操勞成日前晚終於可以早啲訓，訓足十一粒鐘-V-
早前接近完全失聲，每次講親野都好似五音不全咁...
加上條腰又拉傷左，右手手掌又無故地好痛，
除左「傷殘」兩個字諗唔到可以點樣形容宜家既我。
我鍾意「霸者」呢個字，因為佢正正代表TOPAZ。
黃社，一個永垂不朽既社，一個經得起風浪既社。
男女甲乙丙組六項項，男女子總冠軍兩項，全場一項，
上年既黃社失落以上加埋共九個獎項，成為四社之末。
只不過今年我地終於可以重振雄風，聲嘶力竭咁嚎叫！
跳遠，旦求過STANDARD為社贏番兩分返黎啦XD.
其實我唔係幾鍾意跳完之後就成對鞋都入晒沙囉-W-
不過見到自己跳出個人最佳成績已經值得鼓掌haha.
如果一年比一年犀利，我諗兩年後應該可以跳過五米:)
雖然冇決賽資格，但有4.17米都算唔錯啦係咪先(?)
緊隨係男子甲組二百米決賽，我真係唔識得面對>__<
我地坐係賽道邊既紅地上受盡太陽既煎熬，曬得滾燙，
心中又擔心呢場高手雲集既比賽，等同熱鍋上既螞蟻。
最初當我知道自己跑第一線道既時候真係一萬個擔心，
要知道起步企最後要不停追過對手係件極具困難既事，
加上面對住KENNY、DICK、NOKLEE、阿KING、
MICHAEL、ALAN同CHESTER就難上加難喇......
起跑果刻我眼看前方，充滿鬥志，心中只有一個信念，
我要盡力跑好呢場賽事，結果以第六名衝過終點@@
假如你問我滿唔滿意呢個速度，或者我會答...唔滿意-V-
今年跑28"55，中二跑28"56，中四跑27"44-__-
同埋我發現自己開始起跑太慢，硬係好似窒左一窒咁-3-
記得跑到剩番50米既時候，我隻腳一如以往開始乏力，
我就即刻搵番動力源頭，點都要拼死捱埋果段路程架XD.
突然見到唐景陽離終點不足五米跌倒，太可惜喇真係......
我相信果刻有好多人同我既反應都係一模一樣，吓@@
後黎只係見到佢不忿咁係地上踢左腳，我都唔知點算好，
作為朋友、或者戰友，都唔想佢受呢件事影響之後既發揮。
呢二百米對我黎講絕對係長跑-__- 跑完即刻面青口唇白>_<
大腿每塊肌肉陷入酸痛狀態@@ 同時就聽到一百米召集廣播。
微微嘆一口氣，點解啲賽程可以緊密到咁，分開進行唔好咩:O
咁岩見到JAIME就請佢幫手拉筋舒緩下就繼續去比賽嚕`!!
坐係召集處既時候MR.HUNG宣佈四社暫時既領先分數啦@@
記得第一日中段綠社領先；第一日完結輪到藍社領先>___<
而當第二日百米決賽開始前聽到領先既係TOPAZ HOUSE`!!
我同在場既鄧梓健、阿KING都興奮到擊掌大叫，太感動T^T
由首日賽事完結後包尾，變到如今既首位，好似奇蹟出現咁！
我仲激動到流眼淚-V- 就算維持好短時間起碼叫做過一哥:D
當然心水清既就會知道百米決賽係RUBY搶攤既環節haha.
我地男甲既一百米決賽為壓軸賽事，全場人都在歡呼。
二百米既阿DICK同MICHAEL換來多兩個紅社選手，
CYRIL同炎爺又係百米飛人-__- RUBY氣勢逼人:S
剛才宣佈既四社成績令人振奮軍心，熾熱咁燃燒緊@@
十三秒其實好快過去...跑完果刻或者自己都唔覺LOL
儘管賽前有幾擔心，幾緊張，一切都會過去架XD.
最重要既就係果十三秒同呢七個人較量真係好爽囉^0^
話說最後以第五名13"28衝線都已經係極限黎-V-
中段仲追過左ALAN同埋阿KING添，無憾無憾:$
我突然之間諗起呢日朝早於地鐵站相遇MS.IP既情境:)
佢知道我好緊張，就話TRY YOUR VERY BEST:D
宜家我唔知盡自己所能，更加唔洗包尾，哇哈太好喇！
LUNCHTIME果陣時同成班PG COM一陣食飯:D
繼續有講有笑-V- 呢個團體實在太CLOSE BOND啦:)
其餘時間都係影相，話說有張即影即有相太失敗喇-__-
不過好彩其他個效果都唔錯，因為賣既係牙膏廣告-V-
之後仲同好多中六既師兄師姐合照，其實都幾唔捨得，
原來PG呢個組織真係令我識左高FORM既同學:$
嗚啊遲啲一定要曬番晒呢啲相出黎，好好留念至得^0^
飯後既社際接力同班際接力都可以話係陸運會既高潮:)
社際4x100同4x400接力最大既分別就係速度。
最初知道自己今年有幸正選上陣真係有種難以言喻既高興，
因為能夠夥拍阿KING`鄭庭軒同蔡偉橋係件難得既事^0^
雖然藍社同紅社都係豪華陣容，但我真係好想衝擊亞軍。
第六線道既我接過接力棒，堅決既意志，準備起動@@
小背心同墨鏡造型既吳SIR："社際4X100接力男子甲組"
ON YOUR MARK...SET...!! 懶理其他對手拼死咁衝-V-
交棒比蔡偉橋果時個優勢唔算大，結果其餘既社後來居上，
輪到鄧景行已經係第三，我渴望有刻見到佢地能超越兩社，
但最後第四棒既鄭庭軒加快腳步同頻率都難以扭轉局勢......
