今日基本法贏左堅樂,贏左已經開心......加上呢一樣因素,係更加開心!! 原來堅樂o個個辯論老師,就係累我地輸俾女拔o個個死肥佬......想同我地民生打心理戰,我地未驚過....做人做到咁cheap.....特登搞到我地輸....你好野!! 我地民生有o既係實力,真金不怕洪爐火,驚你呀!! 身為一個老師,更加唔應該偏幫.....世界就係咁.....往往就係咁o岩!! 真係萬萬都估唔到....原來背後的原因係咁......睇清楚d人o既真面目!! 我地成班都勁angry,係咁鬧個肥佬.....真係化左灰都認得佢!! 後尾又見到女拔o個個串咀一副,我認住佢......扮哂野!!

今日朝早剪左個頭.....好樣衰!! 不過可以叫做好過上次o個個少少.......但係都唔差得太遠lor......上次8月o個個盲毛剪衰左我個頭,先搞到我今次都係咁o既樣....我會記住佢!! 我驚星期一返到去,LA會覺得我個頭好核突,咁我就死得gar啦!! Worried,worried and worried!!

成個禮拜正情唔得閒到,無時間打diary......有好多野想講,由邊度講起好呢....唔用咁多口水,講無聊野....

星期二,真係好無奈,完全唔知點解會輸俾女拔,擺到明哂係我地贏....o個四個xx係度勾引d judges.....cheap....又吹佢地唔脤,有d又ok靚女,兩個judges都係男,無野好講....比賽前又同佢地傾計,比賽後又係,佢地玩哂......我地明明有駁o既野,o個兩個xx話我地無駁....Sam駁左成n個,佢話Sam駁得好少,吹脤!! 女拔一係就問d唔係問題o既問題,一係就問一d我地駁過o既野,答又唔知答左d咩出黎.....咁都算!! 到結辯,佢同我全部都講哂我地駁哂o既野,仲要講到勁差,勁唔順,都有80分...蕭世友真係超水準,都要低佢7,8分....你話吹唔吹脤!! 我真係無野好講....我地真係諗住贏佢地20幾分,點知俾佢地贏我地20幾分轉頭.....我地根本就無可能會輸......搞到我地四個,再加下面台下發問三個都激到爆炸....好在仲有負方賽,仲有機打番上去.....睇住黎呀,女拔....我地一定係決賽,打番殘你......哼......

好講第二樣,星期三打badminton....同溫思靜打雙打.....雖然勁驚,但係都贏......因為溫思靜太厲害啦! 但係今日對英華,由於我實在太無經驗,搞到我地輸左....變相累左成隊輸!! 打o個時,我真係好驚呀!! 隻腳係震得好誇張.....我地雖然攞唔到冠軍,但都應該有第二.....又有得上台啦!!

好啦! 講番d正經d o既野啦!! (以下所講o既野,唔係鬧主席,只係提醒!) 上次去大會堂睇表演,出黎排隊o個時,真係好亂,Derek同Romen o個d走哂去後面,搞到前面無哂人! 雖然Ivy Ngai o個d,都有叫我去後面同佢地排,但我都無....我清楚知道,身為班長,唔應該帶頭唔守規矩.....身為班會主席,都應該係咁諗.....自從主席一次又一次唔跟次序排,d同學開始"有樣學樣".....主席咁做o既話,係帶頭做壞榜樣! 請主席多加留意......

各位,我請你地盡快忘記LA挑逗佢個partner o個一件事.......LA o個次咁做,純粹係因為增加真實感.......佢係唔會鍾意佢個partner.....係絕對唔會,你地唔好再屈佢!!

好啦! 作為一個旁觀者睇呢件事,有d明白到主席o既感受! 以下o既一段話,請Anita姐姐唔好介意,你可以放心,同我地同一班補習o既人,唔會睇到我個diary! 各位,你地唔使識入面任何一個人...睇就得gar啦!! 本來anita姐姐同佢個friend ....A啦! 好friend.....跟住有一日啦! A就因為Anita同另一個friend,唔理佢,就嬲左Anita.....Then佢就同左男仔....B...講啦!! B同Anita好friend...佢地話係兄妹wo.....咁就同左Anita講A嬲左佢.....唔知點解,A又知道左wo...就問呀B,佢同anita咩關係.....B就話兄妹啦! 跟住,A就呷醋.....覺得Anita同B唔單止兄妹......Anita同我講,話佢地真係兄妹,佢唔係鍾意佢,雖則我都覺得佢地似情侶多d.....跟住Anita條氣勁唔順,就係diary數佢.......A依家就夾埋哂d人,唔同Anita玩.....我就當然企係Anita o個邊啦! 好啦! 講到咁多.....係咪有d似曾相識呢....我都覺得係....好似我同LA同主席咁......但係唔同o既地方,就係主席有阻住我,但Anita無阻住A,係從來都無.....而且,Anita無潑過佢冷水,但係主席有.......呢個地方就係最大o既差別......亦都係,我覺得主席唔o岩o既地方.....請主持唔好介意我重提呢件事.....

