| «‹ May 2015 ›» | | S | M | T | W | T | F | S | | | | | | 1 | 2 | | 3 | 4 | 5 | 6 | 7 | 8 | 9 | | 10 | 11 | 12 | 13 | 14 | 15 | 16 | | 17 | 18 | 19 | 20 | 21 | 22 | 23 | | 24 | 25 | 26 | 27 | 28 | 29 | 30 | | 31 | |
|
2014 年 6 月 25 日 星期三  |
| 理想化 |
分類: 章の中學日誌 |
今日重新睇多次個POST-EXAM時間表，
原來辛苦左兩個幾星期為既只係三個鐘展覽......
剩番兩日時間都無，有大堆累積落黎既問題未討論，
好多原本傾好既野都因為時間同資源做唔番出黎，
我敢講因為呢幾樣野會令成個展覽失色不少囉ORZ.
雖然我唔係HOST，但從來都未試過開會可以咁頹，
老實講成個EXHIBITION都係行緊「型格風」，
但感覺上呢種服飾打扮好得過且過、格格不入-__-
無錯我確實唔太同意呢個安排，但一直都無講，
只係合埋眼靜心聆聽，偶爾「嗯」一聲表示我未掛線...
呢種咁消極既態度好唔專業，但無奈我控制唔到>_<
除此以外我對自己班都係充滿期望，客觀說展品真係靚:)
不過，經一事長一智，做人從來都唔可以理想化某啲事情。
|
2014 年 6 月 22 日 星期日  |
| 2o14.o6.22 |
分類: 章の生活日誌 |
自四月以黎都未試過真正休息究竟係甚麼的一回事，呢日我終於唔需要較鬧鐘，懶理爸爸媽咪出街，三點鐘先至微微睜開雙眼，自然醒來既感覺實在太好！岩岩翻看自己呢三個月拍下既照片同埋果本密密麻麻既SCHEDULE BOOK，思量緊應該由邊度開始講起......
有心栽花花不開，無心插柳柳成蔭。慶幸呢幾個星期彈琴終於明朗化番，至少每首歌對比起早排真係好似大躍進咁樣，老師仲問我點解考試仲多左時間練琴？我笑而不語，我都覺得好奇怪點解每星期只係練得一兩日個幾鐘反而會有意想不到既效果。希望黎緊日子唔需要再調整，一心一意咁樣解決幾個月後既考試，這就是我的目標！
好多年前既暑假去書展做果個好簡單既皮紋測試，果個專家睇過我手心啲紋路就講得出我每日從學校返到屋企就會滔滔不絕咁樣同爸爸媽咪講番學校發生過咩事，果刻我好詫異，好難想像一個從來未見過既人點解可以單靠掌紋睇得出平時既生活習慣。但隨住自己慢慢大個，每日返到屋企都係對住書本、電腦同電話，從小培養出黎既習慣變得愈黎愈少，好多時都要靠著出街拖住爸爸媽咪雙手既機會先至會講，所以我好記得復活節假佢地兩個特登攞左成個星期大假，果五日我地每日都會周圍去，儘管係普普通通咁係街邊搵野食，定係去迪士尼去馬鞍山踩單車我都覺得好開心。早星期日我地仲搭船去左東平洲睇啲沉積岩，原來我地三個好耐未試過行幾步影張相，但無可否認果度既風景真係格外怡人，果啲岩石真係奇觀到呢。呢種喜悅其實來得好天真而直接，同家人一齊快樂其實一啲都不複雜。
尋日係今個年度最後一次LEADERSHIP WORKSHOP，我其實真係有啲掛念兩位組爸同埋組媽，起初玩左個好變態同考身體柔軟度既遊戲，我地要按照啲指示卡將自己身體某個部分同另一位組員既身體部分痴埋......雖然過程好艱辛好想放軟手腳，但其實只要眾人合力捱過，堅持自己既信念都可以完成任務！其餘時間分享居多，每位組員都輪住講番自己成年既經歷。呢日阿MAN亦拋左個問題出黎：你有無為自己擔當今年既職位而後悔？呢個問題我都問過自己數次，但總結出黎既答案當然係無啦:D 我地組真係無次活動齊人，但臨走之前總算以一張合照作結，最感動莫過於聽到珊珊話我地係佢帶組咁多年最好既一班，因為佢感受到我地十一個對佢同THOMAS既信任，見到我地願意將心底既說話同佢地分享，期待未來既日子能夠加入匯廣城一齊學習點樣帶CAMP，將自己既經驗承傳落去<3
考完試雖然好多野做，溫書、IES、匯流份稿、SBA同埋ART EXHIBITION。話就話考完試比未考之前更要忙碌，但可能自己已經習慣晒呢種咁CHUR既生活，有晚發洩完已經無咩感覺...講開ART EXHIBITION，呢星期接近每日都朝八晚七，仲長過平時返學LOL但每日返到課室見到每個角落都掛晒布，唔同同學整緊CD牆、做緊IRONMAN副盔甲，或者係畫緊一幅幅MASTERPIECES，每個小組專心致致咁做手頭上既工作就覺得好WARM，就連平時唔太熱衷係班既JASPER同RINGO都好盡心盡力咁樣整GAME STALL，氣氛整體好好！嘿嘿，唔係自誇但我真係好適合做要用CUTTER既細心野，日日返去都係剪貼寫字影相都幾忙囉。經過呢個星期我覺得自己有少少強逼症既徵狀咁樣，每日離開課室之前我都覺得周圍好亂，啲物資畫紙遍佈每個階磚，跟住我就會好理所當然咁掃地同執房-__- 但明明第二日又會好似打仗咁亂:O 有感而發，一直以黎我都唔鍾意無責任感既人，有時候唔係一句話唔想做就將果攤大龍鳳就咁擱置，跟住失驚無神又話做番，我地根本無法猜透，就好似無時無刻都比你牽住鼻子走咁樣，既然當初無十足把握，就唔好實牙實齒話無問題。
或者又會有人覺得自己無點參與成個籌備工作，比人無視，感受唔到班中團結既氣氛，更甚既會覺得每次叫佢做親既野都好無聊好悶。老實講，站係籌委會既文書立場黎講，一個班既美術展覽絕對唔係只有畫功靚既同學先可以畫畫，但大家想將我地最好既一面比其他同學欣賞都人之常情。藝術天份唔高既同學大可以幫手做剪貼工作，或者係幫手整大量紀念品，假如你覺得係大材小用的話不妨問自己以下問題：你有無主動問過其他同學你可以做到啲咩？你每次留係課室做ASSIGNED既野付出幾多誠意？你有無嘗試投入係自己既工作當中？定抑或你只係得過且過，叫幾多做幾多，先入為主咁覺得自己做緊啲好無謂既野？我始終認為人力資源並無錯配，要舉辦一個ART EXHIBITION需要唔同崗位鼎力合作，有人負責畫畫，有人負責裝飾，固然需要有人做剪貼同其他比較瑣碎既工作。如果連咁基本既道理都唔清楚，或者你無資格批評內部既運作。
聽日又要返學校對埋剩餘五份卷，希望唔會心臟病發啦haha. |
« | 5 | 6 | 7 | 8 | 9 | 10 | 11 | 12 | 13 | 14 | ... | 214 | »
|
