之前班會調左位,但係Miss Lau唔滿意,重新再編過....搞到鄧煒恩又再坐我附近...Miss Lau o既新調動,令我非常地滿意,我為的只是耳根清靜,可專心聽書.....Miss Lau真係了解我,即刻調開左佢! 雖則Ivy Ngai係後面都唔好得去邊,但係佢起碼唔會一堂煩我十次x n次方......咁只會令我o既成績大倒退.....其他人o既變動都唔大,除左林嘉玲同Joby調轉左.....其實,我都唔係一個無彎轉o既人,問題係我受唔受你同你o個套.....如果我一直都對你有好印象,咁就一定有彎轉,我會自動同你講番野.....如果你已經俾左一個好壞o既印象我,就算我原諒你,我都對唔住自己啦! Ivy Ngai話鄧煒恩想同我"好番",所以佢知道Miss Lau調左佢去左後面之後,面都黑哂,但係對我黎講,那一刻,我真的很高興! 就算Miss Lau唔調,都唔代表我會睬番佢,我當然唔想係班樹立任何敵人,我就梗係想"多一個朋友,好過多一個敵人o既"....不過,我想要o既朋友,係符合我本身o既要求....起碼至少唔好爆我野.....雖然佢成日都係d危急關頭幫我,但係你一次又一次咁爆我d野....基本上呢件事可以用"英法聯軍"o個次攻打中國黎作一d比喻,之前o個d,就係咁積少成多.....今次煩到我想死,就係一個導火線....其實仲有好多其他原因,但係費事因為人身攻擊而俾人告,所以就唔打....亦都費事佢對自己無哂信心.....我已經暗示左好多野,聰明o既同學就會估到!

呢幾日係咁講Sam + Jacky + Ken o個句至理名言..單係呢兩日,就多達60次以上...今日仲要攞黎窒師姐同曾嘉宜.....仲有李彤! 我今日落去早會o個時,見到李彤,問佢做咩唔著...佢話當值著會好樣衰...即刻俾我話...有時都無話著唔著o既....著就梗係好,著少少都唔差gar....唔著都無所謂o既! 著同唔著之間就最perfect啦! 之後lunchtime,師姐同曾嘉宜一齊當值...基本上師姐講一句,我就用番呢一句窒佢.....之後我問佢係咪俾我吹脹左...佢好無奈咁話係啦! 之後我又話,有時都無話脹唔脹o既,脹就當然最好啦! 脹少少都唔差o既....不脹都無咩所謂...脹同唔脹之間就最perfect啦! 師姐就俾我吹都更加脹....曾嘉宜都好無奈! 其實,噚日我同師姐講電話o個時,我都講左三次,佢都學識左,師姐不愧係我師姐,我都學左好多次,先用到,佢聽左三次就掂,不過佢唔用,我呢d學左Sam之後就狂用,正所謂"學以致用"呀ma.....師姐之前都學過Sam o個個搞笑講野方法! 不過就攞唔到個精粹....遲d教佢用Sam o既男低音聲唱"小寶寶,食蛋糕"...我都發明左個女高音,都可以教埋師姐.....

Cheerie仔噚日係課室好似BB咁啜d奶昔,所以我依家就叫佢,Cherrie BB or Cheerie B or Cheerie仔仔 or Cherreie仔.....kaka......

Ken成日話我未功力,不過除左佢地三個之外,都無咩人可以串得過我o既...林嘉玲都學哂....

星期四Putonghua堂,Tim Tong話Jeremy美麗動人...不過,我想佢話嬌滴滴多d.....kaka.....

我呢幾日忙住做話劇d野、又要做功課,忙到抖唔到氣呀! 所以就無打diary啦! Sorry呀!

我同Sam做左班際司儀呀! 好開心呀! 我估都係Miss To向Miss Wan推薦我地兩個....除左Miss To同賴sir,基本上都無咩人知我地係一個分析力同組織力強o既人.....唔係佢地,仲會有邊個呀!!! 今日交左個speech俾Miss Wan,佢話我地好有效率呀! HAP....各位f.3 o既同學,留意下個禮拜三o既班際啦! 包保你地笑爆肚呀!

星期三個預演,d賊"十下十下",依家諗住唔搬枱.....

好啦! 唔講啦!

對唔住各位! 我唔習慣將d野鬱係自己心入面,因為我唔想生野....我會講埋d人名,希望各位唔好介意! 亦都唔好覺得我唔o岩! 亦都唔好覺得我玩針對!