唔知點解,總係覺得LA好似成日都唔睬我.....佢隻耳好似好有問題,同佢講野成日都聽唔到......但係朝早成日都同佢一齊,有時就傾下計,有時就提下佢溫書,有時就陪下佢做功課......覺得自己愈來愈喜歡LA......有少少計劃,但害怕失敗....但係睇過倪震本"絕頂愛情"之後,佢話一個人唔肯向喜歡o既人表白,都係驚無面...唔肯向佢表白,即係你愛面子多過愛佢.....但係我真係驚衰......主席之前係咁話我唔得,所以我到依家,信心都唔係十足!!

Henry,加油呀!! 你就黎得gar啦!! 唔好放棄呀!! 你會追到Baby呀!!

上左中三之後,雖然同左師姐一層,但係關係反而疏遠左......依家,師姐好似已經距離我好遠.....我本來以為我自己無左師姐真係得.....但係今次統測已經可以見到,我無左師姐係唔得gar.....舊年下學期,我係締造左歷史,做左一d我從來都無諗過o既事!! 我唔係突然食左神奇藥水,唔係我變左做愛因斯坦......而係我答應左師姐,我一定要係o個次考試上台.....一定要!! 所以,o個時溫書,從來唔覺得辛苦.....一眼"訓",就會記得師姐同我講過o既野,師姐就好似係我隔離.....咩眼"訓",都會唔記得!! 今次統測,我好俾心機讀書,無左師姐......就好似一架車,無油,點搞都唔會著!! 我就係無左呢個o既動力!! 師姐可能唔會再係我身邊同我講加油,至少今日已經唔會......星期一,佢同我講,話佢唔同我去,各有各去,我真係好想喊! 我只係係度諗,難道我對師姐已經唔再重要....依家補習完左,偶然見到師姐,都無咩反應...同以前見到師姐o個種o既興奮,好大o既對比!! 雖然師姐依然係我最尊敬o既人,係我o既偶像,無師姐,今日唔會有我,我今日唔會有機會代表學校,但係今日我地o既距離好似已經好遠,佢好似唔再理我!! 我又已經愈來愈頹.....無左師姐,完全好似一個唔識行o既細路......我仲未識得長大,依然需要師姐o既加油........

這個星期,很忙碌呀! 所以,我無咁多time去打日記! sorry! 有好多野想講! 但係我要忙住準備辯論同考試....無咁多時間呀! 星期二就會對女拔,心情有d緊張.....我地debating team今年只係輸過一場,噚日又贏左學校辯論隊o既第一個冠軍...難免有d壓力! 仲要第一次做二副,第一次做反方,第一次代表學校......好多野都係第一次! 但係呢個唔會係藉口俾我地去輸! 女拔咁又點....全世界都唔可以覺得我地輸梗! 我地以前贏3E都係咁,我地唔會放棄! 因為師姐教過我地,證明俾我地睇,Nothing is impossible! 係咁先啦! 遲d有time再打!!

一個禮拜發生o既事太多啦! 一次都唔係好講得哂.......因為成日都唔記得左!!

唔記得左幾時啦! 總之係幾日之前o既事啦! 有日o既lunchtime,無啦啦有一個我地班o既男仔,(唔想講邊個!)捉住我隻手,問我中文聆聽幾多分......我係度諗緊佢係有心定係無意.....Sam同我咁friend都唔會咁啦! 我同o個個男仔真係唔熟......但係佢呢排又成日走埋黎問我借野.....我唔知佢係咪真係鍾意我! 所以我都無同任何人講佢係邊個,費事誤會左人啦! 但係我真係唔想佢鍾意我,因為我想佢無任何o既感覺,今日唔會、聽日都唔會、將來都唔會.....

噚日落去早會時,無"sim"衫,俾Perfect個副組長鬧我,仲要我即刻搞番掂佢,勁樣衰! 話我身為班長同Prefect,唔應該咁.....好老實講,"sim"衫係一個好核突o既動作,完全唔美觀.....之後行樓梯o個時見到李彤同Annie To,李彤暗串我.....無咩所謂,反正成日都俾人串.....Annie To超串咀wo.....勁想打佢! 我都唔識佢,無啦啦係度插咀!

