| «‹ June 2015 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2014 年 7 月 7 日 星期一  |
| 勞勞役役 |
分類: 章の生活日誌 |
千千萬萬個唔捨得離開新加坡，
返到香港又係日積月累既工作LOL
儘管落機之後果日後發左日燒，無咩精神，
但訓番十三個鐘還番睡眠債即刻無事...
有時候真係幾佩服自己淨係食藥焗汗，
連醫生都唔洗睇既情況下神速康復:$
尋晚先至嘔心瀝血左篇七百幾字既文稿，
終於有年交匯流稿，唔會比老師大改喇:D
見到果篇撰文有八成原汁原味出自自己手筆，
果種滿足難以掩蓋，只可惜係匯流三年仲係舊薯仔。
同晚終於重新整理番學長會全年既所有文件，
除左鬆一口氣唔知可以講咩，安安樂樂地卸任嚕^0^
記得考完試媽咪多番催促我執衣櫃同書櫃，
似乎將兩個櫃既雜物搬出黎，篩選一大輪，
再放番入櫃呢個咁繁複既步驟需要幾日>__<
有點後悔當初推卻MANDY唔跟傑生團去杭州，
反正呢個星期留係香港都係困獸鬥咁猛做無停手......
情願再次暫別父母走訪呢個未去過既中國城市-3-
又可以同班年齡相若既人交流認識，一舉兩得-3-
執房、寫信、追QOOZA、練琴、功課，接招啦！
注滿電酒就要繼續開動，我要做個遇強愈強既人！
只要將眼前呢堆咁纏擾既阻礙物踢走就可以專心溫書:@
|
| 2014 年 6 月 26 日 星期四 |
| 其實...... |
分類: 章の生活日誌 |
試卷終竟對晒，慶幸LS可以承接上次果個優勢，繼續取得滿意成績，你當我自吹自擂啦，我至今都難以相信點解上次果條十分ESSAY題可以攞足十分haha. 好啦至於其他卷都係不過不失喇-V- 有時候覺得自己講成績好似好敷淺，反正每次都係咁上下架啦，不值一提！話說每次YYLAM常規最後一堂都會講番肺腑之言，每次聽完都會有啲感觸，「無野比呢刻更加難過，正正因為咁樣更加要努力」，希望呢團火能夠一直熾熱咁燃燒落去:D
別問我為何四個月前發生的事還能寫出來，我自己也不太清楚。
學界運動會，終於有機會披甲上陣，但慘敗收場，我真係想不透點樣會誤打誤撞比撞左去參加200米既賽事，感覺就係同食塵無咩分別-__- 不過難得有兩日可以走堂，我都唔介意晨早去到灣仔運動場吹風吶喊既XD. 順帶一提，每次輪到我地學校既健兒出戰接力賽事就會成排人企左係看台邊，好似陸運會咁樣耗盡自己既聲線，但奈何我地男甲差絲毫先有獎牌...雖然我只係以後備身份出席，但見到咁既差果零點零幾秒都覺得好可惜......
二月六日，羽毛校球史上第一次宿營，西貢戶外康樂營對我黎講似乎有啲陌生，我幾鍾意我地BOOK個幾兩個鐘羽毛球場，跟住分組打循環賽，好有練波氣氛，呢種形式都幾特別丫！話說我夾MR.HUI贏左RONNIE同MRS.CHUNG呢個「馬上入營」既組合:P 呢晚燒完野食之後仲玩左個簡單既遊蹤，搵到被綁架既MRS.CHUNG haha. 仲要根據個故事做短劇:D
坦白講我好耐未試過暢快咁玩，雖然當中不經意咁見到好多帶遊戲既問題出現，包括要受主持氣等等既不快事件，但至少我唔係幫手解決果位，最多受完氣即刻返營舍沖番個凍水涼比自己降溫，原來坐係自己個位到食花生等玩都不錯:$ 宿營絕對唔係第一次去，但呢個組合真係好新鮮，雖然成晚都離不開悶到發瘟既KILLER，但中間都有成班人出去行下吹風，返到房又幾個人攤係床上面傾計，其實咁樣燃燒自己既青春好好<3 我一直都覺得能夠同成班朋友傾計傾通宵好難得...點捨得比自己訓教丫LOL
