| «‹ May 2015 ›» | | S | M | T | W | T | F | S | | | | | | 1 | 2 | | 3 | 4 | 5 | 6 | 7 | 8 | 9 | | 10 | 11 | 12 | 13 | 14 | 15 | 16 | | 17 | 18 | 19 | 20 | 21 | 22 | 23 | | 24 | 25 | 26 | 27 | 28 | 29 | 30 | | 31 | |
|
2014 年 5 月 10 日 星期六  |
| 信念 |
分類: 章の生活日誌 |
鋼琴ATCL張報名表格終於遞交左，計時器開始倒數，距離十月、十一月考試其實數埋都係剩番半年都無LOL呢排上堂都唔知自己啲手指做咩咁唔乖巧，偏係作對咁...記得有日上堂我彈左幾行就比個老師停左...
「手指好唔靈活。裝飾音彈得唔清楚。你有無聽我講返屋企放慢練？我知你平時好努力練琴，但宜家唔彈番慢只會害左你，最後就係死路一條。」
結果餘下時間都係逐句逐句練，只想呢堂可以快啲結束。淚水能夠強忍係眼眶，直至離開先至落下已經好堅強，好耐未試過因為彈琴既表現唔好而落淚，但有時真係好無奈，自問我係屋企練果時唔係咁樣，至少啲手指係聽話既，只係去到上堂唔知緊張定係點樣始終都表現得唔好，就係因為老師連續幾星期既彈劾，我每次練琴花上個幾鐘，每次都會彈到兩隻手都有啲酸痛感覺，絕無誇張成分......有時我會好傻咁諗，彈琴興趣黎咋嘛，彈到咁辛苦為咩？但諗深一層，呢條路係自己選擇既，無得怨更加唔應該怨。目前對自己既要求好簡單，純粹想見到自己可以進步番咋@@
「當你想放棄的時候，想一想你是如何開始的。」
「當你想放棄的時候，想一想是什麼支撐著你一路堅持。」
其實我好鍾意睇番之前自己影過既相，因為啲相對於勾起記憶真係好有幫助，話說四月加加埋埋過五百張相，睇番就會好開心-V-
四月五日。我地一家三口同埋公公婆婆佢地報名參加啲香港一日遊啦，公公行動不便所以好少機會周圍遊走，難得呢日放晴出去呼吸新鮮空氣都未嘗唔係一件好事，成班人咁樣「出巡」真係幾熱鬧架，始終結伴旅行係最好既-V- 雖然呢日遊覽啲景點唔算有啲咩過人既特色，但平時你有幾可會去摘士多啤利先:P 話說新建成果個郵輪碼頭平台個花園都好大，好多角落都好適合影相，仲可以將成個維港盡收眼底:$ 值得一提就係晏咒係鯉魚門食果餐好豐富，條斑同埋啲海鮮都好好味<3
四月二日。師生羽毛球比賽，亦係我加入校隊四年既最後一次同老師切磋既機會。以往每年師生賽都係同盧諾晞夾，RONNIE倒係一個新嘗試，短小精幹既我加身型寵大既佢拼埋一齊有啲相映成趣既感覺囉:$ 能夠同校長加MR.HUNG對戰其實好難得，同時好興奮係因為成場比賽將會有好多意想不到既挑戰-V- 我同RONNIE其實都係勝在短時間進入狀態，開賽食住個勢之餘都打得幾順利，有幾球仲係雙方來回猜左好多板。雖然企係場內要兼顧接球，但同時都會感受到有精彩既氣氛（唉病句嘛-_- 但這不是重點吧..）:P中段有啲不必意既失誤，但最後勝出比賽已經無悔:D 曾幾何時我唔明點解啲師兄升到中五就開始「潛水」，我果時仲好天真咁同自己講第時唔可以咁，唔可以做壞個風氣...但後黎讀書壓力愈大，就會自自然然忽略練波，或者將果啲時間犧牲做其他工作。儘管有時放學得閒都情願返屋企休息下......究竟原因何在？相隔幾個月執起球板跳殺，落波雖然無咁得心應手，但我真係好享受係場上走動果種感覺。「身不由己」或者只係一個令到自己能夠暫時心安理得既藉口黎。
無論係彈琴，抑或打羽毛球，都應該要有信念支持既。
|
| 雜 |
分類: 章の生活日誌 |
