| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2014 年 2 月 5 日 星期三  |
| 黑暗中對話 |
分類: 章の生活日誌 |
一月廿六日。晏咒成班學校ECA LEADERS去左美孚個黑暗中對話:$ 我成日將DIALOGUE IN THE DARK個DIALOGUE變左做TALKING...搞到個檔次好似低晒咁:O 最初分組都擾攘左好耐，最後同RICKY`DZYN`SAMSON`CANDY`KAREN同MRS.LAM一組:$ 正當我地成組等緊開始黑暗既旅程都學識點樣打啲凸字，中心既職員仲比左塊特製既模板同埋類似枝針既野我督，督到個字果刻好有成功感XD.
進入左個活動空間之後，工作人員先教我地點樣使用盲公杖，我果刻唸如果將佢當做金剛棒實會掃低晒身邊既人，之後導賞員阿BREAD帶我地展開奇妙既旅程。我地吾止經過左個公園、吊橋、有床褥同電腦既睡房，仲會行過條馬路，慢幾步都會比架車咇添架。正正因為我地係呢個空間伸手不見五指 更加需要靠其餘既聽覺、嗅覺同觸覺，有時會聞到草香味；聽到流水聲同雀鳥既叫聲；或者摸到痰罐同鮑魚刷。呢一切都係我地日常生活接觸到既事物，但往往急促既生活節奏令到我地忽略身邊既細節。
有個部分我地成組人進入左個音樂廳，先要靠自己既感官揾張櫈坐低，再靜心欣賞七分鐘既音樂。起初我以為七分鐘好漫長，或者對於個工作排得滿滿既人來說，七分鐘可以改變好多，至少七分鐘我應該可以打到五百個以上中文字。難得呢七分鐘容許我將所有既思緒暫且擱置 享受音樂，原來真係好平靜、好舒服。呢個活動既意義遠超於讓我地體會到視障人仕既生活，更係教曉我地學會享受生活，留意平時既瑣碎而美好既事情。
除左摸黑摺衫之外，仲可以嘗試摸黑用散銀買小食，而我就買左盒暖既維他奶，仲食左鐫啲OREO同MRS.LAM既薑糖。呢七十五分鐘過得好快，或者習慣左吾用視覺就無晒所謂既時間觀念。當我地坐係小食部聽阿BREAD講野既時候萬萬也想像吾到佢係一位完全失明既人士，佢純粹憑感覺、憑經驗帶領我地七個穿梭各個展區。我的確深感佩服，縱使佢有缺陷、縱使佢面對既困難有幾大，佢既才能絕不比我地遜色。能夠一個人四出遊走，探索新既地方；能夠參加香港唯一一支盲人足球隊，單靠特製皮球既聲響作定位；能夠自己揀衫煮飯，從來都吾係一個負累。
我唸番起印象最難忘既一個場景。當時我地成組處於一個街市攤檔，阿BREAD叫我地揾吾同食物，比如合掌瓜、薯仔、薑、螺絲粉、豆豉零魚、罐頭粟米湯、午餐肉、沙田柚、蘋果、合桃等。揾到就出聲同等佢埋黎遞比佢，佢只係憑氣流就知道我地企係邊，摸兩摸就知道我地有冇揀錯，方向感比我地健全既人好得多，的確好犀利。黑暗中對話，好深刻既體會， 觸動人心既分享，領略到既比預期還要多。離開前仲同阿BREAD影左張大合照，仲以握手作為答謝同道別，為呢個與別不同既下午劃上完美句號。
過多日係羽毛球兩日一夜既訓練營喇，祈求天公造美，唔落雨玩得盡興:D 我覺得廿幾個人攞住塊羽毛球拍同TEAM衫去會好好笑^0^ 記得上年呢個時候我地成班去左石澳燒野食，都幾瘋狂:P 希望果兩日既活動精彩啦*V*
|
| 2014 年 2 月 4 日 星期二 |
| 零碎片段。貳 |
分類: 章の中學日誌 |
或者我應該由遠既開始講起:P 咁樣看似清楚啲:$
