今朝返左學校個orchestra夾歌......又係o個d....年年開學禮都係o個幾首...真係好悶!! 學校應該有d新意....你唔悶,我都悶啦 !! 校歌、歡欣.....每年新學年應該都有d唔同o既歌,俾d新意俾大家ma....星期三個中一家長晚會真係...唔知講咩好....見到哂個妹d小學同學,希望個表現唔好咁樣衰,點都好好睇睇.....排歌o個時,見到以前小學教我長笛o個個蔡sir,要搞野....佢問我之前香港青少年世壁攞獎點解無我....勁無奈!!我邊有咁勁呀.....

等間去游水....超唔想游.....

本來諗住只係去荃灣食sushi,之後睇阿領打波,自己唔會打,點知黃曉筠個阿媽無啦啦打電話黎,話黃曉筠唔打...咁我就好無奈咁俾我老豆迫左去打......真係運吉gar.....本來要打兩場,點知個個都無黎.......最後唔使打,就咁入左四強,即係點都有隻盃.......今次應該係最後一次攞獎......學Sam講,win定lost唔緊要,都緊要happy!阿領輸2-1俾李穎汶,無野好講lor......趙泳嵐win左廖桂芝2-0.....壁球最衰就係呢樣野,成日搞到人格分裂咁...就攞趙泳嵐同廖桂芝為例,兩個人明明同一隊,大家都係advance,大家平時攬頭攬頸,真係好friend!到比賽啦,兩個入到場就好似唔識人咁,係咁打,係咁撞....跟住比完賽,d阿爸阿媽就要你地friend番....真係搞到人格分裂!!!我一定就唔可以咁.....壁球就係咁.....但係debate好明顯就唔係......除左練習賽之外啦!!咁你同o個d人一間學校就會一隊比賽gar啦...你d隊友唔會突然間走去第二間學校去打番你轉頭....debate好少咁o既情況!!!呢個亦都係我轉型做debater o既原因之一........

本來諗住今日同Fiona,JoJo,Aaron,Sam,Sam妹,Shelia 佢\地成班去Ocean Park玩,但無奈地係今日係咁落雨...如果我地係都要去o既話,都無意思啦!全部機動遊戲都唔開....所以,cancel左,過多幾日,等好天先去啦!!!頭先同Sam傾左一陣電話,真係不禁回味噚日o既搞笑場面...Sam話仲興奮過之前win 3E.....我覺得都係差不多....o個次對3E係之前俾人睇死,點知我地win左,一吐烏氣.....今次又唔同wo,我地係搞錯左正反方,對面個樣仲要勁串咀,點知我地win左佢\地....兩場o既性質唔係好同o既.....但係都證明左Nothing is impossible!!師姐都話,我地能夠win係極度戲劇性....噚日比賽之後,d高form見到我地都話我地四個好勁...雖然今次win左,係好值得高興,我地仲有左一個連師姐都無o既比賽經驗,但係我覺得仍需向師姐佢\地呢d前輩學習,佢\地o既經驗始終仲俾我地老到好多....況且,今次只係練習賽,出年仲有無數個校外比賽等緊我地,仲有最重要o既班際辯論,我地絕對唔可以好似上次win左3E之後,輕易自滿....自滿使人失敗,自信卻使人成功\.....辯論依家對我黎講,係極度重要,為左debate,我可以放棄打左7年o既壁球,7年呀,係呢7年入面,我做左好多好多令我自己感到自豪o既事....但係係呢7年入面,我無捉緊每一個可以令我成名o既機會....睇住廖梓苓、蕭珈敏佢\地成班係咁上....Under 11 o既時候,我仲壓住佢\地,排名第二,但依家,根本就輸到無影,我淨係知道如果我當初果斷d,早d轉去金鐘練,我今日仲可以同佢\地打到難分難解....雖然好後悔,但係都已經無用,因為係我當初自己無好好捉緊.....可能真係個天整定gar...整定我唔能夠成為一個出色o既壁球員!但係,debate就唔同,一開始就有Miss Esther Ip 同梁老師俾機會我去玩班際辯論....即使我初頭對debate無咩興趣,但係我遇到一個好好o既trainer,係師姐感動左我,令我鍾意左debate.....又遇到三個好好o既隊友,幫左我好多......比賽o個時,又有好多同班同學支持我地,每次比賽,有2E班同學o既鼓勵,令我每次都好有信心去打每一場debate....個天一開始就俾咁多好o既機會俾我,可能我真係適合做debate啦!!!短期o既目標就係要坐穩學校辯論隊結辯o既正選位置,跟住就會努力咁幫學校奪取第一個冠軍,終極目標就係要成為港島民生書院辯論隊最出色o既debater,所有玩debate o既人都識我,不過,要做到呢d目標仲需要加倍努力,唔知有無可能做到,但係我相信一定會有呢一日o既出現!!Nothing is impossible!!

