呵呵舅父佢地好耐都冇上過黎屋企到食大餐喇XD.

今日繼續沙律、安格斯牛扒、羊架同埋啲台式腸:$

當然唔少得麻雀耍樂LOL 我幫媽咪贏左唔少錢架@@

諗番轉頭原來我都好幾個月無打，慶幸仲識自摸-V-

趁佢地宜家仲打緊都係時候花少少時間追番QOOZA:)

測完驗既日子依舊辛苦-_- 每日繼續面對一大堆工作，

似乎唔會有終結既日子，無時無刻都埋頭苦幹咁樣>_<

結果星期三果晚十一點幾就飛奔左上床訓教haha.

原來上課日子訓夠七個幾鐘真係會精神不少架*V*

至於測驗卷差LS未派，我都唔知可以點樣評論喇+_+

基本上都係比預期既低，或者今次會STRAIGHT C...

哈哈七科都係C既應該話自己平均好定係考得一般-3-

呢個年度新加入左傑出學生協進會，開展社會公職既一幕:)

至今都開過兩次會嚕，其實幾鍾意同呢班理事合作啦@@

大家雖然專長有所不同，但果種效率係快到難得一見既...

同埋我覺得呢個工作對自己都係個好好既新嘗試黎架XD.

因為宜家做緊既活動準備都未必係學校BUILD UP到+_+

當然最好既就係將協進會值得推廣既經驗帶番學校繼續用！

月尾有個頒獎典禮做義工；跟住二月尾仲有個就職典禮-V-

相信黎緊忙碌既日子多的是，唔分配好時間跳樓都唔掂:O

上星期仲特登係主席屋企個會所果度影左啲相作刊物花絮，

果兩個鐘我地三十幾位理事同執委都影到好興奮，唔願走...

不過最特別莫過於我地每位都要以禮服出席，形象好端莊:D

坦白講除左出席婚禮好少西裝恤衫，仲要打埋呔添囉*O*

大家換上西裝之後都散發出一種...吸引力？總之感覺好特別！

最後我都想講下十月尾段果兩場學界羽毛球比賽啦hehe.

記得對民生果場我連續出戰第一單打同埋第一雙打既賽事，

果兩場既比分足以重重將我擊進山谷，如斯低落，如斯失望。

諗番起上年同樣時候我又因為學界慘敗而失去打羽毛球團火，

有時我真係覺得一直以黎練波打波其實係為咩？無晒方向...

唔只自己，就連身邊都有人質疑我呢年間有冇進步過XOX

呢兩場比賽我慘敗當然存在技術問題，反應同速度慢成倍:O

平時果套打法三兩下工夫就被對方打破，完完全全被支配。

直至呢刻，我發現自己已經連續成個月冇去練過波喇+___+

就連最後果場對聖士堤反都係本著一個「被炒」既心態>_<

話晒聖士堤反係小組領先緊我地幾間學校，強隊一間啦:O

我唔再重視自己表現，旦求得過且過，究竟算咩態度喎-3-

最後總局數輸三比一，我負責第三單打，純友誼賽性質:$

其實開局都唔錯，雙方既比分都幾緊湊，當然後段被拋離...

至於我同盧諾晞繼續擔當第一雙打既職責，完全冇壓力，

因為面對住呢班對手都唔敢抱有啲咩期望，盡力而為嘛@@

結果一切都係掌握之外LOL 我地險勝對方僅僅兩分炸^0^

我地兩個以平常心出戰，將兩年前果種化學作用發揮出黎，

快速補位，把握進攻機會，以速度制勝，果種感覺太爽喇:D

出乎意料我地愈打愈順，攞住羽毛球果時都增添一份信心`!!

當我地兩個聽到裁判宣判比賽結束果刻既時候真係好震撼，

我同盧諾晞呢對...曾經「風靡一時」既組合先呼喊繼而相擁，

我差啲激動到喊出黎，諗番實在太多同佢拍擋訓練既日子...

諗番起彼此果份默契，諗番起以前班師兄點樣讚我地兩個...