唔好話我成日諗番以前d野啦! 有時無左o個樣野o既時候,就會

諗番起以前有o既時候.....噚日一番到去,Ivy Ngai係我同主席面前同我地講,話Mike問佢,究竟佢同我friend d定同主席friend d.....Ivy Ngai話兩個都咁friend,不過,我都預左有呢個答案....令我更加覺得中學d friends好多時無小學d friends咁好.....即係唔係對我好咁簡單啦! 而係佢地唔會同我唔o岩o既人一齊玩......但係上左黎中學,就有好多呢d friends.....如果佢地兩面都friend,基本上就係"兩頭蛇",呢個係我對依家d朋友唔信任o既原因.....但係我依家慢慢都開始習慣,況且,依家都睇化哂...都無人同我唔o岩啦! 無咩所謂....不過,始終覺得中學d關係比較複雜,小學o個d比較純真,而且對自己d friends好忠心,真係難得! 以前有o既時候,無咩點珍惜.....依家無啦! 又唔識去珍惜...你地話啦! 人就係咁衰gar啦!

o岩o岩個妹打黎.....Junior Closed入左決賽......太好啦! 我地兩姐妹都從未入過Junior Closed o既決賽....阿領做得好呀! 如果聽日能夠再攞埋個冠軍,已掛拍o既我都"老懷安慰".....

之前Ivy Ngai同我講,話LA通常識左一個人一年之會鍾意佢......咁樣我咪有排等! 不過"凡事都有第一次o既",我唔信唔得......更加唔想俾一d認為我唔得o既人睇死..................

呢幾個星期所有o既統測成績.....真係.....不過,人始終都會有考驗,問題係你點樣過......History都做唔到全班頭三,有想死o既感覺!! 可能我真係俾得太大壓力自己,再加上仲未適應中三o既測驗模式,仲有之前主席同Ivy Ngai兩個係後面係咁傾計,雖則我上堂都無咩點傾,但係想聽書o個時真係入唔到腦,導致各科成績麻麻.....依家調左新位,前面同左面都有我地班頭三熱門,Joby同Luis.....要擊敗對手,都要懂得對手o既長處同短處,運用適當o既戰術,佢兩個係隔離,我上堂都好似如臨大敵,個人都專心左好多......所以我就話我係一個好受人影響o既人啦!!

呢個月o既28號,我地對女拔o個樣會係放學之後,係九龍塘o既喇沙書院,如果可以o既話,都好想你地黎......21號會收到辯題,即係下個禮拜會好忙......忙o既時候,我先會珍惜讀書o既時間!!

我費事篤穿Henry啦! 我覺得佢真係唔係真心鍾意依家o個個(V).....佢叫我幫佢,但係佢又話,唔得就算! 我覺得佢根本係玩玩下,對V....我覺得佢對以前o個個先至係真,....起碼佢鍾意左佢兩年都無放棄過! 但係佢以前鍾意o個又唔接受佢....你地個個都話佢成日講粗口,個樣好惡,好似想殺人咁.....但係佢對女仔真係好好,唔會對女仔講粗口,更加唔好話女朋友.....佢舊年係主動幫我gar.....雖然衰左,但係佢真係有真正咁幫我,唔係得個講字! 核突d講句,佢係一d"外表粗魯,內裹溫柔"o既男仔,都唔知點解你地個個睇佢睇得咁差....接受佢啦! (事先聲明,我對Henry無任何野,只係朋友)</font></p>
<p><font face="Comic Sans MS">幾日,Miss Lau無啦啦同我地講起一個叫做"薯仔的故事".....費事講咁多啦! 雖然Miss Lau講野好正、好中point,但係佢點都唔會發現到呢樣野.......結果就俾我地發現係鄧煒恩同學講俾Miss Lau知! 個proof就係: 一、Miss Lau係調完位之後,就再有調動,將本來係我地o個邊o既鄧煒恩同學調左去另一邊,係一個咁o岩o既時候,Miss Lau第二次就講呢件事,事情係咪有d問題出現左呢? 二、係鄧煒恩同學o既xanga,有一句就係"有d人應該知道gar啦!"...大約係咁o既意思,事情又開始再出現多d眉目啦! 事情會唔會真係咁o岩呢? 我地係一致認同....我並無因為咁,而對煒恩同學有d咩怨恨...因為我決心忘記過去,寬恕過一d得罪過我o既人.....但係煒恩同學咁做,只會加深其他本身唔妥你o既同學所對你o既怨恨,你諗下係咪.....咁做係好蠢gar.......

Mildred Lo o個d仲覺得我form 1 o個時係老屈佢,無啦啦嬲左佢! 其實,form 1後尾都無咩野! 但你地勢都估唔到係F.2時候,有人篤左你地出黎....話俾我知form 1邊個特登帶頭杯葛我! 唔好真係以為個個都係好朋友.....有人遲早會篤爆你! 不過,你覺得你覺得我錯會好過d....我唔mind....因為真相我已經知道左! 你點諗,我都無所謂! 反正,我對依家d事,都睇化哂啦!!

各位同學,唔好再恨你地身邊o既每一個人,睇化d啦! 做人得今世,未必會有下世! 能夠有機會識到,都係一件難得o既事! 睇化d啦,各位! 我咁都可以睇化.....有時嬲人可能真係一下間o既衝動! 認真d諗清楚.....