十一月廿五日。同KAPUI用STUDENTS' SUPPORT COMMITTEE既身份訪問新既駐校社工劉姑娘@@ 其實先前都係學長會同佢接觸過，但真真正正傾計都係第一次:D 短短十多分鐘既訪問都係問番啲相對官方既問題，交談期間覺得佢有種非掩飾出來既友善，無時無刻都好好笑容，有時仲會講埋啲無無聊聊既野-V- 或者學校對於佢黎講依然係個未熟悉既地方，上次早會佢分享果時不停食螺絲>_< 點都好`!! 加油啊:D
十一月廿八日。朝早以PG CHAIR既身份係早會到就「卅五承傳」既主題做分享，其實搵到我都真係有啲莫名奇妙既感覺:O 咁承傳嘛，咪攞學長會宗旨「薪火相傳」黎講haha. 坦白講都幾緊張，慶幸早會係由廣播系統播放，無咁多人望住都好啲:)
十一月三十日。晏咒以傑生會執委身份幫手做新一屆港島傑生頒獎典禮既義工，接待既工作宜家做得幾純熟嚕，點名帶位簡單講幾句絕對係手板眼見工夫:$ 時間過得真係好快，上年呢個時間我係上台攞證書既一位，今年倒過來係見證同校師兄妹攞證書，對我黎講呢個角色上既轉換其實幾特別:D 人總是要成長的`!! 夜晚同爸爸媽咪去左會展睇演唱會，對上果次係幾年前既事@@ 老老實實睇之前我連黎瑞恩呢個名都未聽過LOL 但呢晚終於有機會見識下...雖然某部分係翻唱其他歌手既歌曲，但功架不錯(Y)
***********
十二月四日。最後兩堂用作SPEECH DAY既綵排，今年繼續無緣科目獎，咁岩嘉賓離席果時BAND係操場STAND-BY緊，變相離場既奏樂單靠我部鋼琴@@ 其實都幾大壓力既-3- 放左學之後仲同數學MS.LEE係走廊傾左好耐計@@ 印象中我係多口問句點解佢唔洗落去監督下交通安全隊步操啦，跟住佢就滔滔不絕咁講左好多過往既經歷比我知，而我又好認真咁聽佢既一言一句。佢講番以前RSP要攞住啲路牌指示學生；講番以前佢點樣鼓勵啲校長參加校外既數學比賽，同其他學生交流，見識一山還有一山高既道理；講番宜家佢教過既女學生有幾串，面皮幾薄，有幾唔鬧得；講番佢大學果時做功課係點樣運用小聰明，又表示唔明點解宜家連數學都有咩MATHS FILE LOL 聽MS.LEE講野真係好爽好開心:P 傾到唔願補習添囉，臨走之前MS.LOOK仲行左埋黎八卦咁問我地兩個傾咩傾咁耐-V-
十二月六日。學校三十五周年畢業典禮暨制服團隊步操既大日子，仲請到陳家強教授黎做主禮嘉賓:P 典禮進行期間我都係有蓋操場到行行企企，嘻嘻哈哈咁不停地瘋狂影相，曾經有老師叫過我地唔好咁大聲笑haha. 平時周會司琴彈校歌，就算彈錯幾粒音都話無咩所謂-3- 但呢日真係要打醒廿四分精神:O 不容有色先至得`!! 奈何今次全程淡淡定，將最初有既壓力一下子吞晒，只係結尾早左FADE OUT，所以有少少古怪.3. 之後我就一直係操場側邊果度睇步操，其實我覺得做呢個場合既司儀真係犀利到個極點:P 難掩心底既羨慕:$ 望住四隊制服團隊浩浩蕩蕩咁樣繞場一周，場面好震撼，緊接就係全校師生排晒係五層既走廊間唱校歌，BAND既奏樂完完全全係耳邊縈繞*V* 最後果次HIPHIP HURRAY，中間既同學仲鬆開手上既氣球，一堆堆咁樣向天升起，「哇、哇、哇，好靚」！我心入面就係激動到個極點，滿腔熱淚咁流左出黎...KAREN見到仲問我咩事LOL 其實每年SPEECH DAY既重點都係典禮後既REFRESHMENTS，年年都話有家長陪同既學生先可以享用，但質質年年都係得個講字:$ 檯上面樣樣都好好味，望住果堆西餅我真係兩隻眼發晒光咁haha. 呢日仲同左中一教我IS既MR.LAM影相添啊，不過最開心既係LCM最初望我左幾眼就嗌得番我個名`!! 明明五年前我仲係舊薯仔黎-3-