今日楊媽咪無啦啦俾左張紙我,話係Viann俾我! 我唔係好想睇,但都接過,丟左萵書包入面,之後俾左Fiona睇,我無叫佢講番俾我知入面講咩,因為我都唔係好想知....之後lunchtime就執一執個書包,見到o個張紙,反正我都估到佢講咩,費事睇,咪丟左佢lor....我好相信呢個行為,一定會引來好多同學o既反應.....但係俾我解釋先,原因有三: 一、我已經知佢想講咩,d人通常係呢個時候寫信俾人,內容大同小異,你唔解會嬲我呀? 我都唔知我做錯咩? 通常大多都會係呢類問題,咁我既然估到,實在無咁o既必要去睇...二來,我份人係睇人o既...如果係師姐寫o既,唔使問,就梗係即刻睇....咁我連睇都唔睇,咁就.....係我心目中,重要程度.....起碼一定唔係知心友,對我黎講,絕對唔係一個可以信任o既人.....三、呢d我F.1仲會做,依家就梗係唔會啦! 哥哥,F.3啦...唔係小三呀! 咁大個人仲寫信,有咩面對面唔講得....不過,對住我就好難講,應該唔受呢套....我都知你好想知,我就係呢度解釋俾你知.....原因有幾: 一、太煩,當我好俾心機上緊堂,正係catch-up,計緊數o既時候,至憎人就煩我,呢d人通常我就會俾幾巴掌,但老師係度.."費事有麻煩"....一堂叫成個幾十次,我咁大個人,從未試過俾人煩到,想搵耳塞...我平時成日煩人,我終於明白個感受係點.....俾我煩過o個d,對唔住呀! 我唔會再咁對你地,因為我身同感受! 二、好信唔過,講完d秘密俾你知,你會係有第三者o既時候,攞出黎講,搞到個個都知....唔止一次! 三、攞我drawer d野出黎睇,印象分大減....好憎人攞我d唔想俾人知o既野...但你偏要睇....無野好講.....我唔想,我嬲左你,但係你完全唔知我點解嬲你,講左就大家一清二楚,同學都唔使估估下,我一次講哂! 咁就無人再問我啦!
可能有d同學會認為我呢個做法有問題,但係我覺得我要講,就一定要講! 我都係之前好多篇diary講過gar啦! 收收埋埋就唔叫diary啦! 我唔"興"咁做......

今日home time,Miss Lau無啦啦話我好得意,要調我上前,俾大家睇下..唔係ma...唔好咁玩啦!!

Maths o既時候,份卷做唔哂,Miss Lau早15 min又唔講,搞到我地唔知時候,Sam好多題無做,超激氣! 我都有d無時間寫呀! 之後Sam話出面d雨水係佢講粗口d口水......Sam今日Maths之後o個半堂,狂爆粗.....成日問候Miss Lau個媽媽.....

放學5:00,同師姐去補習,Eastern Corridor塞車,好無奈lor....但係我地兩個係咁玩....我覺得師姐d手指可以用"百力滋"黎比喻...好得意gar...之後又攞佢張學生證黎睇,都係大同小異....F.5同F.4無咩分別! 不過,唔知點解佢唔俾F.4 o個張俾我lor...有點兒強搶啦! 塞左好耐先到! 差d俾呀sir鬧lor....7:00先可以走人.....

今日真係無咩好做....一早起身,刷牙、洗面,睇埋衛斯理o個本"迷藏".....衛斯理d書真係好好睇,都睇過廿幾本啦....之後就食左個pizza....跟住就作英文個劇本....再跟住就打diary啦.....唔打波,生活又真係幾無聊! 不過遲d有debate,就唔悶gar啦!

噚日個英皇新秀歌唱大賽,大家有無睇呀! 我覺得唔會係2號win lor....其餘o個兩個都好過佢....6號o個個女仔都唔知幾好! 樣又好,唱歌又掂! 都唔知d評判係咪盲gar......

聽日有Maths quiz,要溫書啦!

呢排部電腦都唔知搞咩...去diary零舍耐...唔知老爸做左d咩手腳! 講番噚日啦!

噚日上鍾sir堂可以叫做比平日過得快左...佢教Slope,個個都唔明,但係我同Cheerie晨早係曾氏就識左啦! 不過鍾sir基本上係將一d簡單o既野複雜化...基本上o個d就係tan.....Sam都俾佢吹脹.....佢成日都咁"羅"gar啦.....

Music又唱"分飛燕",好唔鍾意唱粵劇呀! 好難聽....Jeremy係隔離望住哂...搞到我唔敢唱....

英文堂o個時,Mike+Tim+William佢地係咁講中文....又煎,又炒,又烚,又焗,又炆.....最搞笑佢地話中風o既英文係"Central Wind"...癡線!!!

Chemistry做mixture同compound o既實驗.....我地要將d鐵同硫mix再加熱....shit! 勁臭...想嘔lor...好似臭蛋lor...我地o個組做完之後,聞都未聞過做已經將佢丟左係fume cupboard..因為隔離組o個d已經好臭,都唔使聞我地個d啦! Patrick o個組隔左一張枱,我地都聞到o個陣令人想死o既臭蛋味......

Lunchtime無人同我攞飯,夾硬搵左林嘉玲同我攞飯....食完之後,叫到師姐同曾嘉宜一齊係我o個層做perfect...呢d叫做咁o岩得咁"撓"lor.....之後傾左一陣啦! 佢地就落左去食lunch...我就係課室同d同學排drama....好合作呀! 都幾滿意...對你地好有信心呀! d賊好搞野....Patrick都未講,佢地就已經話"兄弟們,上呀!"....好搞野....道具組o既同學,你地快d整野啦! 我地下星期三就要係hall預演啦! 之後,我地用埋home time黎排...Sam真係好搞笑....o岩gar啦....唔使全部都咁搞笑....一部分就ok gar啦....

放左學之後,同Athena+Becky,仲有Iris Chan...都唔知點解佢會黎....我都唔知.....不過咁少人,算啦! d男仔霸住個場,唔肯俾我地打...之後我地係F.1仔o個場搗亂,佢有佢地打,我地有我地打,佢地俾我地搞亂哂..但係又奈我地唔何,咁咪俾左個場我地lor...kaka....之後,Becky同Iris Chan撞埋一齊,兩敗俱傷...之後Becky用個波不小心地打到Athena,又打到我....佢係咁打到人.....癡線!!!

Light o既時候,同Fiona傾左一陣,佢問我d好無聊o既心理測驗,一d都唔準,得一、兩個叫做準d....Fiona,你記得錄d music呀!!!!