其實,Nothing is impossible 包括左好多謬誤,但係一次又一次o既事例,又再證明Nothing is impossible!之前睇個恆生指數係單數,以為有機做反方....點知係睇錯,仲要係比賽臨開始先知....Miss To同賴sir即時俾15 min我地去準備,但係我地要係15 min入面要重新寫過份稿...單憑我地四個梗係唔得啦....搵埋師姐同李彤過黎幫手,但幫到我地o既始終有限,但我地已經知道佢地已經盡哂力....Miss To都同我地講,不如你地擇日重賽啦!但我地四個都覺得好難先有呢d經驗....做正方,九成九都輸gar啦!不如我地趁呢次機會,試驗下自己o既急才!我地四個坐埋位之後,梗係一分鐘都唔放過啦!係咁係度寫稿....我係自由辯論之前,就寫好左我自己份稿!但係自由辯論係完全無諗過,因為之前一直以為自己都係反方,但係我同Sam o既表現極為特出,比起反方有過之而無不及....我地兩個係自由辯論絕地反擊,扭轉局勢....到賴sir俾評語個時,我地四個都覺得有d機會,但我地都覺得仍有難度,點知真係我地win....o個一刻真係難以置信.....我同Sam呢對老拍檔,真係勁呀!今日Aaron都有好好o既表現,俾賴sir同Miss To讚佢係今日都有進步o個個,Mike都攞到最佳辯論員!Why we are the best debater?No why because we are taught by Yvonne Lam!!!We all trust Nothing is impossible!!!

今朝睇左分班結果.....我分左去3D....同Sam,Fiona,JoJo,楊媽咪....仲有幾個同學....仲會同番Ken Ho一班.....有少少懷念以前同Ken佢\地d小學同學上堂o既日子.....但係我同唔到我最想同埋一齊o既人一班,極度失望,而且無奈!佢仲要同番佢以前鍾意過o既人一班.....我又係六樓,佢\係四樓,依家本來都仲有機會,咁打散,咩機會都無啦!有d安慰o既係,可以再同Sam一齊拍debate,實在令人感到興奮!!雖然有Sam,但係無左Mike同Aaron,師姐又唔會再做我地trainer,又有d失落!不過,我地一日未親手攞到班際辯論o既獎盃,我地一日都唔會放棄!舊年,我地遇到老師俾機會我地,又有一個咁好o既trainer,先可以入到決賽,但最後功\虧一簣,\"臨尾香\"!諗番起都有d心酸,最尾一步都行唔到!其實,呢d都係我o既問題,如果唔係我,我地可以唔使輸.....雖然之前個班際辯論已經過左好耐,都過左三個幾月....但係依家,我仍然有些少內疚....雖然依家我同Sam已經成為School Debating Team,出年可能會有好多校外o既比賽俾我地打,班際辯論基本上已經唔重要....但係我地都係班際辯論出身.....無班際辯論,就唔會遇到師姐,今日就唔會有我地....就算我地玩校外比賽玩得好好,但我地都唔會忘記班際辯論....舊年的班際辯論,我曾經誓言要親手將班際辯論o既冠軍俾師姐,但係我做唔到,真係做唔到!今年班際辯論,除左同Sam呢個老拍檔之外,仲有兩個同學會同我地合作,雖然師姐要會考,唔會睇到我地能唔能夠勝出,但師姐一定會支持我同Sam gar......我地一定會合力奪取冠軍,唔會再輸gar啦....3D必勝!!!