***********
十二月八日。晏咒同爸爸媽咪睇左套《掃毒》，劉青雲、張家輝加埋古天樂係票房既保證:P 中間個TWIST其實幾出乎意料，點都估唔到張家輝死唔去仲要做臥底LOL 佢地三個唱「誓要去入刀去」好搞笑XD. 最後啲情節雖然誇張左啲，比如張家輝將成隻手斬左落黎既血腥場面咁啦haha. 真係好核特*O* 但成套戲都好緊湊:P
十二月十二日。其中一位表哥結婚，係跑馬地馬場啲會所擺酒:O 哇今次真係大鄉里出城咁樣，十幾歲人都未入過馬會架，左望右望咁樣好搞笑^0^ 宜家每次出席呢啲婚宴就會好期待，唔知點解望住對新人硬係好感動>_< 唔知黎緊二月十四日結婚既MR.CHEUNG係咪都係咁呢@@ 呵呵真係有啲期待`!! 放學就要BABA聲咁去嚕*V*
十二月十七日。兩堂英文堂去左ENGLISH ROOM開PARTY。MR. MALAMIDIS資助我地外賣PIZZA同意粉返黎食，真係未試過咁樣上堂haha. 佢又開住個聖誕歌既PLAYLIST，加埋房入面既掛飾、聖誕樹同燈飾都幾有氣氛^0^ ICY同CHERRY仲好犀利咁用左短短兩日時間準備左好多份禮物同兩個遊戲-V- 雖然只係BINGO、英文版大電視同KILLER，但大家都好享受-V- 至少我好享受唔洗HOST GAME...可以無憂無慮咁玩LOL 嘿，BINGO贏左我仲換左個白色既暖水樽，好靚架<3 唔只做左個好成功既KILLER，玩大電視仲發晒癲咁樣，同RICKY一齊指手劃腳，手舞足蹈，明明就應該好易估得中-3-
***********
十二月廿三日。學校BIO FIELD TRIP，先係荃灣聽BRIEFING再去西貢做考察-V- 其實我覺得幾好玩，不過係紅樹林逗留既時間太短喇>_< 去到都差唔多潮漲，所以再加快手腳，但又要掘又要挖，跟住仲要洗同測量其實FACTOR...話就話五個人分工合作姐，都好混亂XOX 好快啲水已經浸到上小腿位置haha. 除左啲石蠔、蜆之外，仲捉到好幾條蟲仔-__- 永遠見到呢啲東西蠕動就不禁打冷震:S 仲捉到條魚毛同隻蝦仔，我地幾個仲貪玩咁將佢地放左落個樽，帶埋番去中心到做LAB WORK@@ 除左做樹葉切片之外，仲要即時做份簡報出黎匯報，咁岩果條魚同隻蝦係共生關係，唔怪得兩隻小生物困係個樽好幾個鐘仲生存到-V-
十二月廿七日。去左睇有戲喳喳果套舞台劇《吾系酷兒》。呢套劇其實幾好笑，有幾個角色既造型同對白都好嬲打`!! 平時無咩機會睇ELAINE同埋VICKY係舞台上發光發亮，今次終於可以一睹佢地既演技，好正(Y) 我仲有少少變態咁樣同SARA講阿KEN隻腳好幼好長好靚haha. 唔知點解佢出場最惹人注見竟然係雙腿:O 重申一點本人並非同性戀者:P 其實呢套舞台劇用性小眾做題材幾特別，最意想不到就係成齣戲既劇本都係一眾演員傾出黎，成件事就好神奇`!! 搞到我有刻都好想即刻加入喳喳，但諗番起VICKY話過一星期練足五、六日我就真係驚驚地，老老實實一日廿四個鐘我仲有幾多時間剩-V- 或者考完DSE都可以考慮下既haha. 我覺得劇中警察個角色塑造得幾好，將好多世俗既眼光呈現左出黎`!! 點都好，好享受呢個幾鐘頭視覺同聽覺上既享受^0^ 之後聯同SARA`JOJO`CARMEN同VICKY影左張靚相就去左食糖水^0^ 個窩夫好味`!! 繼續傾計繼續傻笑haha. 呢個聖誕假雖然無咩機會大班人去玩，但偶爾既小聚都不錯啦:)
真係打到痴線，好彩功課清晒，琴又練埋姐:$ 二千七百字... |
« | 9 | 10 | 11 | 12 | 13 | 14 | 15 | 16 | 17 | 18 | ... | 214 | »
|
