席應有既職責，從來無嘗試過令一班同學融合。
有時見到啲無理取鬧既POST都暗暗一笑，我真係從來都唔知原來CLASS CON主題係要同音樂有關LOL 咁既人配做中五級學生同CONCERT搞手咩？有辱名聲。作為一位真正既搞手，理應明白要成個活動順利進行係幾咁困難既事，更應明白一個搞一個CLASS CON既目的唔只係保證節目質素，令觀眾拍案叫好，更加係果班能夠真正感受成班三十幾位同學凝聚起黎既力量，向同一個目標進發。點解「將心比己」咁難做到？CONCERT時間因撞V.A.活動改期，後來更因為學校召開緊急會議，全場既老師好似一掃而空咁，面對著殘酷既事實都有咁既表現仲想侈求咩野？完美無瑕既古箏FUSION小提琴奏梁祝，兩位推動故事情節既司儀、有ACCAPELLA同跳舞，請埋班主任出場大合唱...想當年大家都係自HIGH，OUTCOME好壞並非重點，而係過程中有幾投入、幾享受。反而，四班CONCERTS都睇過晒，公道講句每班付出幾多心機大家都有眼見，節目質素同流暢度都比我地呢屆好，我真係唔明白有幾咁「唔特別」，幾咁「無新意」。
**********
人類乃靈長類動物，可是擁有高度智慧的我們卻渺小得沙塵。
馬航客機失蹤十一日，墜海、爆炸、亞洲百慕達、脅持種種說法都聽過。至今仍未有專家能夠確定機上二百幾十人既下落...最初聽到件事真係覺得好恐怖，人間蒸發原來係有機會發生...我相信每個人登機既時候都唔會刻意擔心航程中會否出現任何問題。然而，呢件意外，或者係人為事故絕對唔係預測範圍之內，更加想像唔到自己身邊有朋友既親友正正係機上。宜家可以做既只係祈求客機降落係地球某一處，而機上無辜既人平安生存。
珍惜眼前人。 |
« | 7 | 8 | 9 | 10 | 11 | 12 | 13 | 14 | 15 | 16 | ... | 214 | »
|
