黎緊呢兩個禮拜每日都有測驗、默書...咩都有...真係死都無時間死! 今日起左身,食完早餐就係咁溫書....原來下個禮拜個history小測,測好多野....3D o既同學知唔知使唔使測注釋呀!! 有d我覺得要,但係有d又無咩需要....一係搵人問左老師啦! 頭先係咁而溫左d Physics....Miss Lau話勁難呀! o個個鍾sir都唔出聲,係咪都俾d tips呀! 咩都無....由於黎緊太多測驗,所以我唔會成日都打diary gar啦! 大家都要俾d心機呀!!

今日basketball雖然輸左,但係起碼我都出左差唔多兩節....而我都為球隊作出唔少貢獻.....雖則俾呂明才大炒,仲要係30-8...但係我今日都學到唔少野.....我o既高速亦為對面帶左唔少麻煩...今日key波,做得ok啦! 都算係咁,起碼無俾對面偷波....人地D1趺落黎,點都俾我地強d...但係我地其實真係有得同佢地打,只不過我地成日輸籃底....一、唔夠高,人地一舉起手射波,高過我地d底成個頭....無計! 二、唔夠氣,三個底都無哂氣,搞到成日犯規.....不過,我地今日真係打得唔錯,尤其係我地三個頂....依家我地一勝一負....下場對west Island...係士美菲路..希望球隊繼續旗開得勝啦!

P.S. 我真係好想講,我真係唔想同3D o既任何一位同學嘈.....我都係3D o既一份子,流住o既都係3D o既血..我咁愛自己班,又點會倒自己米呢.....我一次又一次係3D個Class Affairs講,大家討論都無意思,係唔想大家繼續嘈,但係Patrick仲要係咁話討論有助改善班會,但係我要停o既最終目的係唔想破壞大家的感情! 但係Patrick又要繼續講,仲要句句都係咁啄住我so我先不斷咁發表我d意見...但係鄭詠之同Patrick o既言論,正情就係天壤之別....Patrick o個d簡正就係小巫見大巫....Patrick o個d都還可以...都可以叫做俾d意見我地! 我覺得鄭詠之發表o個d言論的目的擺明就唔係為3D班,而係不斷咁啄住我同男班長....我地都本來都唔諗住嘈,諗住算數...點知鄭詠之愈寫愈離譜...當正我地好似叛國賊,係咁追住我地兩個班長黎打.....根本就係對人不對事! 我個原則好簡單,做人要真,唔好扮野,有野就講,儘量要對事不對人,就算幾唔鍾意o個個人都好.....我希望同學多d了解我,先至好對我d言論作出評價...有時你地連我本身意思都唔明白,就亂話,搞到好似我錯哂.....

唔知佢係咪真係有d問題.....真係做到好明顯,佢一d都feel唔到lor....今日Swimming Gala,係咁同佢玩...其實,我本來諗住上師姐o個班同佢影相,咁佢得番呢個水運會,就要去考會考,所以,特別想同佢影相...但係,真係同佢超好玩....一d都唔想走....係後尾好thristy同Stacey去買野飲,先走開左....FHC都唔知搞咩lor....成日都阻止我....又睇死我唔得! 本來我都無咩決心話要同佢一齊,但係FHC一次又一次潑我冷水之後,好耐都唔見o既爭勝決心又番左黎...我唔可以肯定我係100%追到佢,但係起碼我依家唔係無可能! If I have try my best,I will have no regret! 幫佢影左勁多相,好搞野! 睇見就勁想笑......
之後啦啦隊好無奈lor....我地同3E鬥得難分難解....最後我地輸左呀! 我覺得勁唔公平lor...3E班o既口號都係Erica Lam作....即係佢地班主任呀! 咁佢地"屈機"啦! 我地都無得打....我地d野全部都係自己作gar.....唔使Miss lau幫手! 3D雖然輸左,但係雖敗猶榮! 你地真係好勁呀! 今日同上次班際真係差好遠....你地真係令我覺得3D係會令我感到自豪!! Cherrie BB好勁呀...一金三銀! Well done,Cherrie BB! 不過,接力勁慘....Cherrie BB一落水就贏...好勁...但係Jeremy同Patrick真係.....莊偉良落水o個時,對面都就黎游完啦! 唉......唔緊要呀! 我地仲有debate,debate會令3D o既同學抬起頭,我地唔會令你地失望!!
放左Swimming Gala之後,無啦啦同一d我唔識o既人一齊lor....仲要同何家安呢條大x蟲! 佢地仲要話上佢屋企,都癡線gar....我唔係話我自己個樣特別標青,但係聽人講話佢咩女都o岩....除左鄭詠之之外,我點知佢有d咩癖好....佢之前d紀錄令我好驚.....Shelia佢地又話要上....個個女仔都係....o個時我真係好驚,何家安出哂名係大c蟲..我真係好驚呀! 但係佢又要同佢自己d friend....搞到我好驚,無人可以俾我挨住wo....梗係死都唔制啦! 但係又俾佢地迫左上車...我真係唔知點算....o個刻,我真係好想佢係我隔離呀! 真係好驚x n次方......我真係驚到喊呀! 點解佢會唔係度呀....本來又話一齊,點知甩底.....話要同佢自己d friend...哼....
之後Shelia佢地好無奈咁同我去食野..搞到我都有d唔好意思呀! Then去左西區公園打波....同鄭嘉愉佢地係咁吹水,佢地個個都有男朋友....有d都唔係好好樣姐,我真係覺得佢差過我..但係佢有仔lor...仲要唔差tim....勁唔順! 我都唔係十分差o者,都唔知點解!!!