呢個OVERNIGHT CAMP比我認識好多隊友，好多我一直對佢地無咩好感既隊友。原來大家相處時間長左，變得熟絡之後都無咩野姐，特別係家龍同埋KENNETH果啲咩都要搭嗲，就黎淪落到比人用膠紙封嘴果啲咁XD. 廿幾個人無分資歷、性格，打成一片好開心:D我覺得只要捱過左五點，就可以啟用左自己後備電源咁樣，第二朝依舊可以精神奕奕咁落場打波，相反其餘既人就呆呆滯滯咁坐係場邊ORZ...點解年青人咁唔撐不住XD. 點都好啦!! 呢個宿營係滿載回憶既:$ 返屋企果時我故意搭巴士而唔跟大隊搭地鐵，由細到大我都鍾意坐車周圍望，不過對於果刻既我比較會鍾意係巴士到訓番大半個鐘，始終地鐵無咁安樂既haha. 青春，該是這樣過的！
二月十四日。情人節加元旦節，MR.KC CHEUNG結婚大日子。以往觀禮無咩感覺，可能只係一個小朋友見到對情侶好SWEET，但諗深層其實兩個人由相識，拍拖，最後到結婚組織自己家庭係件好溫馨既事>__< 能夠搵到自己心愛，而對方同時對自己有好感既伴侶更係難上加難...聽到結婚誓詞往往係最觸動人心既時刻。每對新婚伴侶絕對唔係單單將果幾行文字朗讀出黎，而係真真正正咁源自內心，許下既承諾好令人羨慕同感動:$
二月二十日。全方位學習日前夕我地大半班同學係JOJO屋企過。呢日係中六同學最後一個上課天，同果班中六學長摟頭摟頸影相真係好開心，但同樣會因為離別而不捨。我唔敢想像下年既我會點樣，係咪可以咁豁達咁瀟灑？或者要準備定幾盒紙巾？當我打番呢個片段我不禁諗番起以前中二成班好朋友嘻嘻哈哈咁樣聚埋一齊，但同樣呢段關係又受到時間既洗禮，沖得愈黎愈淡，或者重新建立另一個可以維持既圈子會係更恰當既方法。十幾個人逼係同一間屋到打邊爐，加上十一點幾先至趕黎既PHOEBE，再玩左鋪七級豬真係溫馨既。七級豬，我記得自己第一次玩輸左，比罰十五秒飲七百五十毫升既水，仲要癲到噴晒出黎...回憶:) 呢一切都係青春既印證黎，都唔知邊個既鬼主意，明明輸既唔係我，但又要陪葬受罰-V-
二月廿一日。班會每年都隆重其事既全方位學習日，事前都花左一星期準備幾個集體遊戲:D 估唔到MR.WONG同埋MRS.NG兩個歲數相差一截都幾多話題傾，佢地兩個玩遊戲果時都好投入，有時佢地又會一齊跟住做港女十式影相，MR.WONG仲會教我地點樣擺POST...佢又會玩朱古力彈彈波，窘態表露無遺:$ 最開心就係出發前個破冰環節，我地四十個人就咁企係港島東對出個空地玩松鼠搬家同皺紋紙，個個都好狼死，玩到出晒汗，我未試過帶熱身遊戲可以咁成功haha. 當然呢次全方位學習日好多野需要改善，至少大棠有機生態園唔需要ENCORE-__- 講真燒烤同玩遊戲係學校做都得，去到咁遠真係無咩意思LOL 大家臨散之前仲係甜嫂食左輪甜品，成個同學霸住張長檯講笑真係好正:D 我至今仲記得LYDIA講年宵MR.LAU啲衰野講到一匹布咁長!! 題外話:$ 呢日搭果架旅遊巴個司機好有品味，簡啲歌好HIT好岩聽架，佢其實仲好細心添，當見我地好多人閉目養神休息緊會較低音量，到差唔多返到學校又會扭番大個聲量<3 呢日比人畫粗左條眉，燒完野食成班係度喪影相，每張相都影到我個樣好好笑@@ 其實中六LAST DAY都可以用呢個形象:$
其實鄭秀文啲慢歌個感覺真係好舒服...特別係當我打緊QOOZA既時候。
其實我覺得自己打QOOZA愈黎愈懶，愈黎愈長，愈黎愈無條理-__-
其實我都係平凡人一個，我都會有乏力、負能量爆標既時候。
其實我好想ART EXHIBITION當日有個攝影師跟住我幫我影相...
其實我覺得自己係條放軟晒既橡筋，原來做決策者真係好崩潰既事，
其實要管理成班唔同性格既人，每日面對唔同既問題真係慘過跳樓。
其實我好想真真正正放假，將所有討厭既事情通通留晒係香港。
其實我仲有兩日就會起程去新加坡，我真係好期待架，但咩都未執！ |
« | 4 | 5 | 6 | 7 | 8 | 9 | 10 | 11 | 12 | 13 | ... | 214 | »
|
