| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2014 年 1 月 16 日 星期四  |
| 2o14.o1.16 |
分類: 章の中學日誌 |
短短地啦話晒考完試:D 雖然各科OUTCOME唔會好得去邊，但既成事實。依然係果句，下次或者終有一日我會發奮圖強刨左本書去XD. 考試從來都係一個溫完都未必識答既遊戲，正如BIO同ECON MC-V-
返左學搵MS.LEUNG跟進左啲PG事項>_< 跟住再望望筆盒果張顯眼既TO-DO-LIST...真係有啲慘情。考試就話一心一意對住疊書死記爛背，但考完試再投入番正常生活既就理所當然要面對一大堆十年都解決唔到既東西...慶幸岩岩打完邊爐就打好啲議程@@ 至於黎緊幾日假期我都應該係埋頭苦幹咁寫緊PG REPORT、傑生協進會特刊文稿、IES PROPOSAL同埋CHAPTER 1...或者這就是所謂正常生活的吧？
開完會就約左成班人係天台打排球，很爽的說。當中笑料多到難以錄盡，個波反彈打番落自己到等既受傷事件眾多，成個波由天台飛左落街又有，黎爺隻撞彩神手接晒啲扣殺，所謂既小兒科背飛戰術LOL最後計分比賽又賴皮派膠-V- 唔係犯規就話重發...雖然打得唔算好認真，雙方角力來回球十幾次既緊湊場面都只係偶爾出現，但呢四個鐘總算好輕鬆。不過呢刻我發現雙腿都有酸痛既跡象...或者係我成個幾月無打過波所致*O*
晚安嚕！今晚唔打算較鬧鐘，因為要享受「自然醒」既感覺<3
|
| 2014 年 1 月 9 日 星期四 |
| 如果...... |
分類: 章の中學日誌 |
聽日考三份聆聽卷，由八點半聽到一點鐘絕對需要高度集中既能力，但正正因為考呢三份分卷宜家先可以暫且鬆一口氣-V-
如果，可以好似中二果時搞個規模大啲既EX-1A PARTY應該幾吸引。
依然記得MS.IP果年曾經講過：估唔到事隔一年我地仲可以有聯繫，如果以後每年都係咁就好喇@@ 頃刻大為感動，但到目前依然付諸實行唔到，往往給予自己太多藉口，例如岩岩先搞完5B果個，再搞1A會好花時間、好吃力......結果接著幾年純粹一個「小圈子既聚餐」，韓燒、自助火鍋，今年就連沙嗲王都嘗試過-V-
十二月三十一日，二零一三年最後一個午餐係同MS.IP共度既，雖然都係得十數人，彼此坐既距離都隔得幾遠，但至少後黎都可以有啲交流，特別係同MS.IP。雖然數個小時無啲咩特別安排，但係...果種感覺好「穩妥」，抑或係用「溫暖」兩個字形容？話說有段時間MS.IP望住我地每個同學既樣，感慨講左句「你地個樣變左好多」...原來咁快就已經五年，真係想像唔到時間好比細沙般由指縫間流走。當然睇番2009-2010年既班相會發現身邊的他、她都成熟左不少:$ 後黎我地玩遊戲又係笑彈橫飛既局面，拍到張檯啲飯粒跳黎跳去，嘈到應該比四周既目光注視住。雖然MS.IP無參與當中，但佢淨係睇我地玩都咧嘴大笑:D
最後佢依然拋下一句「等你地畢業後，投身社會工作先至請我食飯啦」。儘管呢筆帳由佢而結，我地十幾個亦都靜靜雞咁將啲錢放番落佢手袋到...成功暪天過海@@ 有時候，呢種推卻並唔係不領情既表現，純粹單單因為上年已經請過，無必要開創呢條先例啦...雖然能否舉辦一個盛大啲既PARTY係未知之數，但除左衷心多謝MS.IP呢份心意同果大盒既金莎之外，畢業後工作定必三五成群咁樣約出黎聚會`!! 當然張單係我地既^0^
如果，我可以將學到有關CHEMISTRY既知識融會貫通會少好多苦惱。
話說...對於CHEMISTRY呢樣令人費解既東西，我只能說我投降，再次輸得一敗塗地，連題目都未明就更遑論作答，正如身邊同學所講：「連作個答案落去都唔識作...」我真係玩唔起，CHEM你放過我啦XOX |
« | 11 | 12 | 13 | 14 | 15 | 16 | 17 | 18 | 19 | 20 | ... | 214 | »
|
