哈哈宜家都差唔多四點幾嚕@@ 都有啲眼訓:S
但仍然係舅父屋企睇緊佢地幾個打台灣牌XD.
早啲黎到果陣時都代媽咪打左三圈牌咁啦X__X
點知不停輸錢，呢次名乎其實係個敗家仔喇嘿嘿:P
尾二果鋪叫做食左鋪自摸咁樣啦，叫係止血啦:O
至於最尾果鋪就係摸得好齊囉，叫對對糊既其實就:)
點知又比人截左嗚嗚T__T但果次個心跳得好快囉><
去到十二點佢地打完八圈之後先至落街買車仔麫^3^
另外仲有啲鴨舌、類似甜蝦既東西同埋翡翠螺添啊:D
我都唔知呢餐對我黎講應該叫做晚餐丫定係宵夜黎-V-
因為對上食野果時已經係晏咒同成班人係石澳燒烤*O*
尋晚話說返到屋企仲繼續寫BIOLOGY個閱讀報告-V-
跟住又執左少少S.1迎新日果個POWERPOINT啦@@
結果最後仲打左篇BLOG同埋睇左兩集動漫添囉:$
啊我仲會好想追埋落下集架原本，但因為隻眼太澀喇X__X
但訓果陣時都已經五點鐘喇，嘿其實真係好耐都冇試過:O
原本見早幾日打完風，諗住今日天氣一般仲有驟雨啦...
點知係石澳逗留左五個鐘左右，兩隻手臂都曬紅晒X__X
呢日個太陽好似異常猛烈咁樣@@ 好似係燒緊自己咁LOL
最初諗住呢次陽盛陰衰既GATHERING會好悶啦:O
始終同佢地成班同學都好似好耐冇見咁，冇咩話題之外，
仲要係聯班咁樣搞，所以出發之前其實我都有啲擔心架XD.
結果事實再次話我知凡事唔應該咁早下判斷，試過先知:P
最初今朝係地鐵站見到佢地真係冇野講X__X好DEAD:(
直到MS.LO黎左之後先至同佢同曾定楠講多左野:D
所以我成日都覺得呢類型既聚會呢，個老師好重要架B-)
之後我地A班既CARINA`FELIX`TRENG`曾定楠`
JEFFREY仲有MS.LO同埋我都周圍買野食同埋用具啦。
話說佢地幾個樣冇咩太大改變既，至少我仲認得出^0^
但係...講到身高問題我就真係自愧不如，咁多個排尾二:$
買野果陣時溝通多左好多...有番果種以前一齊癲既感覺:D
諗番起大家以前係靠互相寸黎寸去咁樣溝通，好懷念啊:)
跟住我地幾個人仲要追巴士趕入石澳囉真係好搞笑嘿嘿:P
透爐果陣時曾定楠全力負責，真係好犀利囉我覺得*V*
哈哈或者係因為自己完全唔識點樣透爐所以會咁諗啦-V-
點知其餘果班男仔就係度玩鋤大D囉，好毒啊真係X_X
過左冇耐鄧SIR帶埋佢個大仔黎到同我地玩左一陣咁啦:P
哎喲佢竟然唔記得晒好多同學個名，慶幸佢見到我之後，
摸下我個頭就話，哈哈呢個實記得啦A__A太開心喇XD.
其餘既時間基本上都係我地燒野食同埋傾計咁樣啦haha.
好囉但係燒野食真係熱到成個人都唔知點咁，焗死喇:O
傾計其實都係無無聊聊咁樣囉，難得有講唔完既話題XD.
呢日同FELIX好似一如以往咁樣，以前都好FRIEND架:$
話說最搞笑就係個火就黎熄，咁曾定楠就加炭同搧風啦:P
跟住FELIX同TRENG就講晒果啲打機既TERMS出黎，
又話咩加點數，補血，打大佬，GAME OVER咁樣囉-V-
雖然我地全部都係升中四-__-但無可否認真係好好笑囉:D
間唔中仲會講番以前一齊上堂或者返學既有趣同低B野囉:$
不知不覺原來小學畢業對我地黎講已經係三年既事黎X__X
呢日曾定楠唔知做乜好似食錯藥咁樣發神經啦成日係度@@
無時無刻都好似嗱嚒佬嘰哩咕嚕，有時啲即時反應仲好正:P
佢仲好細個咁將啲好熱既燒烤叉整溶果啲發泡膠既野啦-__-
最嚴重就係將支叉劃落個地下道，結果整溶埋果塊石屎地:S
臨走之前仲係度踩扁果啲汽水罐囉，哎喲究竟佢幾大個haha.
我地成班人望住佢都真係冇咩野好講@@ 應該係話冇眼睇:D
臨走之前仲影左啲大合照啊，哈哈一年幾張都唔錯丫其實^0^
至少第時大個睇番可以望下自己每年個樣有啲咩改變咁啦XD.
記得上次我地成班6A去燒野食好似已經要回顧到2009喇:S
果次真係好齊人囉如果我冇記錯既話，仲玩到喪晒添:$
哈哈好期待下次既聚會，不過要聯班既就真係...要考慮下:P
更加期待就係可以成功搵番咁多個同學聯誼下啊hahahaha.
所以宜家呢刻好有衝動係暑假完之前係室外見多次面B-)
|