噚日有人幫我問左佢.....對話類似係咁啦! 問o個個係咁講,我咪咁聽lor..
Q: 如果xxx(即係我)鍾意你,咁你會唔會鍾意佢?
A: 唔好講d無可能o既野...(<--勁大個問好lor...佢想講,佢無可能鍾意我,還是我無可能鍾意佢...>_<!!)
Q: 如果真係呢...
A: 佢(我)都唔會鍾意我啦! 我依家唔會lor...遲d就唔知...(<--類似咁o既意思啦!!)
我唔知俾咩反應好....但係聽左之後有d咩lor....個人突然靜左好多....我覺得佢係完全唔信我係鍾意佢....真係好蠢呀! 咁都唔知...我開始慢慢發覺鍾意依家呢個多過以前o個個好多...今日返學唔知點咁! 值得高興o既係,起碼我唔係完全無機會! 我噚日都掙扎緊講唔講俾佢知....但係我驚我更加無機會...會嚇怕佢! 佢依家都有鍾意o既女仔啦! 話唔定佢可能會得....佢唔得,我當然會更有機會啦! 但係我唔想咁樣咒人lor....FHC成日都潑我冷水,次次聽完佢講,都唔知點咁...

今日叫做專心左上堂...不過,Ivy Ngai同Fiona Fung成日都傾計,搞到我都好想傾! Lunchtime o個時,搵Alastor可能鍾意o個個.....點知唔係,撞板!!>_<.....唔係呢個,就無咩可能會係第二個lor....淨返o個d好樣衰,都唔知佢咩人!! 佢叫我地唔好掘wo.....算啦! 費時激嬲佢啦! 等間佢喊我就唔知點算啦!

今日debate o個時,臨尾玩即席演講.....勁難! 我明明諗好左,出到去好緊張....咩都講唔到! o個時覺得無左Sam好慘....真係好似無左隻手! Sam o既意見會令我諗到更多o既野...玩debate,我同Sam一定要一齊! 無左佢,表現勁差! 可能真係慣左有Sam同我一齊玩debate lor.....我有好表現,無左Sam真係唔得! 我諗Sam無左我呢個隨傳隨到o既隊友,Sam o既表現都未必有咁好啦! 對嗎? 班際o既時候,我同Sam一定要一齊.....再加上Alastor同Jacky! Jacky一定要玩呀! 3D o既性命就落係你手上! 就算有我同Sam,無左JACKY,我地3D就會輸啦!

今日係曾氏做左勁耐....唔掂lor....成日心不在焉! 唔知係咪成日掛住佢lor....成日都唔知點咁! 叫左人問佢,不過唔會同佢講我鍾意佢lor...唔想俾佢知!! 都唔知佢會唔會睬我....不過,我都有心理準備失敗gar啦! 希望愈大,失望愈大! 無希望,咁唔會有失望gar啦....

P.S.我一直都無意將Patrick當做我地o既敵人! 只不過係Partrick成日啄住我! 我先還擊...