諗番先前五場接力賽黃社都冇場包尾已經好過上年好多，
有時見到我地TOPAZ領先就會不自覺行到終點線迎接-V-
黃社，我覺得今年變得不一樣，一切只在乎熾熱既氣氛，
今年既中一同學專長無論係咪運動都企係前排嗌口號，
呢種高漲既情緒難免都溶化埋身邊既高年級同學喇，
每場賽事見到我社健兒臨近衝線就會加快口號既節奏，
不停將個氣氛愈推愈高，同學既打氣聲就係耳邊縈繞，
我真係好耐都未見過黃社咁團結，咁令人眼前一亮。
陸運會決賽日，歷屆既幾位社長都黎到運動場聚首一堂，
協助擔起全社之棟樑既職任，果種薪火相傳既感覺好強，
或者呢年係我五年黎第一次會覺得黃社好似個大家庭咁。
直至最後頒獎典禮，同時都係揭曉每個獎項既得獎者:)
子惠仲特登叫我企係欄杆邊幫手嗌口號，得到重任-V-
我地先包辦兩位男丙MVP、女甲同女乙既MVPs ^0^
再係男子甲組既OVERALL CHAMPION啊^0^
最後仲有全場總亞軍，個場面就好似三年前果時咁樣-V-
每次聽到「黃社」由司儀口中讀出既時候每位社員都嘩然，
企晒起身鼓掌，為所有付出過汗馬功勞既英雄歡呼haha.
我記得果陣時都帶過大家嗌口號，果種激動真係難以忘懷，
I SAY TOPAZ YOU SAY WIN!! TOPAZ∼ WIN!!
呢口怨氣似乎積壓左係體內足足有一年，終於得到解放；
腦海中突然浮現「吐氣揚眉」四個字咁，終於收復失地！
儘管最後名乎其實地叫破喉嚨，但都覺得值得架*V*
離開運動場前四社如常玩「只要肯做，一定進步」人浪，
隨即將所有能夠搬動既東西放落下層準備擺陣抗敵，
我記得自己中一既時候望住班老鬼舉晒牌就好想試B-)
今年就攞住個逃兵牌同四社幹事繞場一周，太熱血:D
有時候我覺得陸運會好傷感，除左汗水仲會有血同淚，
記得呢日我不時都係看台既欄杆到親眼見證呢啲場面@@
沛怡負傷踏上頒獎台攞獎，結果由JOJO親自揹佢落黎；
馬穎瑜兩度被欄跨跌，但依然站穩腳步繼續未完成既賽事；
鄔慧心四百米以次名衝線，因為自己既表現而不停灑淚；
KAPUI完成四百米後鼓勵身邊既戰友，再同阿MAY相擁；
JASMINE面對一眾強敵愈跑愈緊張，衝線後因而落淚；
唐景陽臨門一步跌倒趴係賽道上，獎牌突然離佢而去......
呢啲場面縱使令人感動、可惜，但正正係陸運會既一部分。
有時候我覺得陸運會好殘酷，根本係個弱肉強食既地方，
比賽永遠最終只有一位皇者，永遠都會有贏輸既出現，
但我經歷過咁多既比賽，始終仲未學會看得開勝敗。
能夠晉身百米同二百米決賽絕對係有少少巧合既成份，
即使最後無三甲都唔會太介懷，因為我已經盡左全力，
相反失落社際接力同埋班際接力既栗榮倒有失落既感覺，
亦都曾經因為社際接力輸左而無對象咁樣發左陣脾氣......
我相信人既情緒需要發洩既，只要唔比佢蓋過就冇問題。
我絕對唔係要怪責任何人，因為我明白接力講求係團體，
我相信大家既然披上耀目既黃金戰衣，獨有既班TEE，
就會將自己最大既力量，最快既速度完全自己既路程，
或者一切都係源於自己自身既期望，太希望得到勝利，
令到最後既結果未如理想既時候突然有種衝擊咁樣......
我至今仍然記得中一既時候以後補身份參與社際接力比賽，
當年既隊友同今年三位一樣，蔡偉橋、鄭庭軒、鄧景行，
唯一唔同既就係我地四個既棒數都根據能力而有所唔同。
四年前我以第三棒既身份接過鄭庭軒果支金黃色既接力棒，
毫無顧慮咁樣轉個大彎交比阿KING，最後獲得首面金牌，
三位隊友都豎起手指公，不斷讚賞，真係被勝利沖昏頭腦，
就連果陣時既社長李昊都抱起我，果個場面永遠唔會磨滅。
有時候我覺得運動令到我深深體會到「友誼第一」既道理，
唔知點解尋日每當見到熟悉既舊生就會不發其想咁來個擁抱，
見到李昊、古柳權、鄺永延會互相噓寒問暖，關心彼此狀況，
果種感覺好似相交多年突然重遇咁，實在太溫暖喇>___<
隨住年紀增長，每年陸運會結束後都會促使自己諗好多野。
上年黃社處於榜尾，自己贏得一面銅牌根本不值得開心；
然而今年黃社第二，但自己一面獎牌都冇固然會感到失望，
但至少我為TOPAZ今年優越既成績而雀躍，有啲矛盾咁。
坦白講，我好想終有一年係自己攞牌既同時黃社都能夠輝煌...
I'm so PROUD and DELIGHTED to be a TOPAZIAN. |