最近似乎黑色暴雨經常出現，成個禮拜都落雨，出街無時無刻擔住雨傘，雨點就滴滴答答打落黎，呢種濕濕漉漉、昏暗陰沉既既感覺實在唔討好！
測驗，未嘗係件壞事，對於我呢類人黎講絕對有用。唔知幾時開始CHEM同ECON就脫離左主車群，唯有測驗殺到埋身先會有個自發性追，肯溫習+__+ 但有時下苦功溫明晒書既內容，做卷又係另一回事。希望除左中文同埋CHEM之外就唔好再有咩差池喇...呢幾日聽到身邊好多人嗌住話退修，亦得老師批准。雖然我考完之後諗過成千上萬次想DROP CHEM，讀少科的確會騰空好多時間，但對自己個保障少左。結果，只係空想，要付諸實行似乎並非咁容易。
諗深層，測完驗似乎唔見得自己輕鬆好多，忙IES、忙ART EXHIB、忙溫習、卻不能忘，距離FINAL EXAM尚餘廿日，有少許諷刺>_< 有時候，我真係希望自己每日就算再忙都好，臨訓之前都可以抽少少時間記番啲果日既事-__- 但每每都會有無數個藉口係腦海中湧現，某啲重要事情丟淡左就無咩動力用文字再記番。以下呢幾段文字應該係兩個月前打落，哎喲其實咁樣睇番我自己都覺得好雜亂無章囉，不過是但啦-V-
**********
二月廿二日。晏咒同乾媽同媽咪既舊同事係佐敦飲茶，對上一次見佢地應該兩年前，佢地啲囡全部都大個左不少-V- 有個三年級既妹妹藝術造詣好高@@ 畫既畫好靚，仲識得單憑記憶摺恐龍、同孔雀既野送比另外啲小朋友！基本上每個星期係婆婆屋企食飯既時候都會見到澄澄同埋汛汛，呢兩個鬼靈精只要唔爭野玩、食飯唔扭計既都幾討人喜愛既！有時汛汛會刻意講番啲BB話撒嬌，每次玩包剪泵既時候都係慢出要贏人LOL 細佬吸收能力比同期小朋友快，無論學英文拼音定係寫筆劃較多既字都好叻，希望唔係「小時了了，大未必佳」啦。
三月六日。話說V.A.果份FABRIC ART已經做好嚕，宜家比ART CHAN收左黎做GOOD WORK添，不枉放左好多心機同埋時間落去個布袋到，坦白講真係幾靚架XD. 最近同班上面某啲有志入士傾過學期尾既ART EXHIBITION...當中聽到個好吸引既主題，希望到時可以實踐出黎，相信到時呢個體驗好似上年CONCERT咁一樣難忘！
三月八日。宜家除左四科核心科目之外，連ECON都補埋ANDREW LO鞏固番。可能因為DEMAND & SUPPLY都係啲幾熟悉既課題，所以跟起來無咩太大困難...希望遲啲佢可以幫我清番EXTERNALITY既CONCEPT啦^0^ 其實ANDREW講野比Y.Y.LAM仲要快，有時佢用既例子好深刻，講完仲會自己一個咔咔聲咁自HIGH，好搞笑XD.
三月十五日。傑生會第二屆理事就層典禮，件SUIT又有機會大派用場@@ 見到自己有份撰稿果本紀念特刊面世好開心，個鍍金襟章同金屬書簽都好靚囉！我呢日既崗位都係負責招待傳媒記者，星島、新城、有線都SET晒錄影機，場面幾鼎盛。呢日學校好多同學都黎左幫手擔任接待處義工同埋禮儀小姐，爸爸媽咪同校長都有到場支持-V- 禮成之後大家都聚集埋一齊影相傾計，仲有機會將屬於自己既卡牌派比身邊既人，感覺好特別*V*
三月十八日。由細到大我都比警匪同有關醫護同法律人員既情節吸引住。當然目前播放緊既《叛逃》都包括在內，內容固然扣人心弦，但劇中果種調查技術未免太高科技、太誇張...嘻愈睇呢段就愈覺得自己係個電視精-3- 但自從睇完《單戀雙城》就幾鍾意陳展鵬同埋陳茵薇，宜家仲好想去檳城啊，好多呢啲螢幕情侶都好SWEET添囉！
ART EXHIBITION開會去，有熱衷既心、明確既主題實事半功倍。做文書既決定好正確，處理文件係我興趣黎LOL仲可以避免約開會既苦惱:$ |
« | 6 | 7 | 8 | 9 | 10 | 11 | 12 | 13 | 14 | 15 | ... | 214 | »
|