這件事再次反映「平常對待或者會帶來意想不到的結果」:)

最重要既係盧諾晞考DSE前既中學生涯最後一場學界比賽，

能夠以一個壓倒性既姿態勝出，完美既句號，實在太難得:D

四點嚕終於`!! 今晚打住咁多先啦:D 各位晚安嚕嘿嘿^0^

舅父佢地都差唔多打完牌嚕，訓教似乎都係時候喇LOL

呢排我發現自己完全愛上左「牡丹咖啡」呢個地方:D

播果啲七十至九十年代既英文歌真係好有共嗚囉LOL

鋪位雖小，但好適合相約朋友係呢度閒聊一個下午。

之前試過啲好香既咖啡同埋凍餅，味道不錯啊！

但我始終對於芝士味濃郁啲既蛋糕更感興趣喇XD.

上星期雖然考緊試都係香港大學逗留左段頗長既時間+_+

我最初既計劃係開始就入場，兩點鐘左右就返到屋企:O

結果就係比個所謂「入學講座」打亂晒我成盤計劃囉>_<

雖然個教授幾引人發笑-__- 但成個鐘就係聽無用既資料...

算啦LOL講番呢間大學先係重點嘛:D 其實目標幾明確:)

只不過，目標往往推動我地前進，能夠達到既並非易事...

法律學系，平均分係三十二，兩科5**同三科5* ORZ

理想，你想。想就易，真正實踐到出來又係另一回事，

或者唔應該咁快比個門檻打沉自己，但始終要面對現實，

坦白講係學校再"BBCC"落去既話考公開試真係OMG-W-

其實SCIENCE同BUSINESS FACULTY都不錯:)

對我黎講只要唔係不停對住LAB既儀器已經無咩問題，

都係實用啲既好，環境保護、BIO SCIENCE咪幾好:P

港大商科好在最初就揀定MAJOR咩野，專門少少啦@@

仲有SOCIAL SCIENCE呢啲，社工傳媒心理咁囉-V-

哎喲我都唔知X___X 總之就係圍繞呢幾個範疇啦LOL

離開呢個古典而優雅既校園之後就從條斜路碌番落西營盤，

我幾鍾意呢日同媽咪爸爸食晏間餐廳，格調燈光好舒服，

果啲SET LUNCH既質素都唔錯，唯獨個奶凍唔夠滑:S

早前場班際決賽，5D同5E打到DEUCE...緊張到呢@@

最後5D仲係決勝局開局初期落後八比零既情況下反勝:O

再一次創造左個不可能的任務，成場比賽真係精彩絕倫！

唔知幾時我地呢屆好熱衷於排球，食完飯都會圍圈玩陣:$

果種技癢既感覺好難抵擋，只要打左第一球就唔願結束-V-

今年有幸出戰社排，成班隊友都花左啲時間夾下咁啦XD.

話說我同RONNIE打社排果陣時好似融為一體咁樣LOL

佢係前排就成座山咁攔網；到後場就換我去發球同接發:D

首場對藍社都以二比零既局數取勝，其餘兩場要承接個勢:)

宜家開波都幾穩定啦，如果接一傳都係咁樣就好喇嘿嘿:$

始終有時面對住啲又快又強勢既發球就即刻冇晒辦法咁-3-

同埋間唔中用「羽毛球手」打排球，當揮拍咁轟落去LOL

跟住今日返學之後就同RACHEL由學校疾步左去球場@@

斌斌、鐫爺、JENNA、RICKY、RONNIE、ZENKI、

RAYMOND、EDWIN、MOTHY、大力、文翊都黎晒:)

佢地帶比我實在太多歡樂，打波之餘仲係不停咁笑LOL

黎爺啲動作真係-V- 用「滑稽」呢個字形容最適合不過！

打左兩個鐘排球真係好滿足，當然隻腳走黎走去都無晒力，

右手手臂仲因為接得太多具破壞力既發球有啲唔妥當囉>_<

自從羽毛球學界出局之後，硬係覺得自己呢年無進步過；

就連練波既動力都無，反而排球就慢慢融入生命既一部分...